୪୮ ଘଣ୍ଟାରେ ଆହୁରି ଘନୀଭୂତ ହେବ ଲଘୁଚାପ। ଦକ୍ଷିଣ କଙ୍କଣରୁ ନିମ୍ନଚାପ ରେଖା ଲଘୁଚାପ କେନ୍ଦ୍ର ଯାଏ ଲମ୍ବିଛି। ଆଗାମୀ ୨୪ ଘଣ୍ଟାରେ ୧୦ ଜିଲାରେ ପ୍ରବଳ ବର୍ଷା ନେଇ ସତର୍କ କରାଯାଇଛି। ଏହା ପରେ ଉପକୂଳ ସମେତ ଦକ୍ଷିଣ ଆଭ୍ୟନ୍ତରୀଣ ଓ ଉତ୍ତର ଆଭ୍ୟନ୍ତରୀଣ ରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା। ଆସନ୍ତାକାଲି ୪ଜିଲାରେ ଅତି ପ୍ରବଳ ବର୍ଷା ହେବ। ୧୦ ଓ ୧୧ ତାରିଖରେ ସର୍ବାଧିକ ପ୍ରଭାବ ରହିବ।
୧୦ ତାରିଖରେ ୧୧ ଜିଲାକୁ ଅରେଞ୍ଜ ଆଲର୍ଟ, ୧୬ଜିଲାରେ ପ୍ରବଳ ବର୍ଷା ହେବ। ୧୧ତାରିଖରେ ଉତ୍ତର ଆଭ୍ୟନ୍ତରୀଣ ଓ ପାର୍ଶ୍ଵବର୍ତି ୧୦ ଜିଲାରେ ଅରେଞ୍ଜ ଆଲର୍ଟ। ୧୫ ଜିଲାରେ ପ୍ରବଳ ବର୍ଷା ନେଇ ୟେଲୋ ଆଲର୍ଟ ଜାରି କରାଯାଇଛି। ପଶ୍ଚିମ କେନ୍ଦ୍ରୀୟ ବଙ୍ଗୋପସାଗରରେ ଓ ଦକ୍ଷିଣ ଉପକୂଳରେ ପବନର ବେଗ ୫୫ କିମି ଘଣ୍ଟା ପ୍ରତି ରହିବ, ଫଳରେ ଝଡ଼ ବର୍ଷା ହେବାର ସମ୍ଭାବନା। ୯ ରୁ ୧୨ ସମୁଦ୍ର ଅଶାନ୍ତ ରହିବା ଯୋଗୁ ମତ୍ସ୍ୟଜୀବୀଙ୍କୁ ବାରଣ ହୋଇଛି।
