ସୁଶାନ୍ତଙ୍କୁ ନେଇ ମୁହଁ ଖୋଲିଲେ କ୍ରୀତି
ବଲିଉଡ୍ ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ଘଟଣାକୁ ଇତିମଧ୍ୟରେ ପ୍ରାୟ ୯ମାସ ପୂରିଯାଇଛି। ସୁଶାନ୍ତଙ୍କ ସହ ଫିଲ୍ମ ‘ରାବତା’ରେ କାମ କରିଥିବା ଅଭିନେତ୍ରୀ କ୍ରୀତି ସାନନ କିନ୍ତୁ ସେତେବେଳେ ତାଙ୍କ ମୃତ୍ୟୁ ସମୟରେ ମିଡ଼ିଅାରେ କୌଣସି ପ୍ରତିକ୍ରିୟା ଦେଇନଥିଲେ। ନିକଟରେ କ୍ରୀତି ଏହାର କାରଣ ଗଣମାଧ୍ୟମରେ କହିଛନ୍ତି। ଗଣମାଧ୍ୟମକୁ ଦେଇଥିବା ଏକ ସାକ୍ଷାତକାରରେ ସେ କହିଛନ୍ତି ଯେ, ସୁଶାନ୍ତଙ୍କ ମୃତ୍ୟୁ ପରେ ପରେ ଚାରିଆଡେ ନକରାତ୍ମକ ଚିନ୍ତାଧାରା ବୃଦ୍ଧି ପାଇଥିଲା। ତେଣୁ ଏହି ସମୟରେ ସେ ନିଜକୁ ଗଣମାଧ୍ୟମଠାରୁ ଦୂରେଇ ରଖଥିଲେ। କ୍ରୀତି ଆହୁରି ମଧ୍ୟ କହିଛନ୍ତି ଯେ, ମୋତେ ସେତେବେଳେ ଏତେ କଷ୍ଟ ହୋଇଥିଲା, ତାହା ମୁଁ କହିପାରିବି ନାହିଁ। ହେଲେ ଏସବୁ ମୋ ନିଜ ଭିତରେ ରଖୀବାକୁ ଚାହୁଁଥିଲି। ତେଣୁ ମୋ ମନକଥା ଅନ୍ୟ କାହା ଆଗରେ ପ୍ରକାଶ କରିବାକୁ ଉଚିତ୍ ଭାବି ନଥିଲି। ସତ କଥା କହିବାକୁ ଗଲେ, ବର୍ତ୍ତମାନ ସମୟରେ ନିଜ କଷ୍ଟକୁ ଅନ୍ୟ ଆଗରେ ପରିପ୍ରକାଶ କରିବାଠାରୁ ସହଜ ଉପାୟ ହେଉଛି ସୋସିଆଲ ମିଡିଆରେ ପୋଷ୍ଟ କରିବା।
ଏଠାରେ ପ୍ରକାଶ ଥାଉ କି, ସୁଶାନ୍ତ ସିଂହ ରାଜପୁତ ଜୁନ୍ ୧୪, ୨୦୨୦ରେ ଆତ୍ମହତ୍ୟା କରିଥିଲେ। ତାଙ୍କ ମୃତ୍ୟୁକୁ ନେଇ ପୂରା ଦେଶରେ ବେଶ୍ ତମ୍ବିତୋଫାନ ହୋଇଥିଲା। ଏହି ସମୟରେ ବଲିଉଡ୍ ମଧ୍ୟ ଦୁଇଭାଗ ହୋଇଯାଇଥିଲା।
