ବଡ ଖବର ଓଡ଼ିଶା ମନୋରଞ୍ଜନ ଖେଳ ଖବର ଦେଶ- ବିଦେଶ ଜୀବନଚର୍ଯ୍ୟା ରାଶିଫଳ ବାଣିଜ୍ୟ ଫଟୋ ଗ୍ୟାଲେରୀ ଅପରାଧ ଟେକ୍ନୋଲୋଜି ବିଶେଷ ରାଜନୀତି ସ୍ଵାସ୍ଥ୍ୟ

କରୋନାରେ ଲୋକପ୍ରିୟ ଯାତ୍ରା ହାସ୍ଯ ଅଭିନେତା ଜଗା ରାଉତଙ୍କ ପରଲୋକ

ଭୁବନେଶ୍ବର: ଓଡ଼ିଆ ଯାତ୍ରା ଜଗତର ଲୋକପ୍ରିୟ କଳାକାର ତଥା ବରିଷ୍ଠ ହାସ୍ଯ ଅଭିନେତା ଜଗା ରାଉତଙ୍କ ପରଲୋକ ଘଟିଛି। କରୋନାରେ ଆକ୍ରାନ୍ତ ହୋଇ ଚିକିତ୍ସାଧିନ ଥିବା ଅବସ୍ଥାରେ ମଙ୍ଗଳବାର ପୂର୍ବାହ୍ନରେ ତାଙ୍କର ଦେହାନ୍ତ ହୋଇଛି । ମୃତ୍ୟୁ ବେଳକୁ ତାଙ୍କୁ ୮୩ ବର୍ଷ ବୟସ ହୋଇଥିଲା

ସେ ଯାତ୍ରା ଜଗତର ଜଣେ ଆଗ ଧାଡିର କମେଡିଆନ ଥିଲେ। ସାତ ସଙ୍ଖ, କୋଣାର୍କ ଓ କଳିଙ୍ଗ ଗଣନାଟ୍ୟରେ ସେ କାମ କରିଛନ୍ତି। ଯାତ୍ରା ଜଗତରେ ତାଙ୍କର ଦୀର୍ଘ ୬୨ ବର୍ଷର ଅବଦାନ ରହିଛି। ତାଙ୍କୁ ସମସ୍ତେ ସ୍ନେହରେ ଜଗା ମଉସା ବୋଲି ଡାକୁଥିଲେ।

ଜଗା ରାଉତ ଯାତ୍ରା ଦର୍ଶକଙ୍କ ମଧ୍ୟରେ ଏକ ପରିଚିତ ନାଁ ଥିଲେ। ଜିଭ ଅଗରେ ଅସଜଡ଼ କଥା କହି ହସିହସି ବେଦମ କରାଉଥିଲେ ଜଗା ମଉସା। ଦିନେ ଯାତ୍ରା ପାଇଁ ଜଗାଙ୍କୁ ଛାଡ଼ିବାକୁ ପଡ଼ିଥିଲା ନିଜ ପୈତୃକ ଘର। ଯାତ୍ରାରେ ଅଭିନୟର ନିଶା ଏତେ ଘାରିଲା ଯେ ସବୁ କିଛି ଛାଡ଼ି ପଳାଇ ଆସିଥିଲେ। ୧୦ ବର୍ଷ ଛୋଟମୋଟ ପାର୍ଟିରେ ଅଭିନୟ କରିବା ପରେ ୧୯୬୮ ମସିହା‌ରେ ସାତଶଙ୍ଖ ଅପେରାକୁ ଆସିଲେ। ୩୫ ବର୍ଷ କାଳ ସାତଶଙ୍ଖ ଅପେରାରେ ନିଜ ହସର ପରଶ ବୁଣି ଚାଲିଥିଲେ। ସଂପ୍ରତି କଳିଙ୍ଗ ଗଣନାଟ୍ୟରେ ଅଭିନୟ କରୁଥିଲେ ।

Leave A Reply

Your email address will not be published.