Latest Odisha News, Breaking News Today | Top Updates on Corona

ଭାରତ-ଇଂଲଣ୍ଡ ଦିନିକିଆ ସିରିଜ୍: ଇଂଲଣ୍ଡକୁ ୩୩୦ ରନର ଟାର୍ଗେଟ ଦେଲା ବିରାଟ ବାହିନୀ

ପୁଣେ: ଭାରତ ଓ ଇଂଲଣ୍ଡ ମଧ୍ୟରେ ଚାଲିଥିବା ୩ ମ୍ୟାଚ୍‍ ବିଶିଷ୍ଟ ଦିନିକିଆ ସିରିଜ୍‍ର ତୃତୀୟ ତଥା ଶେଷ ମୁକାବିଲାରେ ବିରାଟ ବାହିନୀ ୩୩୦ ରନର ଟାର୍ଗେଟ ଦେଇଛି ଇଂଲଣ୍ଡକୁ। ଇଂଲଣ୍ଡ ଟସ ଜିତି ପ୍ରଥେମେ ବୋଲିଂ ନିଷ୍ପତ୍ତି ନେଇଥିଲା। ଭାରତ ପ୍ରଥମେ ବ୍ଯାଟିଂ କରି ୪୮.୨ ଓଭରରେ ସମସ୍ତ ୱିକେଟ ହରାଇ ୩୨୯ ରନ କରିଛି।

ଅଧିକ ପଢନ୍ତୁ

ଭାରତ ପକ୍ଷରୁ ଶିଖର ଧାୱନ ଓ ରୋହିତ ଶର୍ମା ଓପନିଂ କରିଥିଲେ । ରୋହିତ ଶର୍ମା ୩୭ ବଲରେ ୩୭ ରନ କରି ଆଉଟ ହୋଇଥିବା ବେଳେ ଶିଖର ଧାୱନ ୫୬ ବଲକୁ ୬୭ ରନ କରି ଆଉଟ ହୋଇଥିଲେ। ଅଧିନାୟକ ବିରାଟ କୋହଲି ୭ ରନ ଓ ଲୋକେଶ ରାହୁଲ ମଧ୍ଯ ୭ରନ୍ କରି ଆଉଟ ହୋଇଥିଲେ। ପରେ ପାରିକୁ ରିଷଭ ପନ୍ତ ଓ ହାର୍ଦ୍ଦିକ ପାଣ୍ଡ୍ୟା ସମ୍ଭାଳିଥିଲେ। ରିଷଭ ପନ୍ତ ୬୨ ବଲରେ ୭୮ ରନ କରି ଆଉଟ ହୋଇଥିବା ବେଳେ ହାର୍ଦ୍ଦିକ ପାଣ୍ଡ୍ୟା ୬୪ ରନ କରି ଆଉଟ ହୋଇଥିଲେ। କୃନାଲ ପାଣ୍ଡ୍ୟା ଓ ସର୍ଦୁଲ ଠାକୁରଙ୍କ ମଧ୍ଯରେ ଏକ ଛୋଟ ପାଟନରସିପ ଦେଖିବାକୁ ମିଳିଥିଲା। କୃନାଲ ପାଣ୍ଡ୍ୟା ୨୫ ଓ ସର୍ଦୁଲ ଠାକୁର ୩୦ ରନ କରି ଆଉଟ ହୋଇଥିଲେ। ଭୁବନେଶ୍ବର କୁମାର ୩ , ପ୍ରସିଦ୍ଧ କ୍ରିଷ୍ଣା ଓ ଟି ନଟରାଜନ ଖାତା ଖୋଲି ପାରି ନ ଥିଲେ।

ଇଂଲଣ୍ଡ ପକ୍ଷରୁ ମାର୍କ ଉଡ୍‌ ସର୍ବାଧିକ ୩ ୱିକେଟ ନେଇଛନ୍ତି। ସେହିପରି ଆଦିଲ ରସିଦ ୨ଟି ୱିକେଟ ନେଇଥିବା ବେଳେ ସାମ କୁରାନ, ରିସି ଟପଲୀ , ବେନ୍‌ ଷ୍ଟୋକ୍ସ, ଲିୟାମ ଲିଭିଙ୍ଗ୍‌ଷ୍ଟୋନ୍‌ ଓ ମୋଇନ୍‌ ଅଲି ଗୋଟିଏ ଲେଖାଅଏଁ ୱିକେଟ ନେଇଥିଲେ।

Comments
Loading...
0Shares
0
ପ୍ରତି ମୁହୂର୍ତର ଖବର ଆପଣଙ୍କୁ ଦେଖାଇବାକୁ ଆମକୁ ଅନୁମତି ଦିଅନ୍ତୁ |
Dismiss
Allow Notifications