ଦ୍ୱିତୀୟ ଟି-୨୦ : ୮ ଓଭର ଖେଳି ଭାରତ ଆଗରେ ୯୧ ରନ୍ର ଟାର୍ଗେଟ ରଖିଲା ଅଷ୍ଟ୍ରେଲିଆ
ନାଗପୁର : ଭାରତ ଓ ଅଷ୍ଟ୍ରେଲିଆ ମଧ୍ୟରେ ୩ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ର ଦ୍ୱିତୀୟ ମୁକାବିଲା ଆଜି ମହାରାଷ୍ଟ୍ରର ନାଗପୁରଠାରେ ଖେଳାଯାଉଛି।ବର୍ଷା ବାଧକ ମ୍ୟାଚରେ ଓଦା ଆଉଟ ଫିଲ୍ଡ ବାଧକ ସାଜିବାରୁ ଡେରିରେ ଆରମ୍ଭ ହୋଇଥିଲା। ପଡ଼ିଆ ଶୁଖି ନଥିବାରୁ ପ୍ରାୟ ଅଢ଼େଇ ଘଣ୍ଟା ବିଳମ୍ବରେ ମ୍ୟାଚ୍ ହୋଇଥିଲା ଏଥିପାଇଁ ୨୦ ଓଭର ବିଶିଷ୍ଟ ମ୍ୟାଚ୍କୁ ୮ ଓଭର ଲେଖାଏ କରି ଦିଆଯାଇଥିଲା। ଏହି ବର୍ଷା ବାଧକ ମ୍ୟାଚରେ ଭାରତର ଅଧିନାୟକ ରୋହିତ ଶର୍ମା ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲେ । ତେବେ ଅଷ୍ଟ୍ରେଲିଆ ପ୍ରଥମେ ବ୍ୟାଟିଂ କରି ୮ ଓଭରରେ ୯୦ ରନ୍ କରିଛି। ଯାହା ଫଳରେ ଭାରତକୁ ବିଜୟ ପାଇଁ ୯୧ ରନ୍ ଆବଶ୍ୟକ।