ଦିନ ଦ୍ଵିପହରେ ବନ୍ଧୁକ ମୁନରେ ଲୁଟ: ଦୁର୍ବୃତ୍ତମାନେ କାର ଅଟକାଇ ଲୁଟିନେଲେ ଟଙ୍କା, ମୋବାଇଲ

ବାଲିପାଟଣା: ଦୁର୍ବୃତ୍ତମାନେ ବନ୍ଧୁକ ମୁନରେ ଲୁଟିନେଲେ ଟଙ୍କା ଓ ମୋବାଇଲ । ୬ ଜଣ ଲୁଟେରା ଏହି ଲୁଟ୍ କରିଥିବା ନେଇ ସୂଚନା ମିଳିଛି । ବାଲିପାଟଣା-ନିମାପଡା ରାସ୍ତା ଆଇତଳଙ୍ଗଠାରେ ଘଟିଛି ଏହି ଘଟଣା । ରାସ୍ତାରେ ଆସୁଥିବା ସମୟରେ କାର ଅଟକାଇ ବନ୍ଧୁକ ଦେଖାଇ ୬ ଜଣ ଲୁଟେରା ଲୁଟି ନେଇଛନ୍ତି ମୋବାଇଲ ଓ ମନିପର୍ସ । ଏଥିସହ କାରରେ ଥିବା ୨ ଜଣ ବ୍ୟକ୍ତିଙ୍କୁ ବନ୍ଧୁକରେ ଆକ୍ରମଣ କରି ଲହୁ ଲୁହାଣ କରିଛନ୍ତି । ୩ଟି ବାଇକରେ ୬ ଜଣ ଦୁର୍ବୃତ୍ତ ଏହି ଲୁଟ୍ କରିଥିବା ଅଭିଯୋଗ ହୋଇଛି ।

ଢେଙ୍କାନାଳର ସୁଶାନ୍ତ କୁମାର ସାହୁ ନାମକ ଜଣେ ବ୍ୟକ୍ତି କୌଣସି କାମରେ ନରୋଦା ଗ୍ରାମକୁ ଆସିଥିଲେ । ଘରକୁ କାରରେ ଫେରୁଥିବା ବେଳେ ଆଇତଳଙ୍ଗଠାରେ ୬ ଜଣ ଯୁବକ ୩ଟି ବାଇକରେ ଆସି ବନ୍ଧୁକ ଦେଖାଇ ତାଙ୍କୁ ଅଟକାଇଥିଲେ । ବନ୍ଧୁକରେ ସୁଶାନ୍ତଙ୍କ ମୁଣ୍ଡକୁ ଆଘାତ ଦେଇ ତାଙ୍କ ମୋବାଇଲ, ମନିପର୍ସ ଓ ଏକ ବ୍ୟାଗକୁ ଲୁଟି ନେଇଛନ୍ତି ଲୁଟେରା । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ କରୁଛି ।

Leave a comment