ଭୁବନେଶ୍ୱର : ଭରତପୁର ଥାନା ଅଞ୍ଚଳରେ ରହୁଥିବା ଜଣେ ବରିଷ୍ଠ ଆଇପିଏସ୍ ଘରୁ ଚୋରି ମାମଲାର ତଦନ୍ତ ଠିକ୍ ଭାବରେ ନ କରି ଡିସିପିଙ୍କୁ ମିଛ ରିପୋର୍ଟ ଦେବା। ଭରତପୁର ଥାନାର ଏସ୍ଆଇ ମାନସ ରଞ୍ଜନ ମଲ୍ଲିକଙ୍କ ପାଇଁ ମହଙ୍ଗା ପଡ଼ିଛି। ତାଙ୍କୁ ରାତିଅଧୂଆ ଡିସିପି ଅଫିସକୁ ବଦଳି କରାଯାଇଥିବା ବିଶ୍ବସ୍ତ ସୂତ୍ରରୁ ଖବର ମିଳିଛି। ଏହାସହ କିଭଳି ଭାବେ ଏସ୍ଆଇ ମିଛ ରିପୋର୍ଟ ଦେଲେ ଏହାର ତଦନ୍ତ କରିବା ପାଇଁ ଏସିପିଙ୍କୁ ଦାୟିତ୍ବ ଦିଆଯାଇଥିବା ଜଣାପଡ଼ିଛି। ମିଳିଥିବା ସୂଚନା ଅନୁସାରେ, ଗତ ସପ୍ତାହରେ ଭରତପୁର ଥାନା ଅଞ୍ଚଳରେ ରହୁଥିବା ଜଣେ ଆଇପିଏସ୍ଙ୍କ ଘରୁ ଚୋରି ହୋଇଥିଲା । ସେ ଏନେଇ ଥାନାରେ ଜଣାଇବା ପରେ ଏହାକୁ ତଦନ୍ତ କରିବା ପାଇଁ ଏସ୍ଆଇ ମାନସ ରଞ୍ଜନଙ୍କୁ ଦାୟିତ୍ଵ ଦିଆଯାଇଥିଲା।
ହେଲେ ସେ ଏହାକୁ ଖାମଖିଆଲିଭାବେ ନେଇ ଘଟଣା ସ୍ଥଳକୁ ଯାଇ ନ ଥିଲେ। ଏପରିକି ଡିସିପି ତାଙ୍କୁ ଏହି ମାମଲା ବିଷୟରେ ପଚାରିବାରୁ ସେ ଏହାକୁ ସାଧାରଣ ଚୋରି ଭାବେ କହିଥିଲେ । କିନ୍ତୁ ଆଇପିଏସ୍ ଜଣଙ୍କ ଡିସିପିଙ୍କ ସହ ସିଧାସଳଖ କଥା ହୋଇ ତାଙ୍କ ଘରୁ କ’ଣ ଚୋରି ହୋଇଛି ସବୁ କଥା କହିଥିଲେ। ଏହାପରେ ଡିସିପି ଏସ୍ଆଇ ମାନସଙ୍କୁ ତାଙ୍କୁ ଏହି ଚୋରିର ତଦନ୍ତ ରିପୋର୍ଟ ମାଗିଥିଲେ। ହେଲେ ମାନସ ଘଟଣାସ୍ଥଳକୁ ନ ଯାଇ ମିଛ ରିପୋର୍ଟ ପ୍ରସ୍ତୁତ କରି ଡିସିପିଙ୍କୁ ଦେଇଥିଲେ। ଡିସିପି ଏହା ଜାଣିବା ପରେ ରାତିଅଧିଆ ମାନସକୁ ବଦଳି କରିଛନ୍ତି ।
