Latest Odisha News, Breaking News Today | Top Updates on Corona

ଦ୍ବିତୀୟ ଦିନିକିଆ; ଇଂଲଣ୍ଡକୁ ୩୩୭ ରନର ଟାର୍ଗେଟ ଦେଲା ବିରାଟ ବାହିନୀ

ପୁଣେ : ଭାରତ ଓ ଇଂଲଣ୍ଡ ମଧ୍ୟରେ ଦ୍ୱିତୀୟ ଦିନିକିଆରେ ଟସ୍‌ ଜିତି ବୋଲିଂ କରିବାର ନିଷ୍ପତ୍ତି ନେଇଥିଲା ଇଂଲଣ୍ଡ।  ଟିମ୍‌ ଇଣ୍ଡିଆ ନିର୍ଦ୍ଧାରିତ ଓଭରରେ ୬ ଓ୍ବିକେଟ ହରାଇ ମୋଟ୍‌ ୩୩୬ ରନ୍‌ କରିବାରେ ସଫଳ ହୋଇଛି। ଇଂଲଣ୍ଡ ଦଳକୁ ୩୩୭ ରନର ଟାର୍ଗେଟ ଦେଇଛି ବିରାଟ ବାହିନୀ।

ଭାରତ ପକ୍ଷରୁ ରୋହିତ ଶର୍ମା ଓ ଶିଖର ଧୱାନ ଓପନିଂ କରିଥିଲେ। ରୋହିତ ଶର୍ମା ୨୫ ରନ୍ ଓ ଧୱାନ ୪ ରନ କରି ଆଉଟ ହୋଇଥିଲେ। ପାରିକୁ ଅଧିନାୟକ ବିରାଟ କୋହଲି ଓ ଲୋକେଶ ରାହୁଲ୍ ସମ୍ଭାଳିଥିଲେ। ବିରାଟ କୋହଲି ଅର୍ଦ୍ଧଶତକ କରି ୬୬ ରନରେ ଆଉଟ ହୋଇଥିଲେ। ଏହାପରେ କେଏଲ ରାହୁଲ ତାଙ୍କ ଦିନିକିଆ କ୍ୟାରିୟରରେ ୫ମ ଶତକୀୟ ଇନିଂସ୍‌ ଖେଳିଥିଲେ। ସେ ୧୧୪ ବଲ ଖେଳି ୧୦୮ ରନ୍‌ କରି ରାହୁଲ ପ୍ୟାଭିଲିଅନ୍‌ ଫେରିଥିଲେ। ତାଙ୍କ ପରେ ପରେ ୪୦ ବଲରୁ ୭୭ ରନ୍‌ କରି ଖେଳୁଥିବା ପନ୍ତ ମଧ୍ୟ କ୍ୟାଚ୍‌ ଆଉଟ୍‌ ହୋଇ ପ୍ୟାଭିଲିଅନ୍‌ ଫେରିଥିଲେ।

ଅଧିକ ପଢନ୍ତୁ

ଏହାପରେ ପାଣ୍ଡ୍ୟା ବଦର୍ସ ଇନିଂସ୍‌ ଶେଷ ପର୍ଯ୍ଯନ୍ତ ବ୍ୟାଟିଂ କରି ୩୩୬ ରନ କରିବାର ସଫଳ ହୋଇଥିଲେ। ଯାହାଫଳରେ ଇଂଲଣ୍ଡ ଆଗରେ ୩୩୭ ରନର ବିଶାଳ ଟାର୍ଗେଟ ରଖିଛି ବିରାଟ ବାହିନୀ।

ଅନ୍ଯପକ୍ଷରେ ଇଂଲଣ୍ଡ ପକ୍ଷରୁ ଟମ୍‌ କୁରାନ ଓ ରିସି ଟୋପଲୀ ୨ଟି ଓ୍ବିକେଟ ନେଇଥିବା ବେଳେ ସାମ୍‌ କୁରାନ ଓ ଆଦିଲ ରସିଦ ଗୋଟିଏ ଲେଖାଏଁ ଓ୍ବିକେଟ ନେଇଛନ୍ତି।

Comments
Loading...
0Shares
0
ପ୍ରତି ମୁହୂର୍ତର ଖବର ଆପଣଙ୍କୁ ଦେଖାଇବାକୁ ଆମକୁ ଅନୁମତି ଦିଅନ୍ତୁ |
Dismiss
Allow Notifications