ଟୋକିଓ ପାରାଲିମ୍ପିକ୍ସରେ ଭାରତକୁ ୩ୟ ପଦକ, ଡିସକସ୍ ଥ୍ରୋ’ରେ ବ୍ରୋଞ୍ଜ ଜିତିଲେ ବିନୋଦ କୁମାର
ଟୋକିଓ : ଟୋକିଓ ପାରାଲିମ୍ପିକ୍ସରେ ଭାରତକୁ ମିଳିଲା ତୃତୀୟ ପଦକ । ପୁରୁଷ ଡିସକସ୍ ଥ୍ରୋରେ ବିନୋଦ କୁମାର ବ୍ରୋଞ୍ଜ ପଦକ ହାସଲ କରିଛନ୍ତି । ଏଫ-୫୨ ଡିସକସ୍ ଥ୍ରୋରେ ବିନୋଦ କୁମାର ୧୯ ଦଶମିକ ୯୨ ମିଟରକୁ ଡିସକସ୍ ଫିଙ୍ଗି ନୂଆ ଏସିଆନ ରେକର୍ଡ ସ୍ଥାପନ ସହ ବ୍ରୋଞ୍ଜ ପଦକ ହାସଲ କରିଛନ୍ତି।
India is rejoicing thanks to Vinod Kumar’s stupendous performance! Congratulations to him for the Bronze Medal. His hard work and determination is yielding outstanding results. #Paralympics
— Narendra Modi (@narendramodi) August 29, 2021
ଫାଇନାଲ ରାଉଣ୍ଡର ୬ଟି ପ୍ରୟାସରେ ବିନୋଦ ଯଥାକ୍ରମେ ୧୭.୪୬ ମିଟର, ୧୮.୩୨ ମିଟର, ୧୭.୮୦ ମିଟର, ୧୯.୧୨ ମିଟର ଓ ୧୯.୮୧ ମିଟର ଡିସକସ୍ ଫୋଫାଡ଼ିଛନ୍ତି । ଏହି ଇଭେଣ୍ଟରେ ତାଙ୍କ ସର୍ବଶ୍ରେଷ୍ଠ ପ୍ରଦର୍ଶନକୁ ହିସାବ କରାଯାଇଥିଲା । ଏହି କାଟାଗୋରୀରେ ପୋଲାଣ୍ଡର ପିଓ କୋସୱିକ ୨୦.୦୨ ମିଟର ଡିସକସ ଫୋଫାଡ଼ି ସ୍ବର୍ଣ୍ଣ ପଦକ ହାସଲ କରିଛନ୍ତି । ସେହିଭଳି କୋଏସିଆର ଭେଲିମିର ସାଣ୍ଡର ୧୯.୯୮ ମିଟର ଡିସକସ୍ ଫିଙ୍ଗି ରୌପ୍ୟ ପଦକ ହାସଲ କରିଛନ୍ତି ।
This is turning out to be an epic
National Sports Day !#IND has won it’s 3rd Medal at #Tokyo2020 #Paralympics #VinodKumar delivered a winning throw !
Well done & heartiest congratulations!!!🥉 in Discus Throw F-52 Final event
New Asian Record at 19.91m 😎#Praise4Para pic.twitter.com/LOJtGb7S7Q— Anurag Thakur (@ianuragthakur) August 29, 2021
ଏହାସହ ଟୋକିଓ ପାରାଲିମ୍ପିକ୍ସରେ ଆଜିର ଦିନ ଭାରତ ପାଇଁ ଲକି ଡେ ସାବ୍ୟସ୍ତ ହୋଇଛି କାରଣ ଗୋଟିଏ ଦିନରେ ଭାରତ ୩ଟି ପଦକ ହାସଲ କରିଛି। ପ୍ରଥମେ ଟେବୁଲ ଟେନିସ ଇଭେଣ୍ଟରେ ଭାବିନା ପଟେଲ ଭାରତ ପାଇଁ ରୌପ୍ୟ ପଦକ ହାସଲ କରିଥିଲେ । ଏହାପରେ ଉଚ୍ଚ ଡିଆଁ ଇଭେଣ୍ଟରେ ଭାରତର ନିଷାଦ କୁମାର ରୌପ୍ୟ ପଦକ ହାସଲ କରିଥିବା ବେଳେ ବର୍ତ୍ତମାନ ଡିସକସ୍ ଥ୍ରୋ ଇଭେଣ୍ଟରେ ଭାରତ ପାଇଁ ବ୍ରୋଞ୍ଜ ପଦକ ହାସଲ କରିଛନ୍ତି ପାରା ଆଥଲେଟ ବିନୋଦ କୁମାର।