ଆଇପିଏଲ ୨୦୨୨: ଦିଲ୍ଲୀ କ୍ୟାପିଟାଲ୍ସକୁ ୧୪୭ ରନର ଟାର୍ଗେଟ ଦେଲା କୋଲକାତା ନାଇଟ ରାଇଡର୍ସ

ମୁମ୍ବାଇ: ଚଳିତ ଆଇପିଏଲର ୪୧ତମ ମ୍ୟାଚ୍‌ରେ ମୁହାଁମୁହିଁ ହେଉଛନ୍ତି ଦିଲ୍ଲୀ କ୍ୟାପିଟାଲ୍ସ ଓ କୋଲକାତା ନାଇଟ ରାଇଡର୍ସ। ଏହି ମ୍ୟାଚ୍‌ରେ ଦିଲ୍ଲୀ ଅଧିନାୟକ ଋଷଭ ପନ୍ତ ଟସ୍‌ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଛନ୍ତି। ଫଳରେ କେକେଆର ପ୍ରଥମେ ବ୍ୟାଟିଂ କରି ୧୪୬ ରନ କରିଛି। ଏହି ମ୍ଯାଚକୁ ଜିତବାକୁ ହେଲେ ଦିଲ୍ଲୀ କ୍ୟାପିଟାଲ୍ସକୁ ୧୪୭ ରନର ଆବଶ୍ଯକତା ରହିଛି।

କେକେଆର ପକ୍ଷରୁ ଆରୋନ ଫିଞ୍ଚ୍ ୩ ରନ୍ , ଭେଙ୍କଟେଶ ଆୟର ୬ରନ୍, ବାବା ଇନ୍ଦ୍ରଜିତ ୬ରନ କରି ଆଉଟ ହୋଇଥିଲେ। ଗୋଟିଏ ପଟେ ପାରିକୁ ଅଧିନାୟକ ଶ୍ରେୟସ ଆୟର ସମ୍ଭାଳିଥିଲେ। ହେଲେ ସେ ୩୭ ବଲରେ ୪୨ ରନ କରି ଆଉଟ ହୋଇଥିଲେ। ଆଜିର ମ୍ଯାଚରେ କୋଲକାତା ନାଇଟ ରାଇଡର୍ସ ଷ୍ଟାର ଖେଳାଳୀ ଫେଲ ମାରିଥିଲେ। ଆନ୍ଦ୍ରେ ରସେଲ ଓ ସୁନୀନ ନାରିନ ରନ କରିବାକୁ ସକ୍ଷମ ହୋଇ ନ ଥିଲେ। ପରେ ପାରିକୁ ନୀତିଶ ରାଣା ଓ ରିଙ୍କୁ ସିଂହ ସମ୍ଭାଳିଥିଲେ। ରିଙ୍କୁ ସିଂହ ୧୬ ବଲରେ ୨୩ ରନ କରି ଆଉଟ ହୋଇଥିଲେ। ପରେ ନୀତିଶ ରାଣା ୩୪ ବଲରେ ୫୪ ରନ କରି ଆଉଟ ହୋଇଥିଲେ।

ଦିଲ୍ଲୀ କ୍ୟାପିଟାଲ୍ସ ପକ୍ଷରୁ ସର୍ବାଧିକ କୁଲଦୀପ ଯାଦବ ସର୍ବାଧିକ ୪ଟି ୱିକେଟ ନେଇଥିଲେ। ମୁସ୍ତାଫିଜୁର ରହମାନ ୩ଟି ୱିକେଟ ନେଇଥିବା ବେଳେ ଅକ୍ଷର ପଟେଲ ଓ ଚେତନ ସକାରିୟା ଗୋଟିଏ ଲେଖାଏଁ ୱିକେଟ ନେଇଥିଲେ।

Leave a comment