ଗାଧୋଉଥିବାବେଳେ ପୋଖରୀରେ ବୁଡି ଜଣେ ମୃତ

ତେଲକୋଇ/କେନ୍ଦୁଝର : ତେଲକୋଇ ହାଲପୋଡି ଠାରେ ଗାଧୋଉଥିବା ବେଳେ ପୋଖରୀରେ ବୁଡି ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଥିବା ଜଣାପଡିଛି। ସୂଚନା ଅନୁସାରେ ହାଲପୋଡ଼ି ଝୁମୁକାପଶି ସାହିର ଯୁଧିଷ୍ଠିର ମହାକୁଡ଼(50) ଗୁରୁବାର ଅପରାହ୍ନ ରେ ଗାଁ ପୋଖରୀକୁ ଗାଧେଇବାକୁ ଯାଇଥିଲେ। ସେତେବେଳେ ତାଙ୍କ ପତ୍ନୀ ରଇବାରୀ ମହାକୁଡ଼ ପୋଖରୀ ତଳ ମୁଣ୍ଡରେ ଥିବା ଚାଷ ଜମିରେ କାମ କରୁଥିଲେ। ସ୍ୱାମୀ ଗାଧେଇବାକୁ ଯାଇ ଫେରିବାରେ ବିଳମ୍ବ ଯୋଗୁଁ ପତ୍ନୀ ପୋଖରୀ ପାଖକୁ ଯାଇଥିଲେ। ଏତିକିବେଳେ ପୋଖରୀ ନିକଟରେ ଯୁଧିଷ୍ଠିର ପିନ୍ଧିଥିବା ଚପଲ ଦେଖି ପାଣିରେ ବୁଡିଯାଇଥିବା ସନ୍ଧେହ କରିଥିଲେ। ଏ ବାବଦରେ ଯଥାଶୀଘ୍ର ସ୍ଥାନୀୟ ଅଗ୍ନିଶମ ବିଭାଗକୁ ଖବର ଦିଆଯାଇଥିଲା। ଖୋଜା ଖୋଜି ପରେ ଯୁଧିଷ୍ଠିରଙ୍କ ମୃତଦେହ ପୋଖରୀରୁ ଉଦ୍ଧାର ହୋଇଥିଲା। ଘଟଣାଟି ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି କରିଛି। ସ୍ଥାନୀୟ ପୋଲିସ ଶବ ଜବତ କରିବାସହ ଏକ ଅପମୃତ୍ୟୁ ମାମଲା ରୁଜ୍ଜୁ କରିଛି।

Leave a comment
The Sakala ପ୍ରତି ମୁହୂର୍ତର ଖବର ଆପଣଙ୍କୁ ଦେଖାଇବାକୁ ଆମକୁ ଅନୁମତି ଦିଅନ୍ତୁ |
Dismiss
Allow Notifications