ଦେଶରେ ବଢୁଛି ଆତ୍ମହତ୍ୟା ମାମଲା: ୨୦୨୦ ମସିହା ତୁଳନାରେ ୨୦୨୧ରେ ୭.୨ ପ୍ରତିଶତ ବୃଦ୍ଧି, ମହାରାଷ୍ଟ୍ରରେ ସର୍ବାଧିକ
ନୂଆଦିଲ୍ଲୀ: ଦିନକୁ ଦିନ ଆତ୍ମହତ୍ୟା ଘଟଣା ବଢିବାରେ ଲାଗିଛି। ଏହାରି ମଧ୍ଯରେ ଜାତୀୟ ଅପରାଧ ରେକର୍ଡ ବ୍ୟୁରୋ (NCRB ) ୨୦୨୧ ମସିହାର ଡାଟା ପ୍ରକାଶ କରିଛି। ଯେଉଁଥିରେ ମହାରାଷ୍ଟ୍ର , ତାମିଲନାଡ଼ୁ, ମଧ୍ଯପ୍ରଦେଶ ଆଦି ରାଜ୍ଯ ଆତ୍ମହତ୍ୟା ଘଟଣାରେ ଆଗରେ ରହିଛନ୍ତି। ମହାରାଷ୍ଟ୍ରରେ ୨୨ ହଜାରରୁ ଉର୍ଦ୍ଧ୍ବ ଆତ୍ମହତ୍ୟା ମାମାଲ ହୋଇଥିବା ବେଳେ ତାମିଲନାଡୁରେ ୧୫ ହଜାର ଓ ମଧ୍ଯପ୍ରଦେଶରେ ୧୩ ହଜାର ୫୦୦ ଆତ୍ମହତ୍ୟା ମାମଲା ପଞ୍ଜୀକୃତ ହୋଇଛି। ତେବେ ଭାରତ ବର୍ଷରେ ଗତବର୍ଷ ଅର୍ଥାତ ୨୦୨୧ ମସିହାରେ ୧.୬୪ ଲକ୍ଷ ଆତ୍ମହତ୍ୟା ଘଟଣା ପଞ୍ଜୀକୃତ ହୋଇଛି। ପୂର୍ବ ବର୍ଷ ତୁଳନାରେ ୭.୨% ବୃଦ୍ଧି ହୋଇଛି। ୨୦୨୦ରେ ଦେଶରେ ମୋଟ ୧, ୫୩, ୦୫୨ ମାମଲା ରେକର୍ଡ କରାଯାଇଥିଲା।