ହ୍ବିଲ୍ ଚେୟାରରେ କପିଲ୍
କମେଡି କିଙ୍ଗ୍ କପିଲ ଶର୍ମାଙ୍କୁ ନିକଟରେ ବିମାନବନ୍ଦରରେ ହ୍ବିଲ୍ ଚେୟାରରେ ଠାବ କରାଯାଇଥିଲା। ଗଣମାଧ୍ୟମ ପ୍ରତିନିଧିମାନେ ଏସମ୍ପର୍କରେ ପଚାରିବାରୁ ସେ ଚିଡି ଉଠିଥିଲେ। କାହିଁକି କପିଲ୍ ହ୍ବିଲ୍ ଚେୟାର ବ୍ୟବହାର କରିଥିଲେ ସେନେଇ ସୋସିଆଲ ମିଡିଆରେ ଚର୍ଚ୍ଚା ଜୋର୍ ଧରିଥିଲା। ଏହାର ଜବାବରେ କପିଲ୍ କହିଛନ୍ତି ଯେ, ମୁଁ ପୂରାପୂରି ଠିକ୍ ଅଛି। ଜିମ୍ରେ ବ୍ୟାୟାମ କରିବାବେଳେ ପିଠିରେ ଆଘାତ ଲାଗିଛି।
ଏଠାରେ ପ୍ରକାଶ ଥାଉ କି, କପିଲ୍ କିଛିଦିନ ପୂର୍ବରୁ ଦ୍ବିତୀୟ ଥର ପାଇଁ ପିତା ହୋଇଥିଲେ। ପୂର୍ବରୁ କପିଲ୍ଙ୍କର ଅନାୟରା ନାମକ ଝିଅଟିଏ ଅଛି।