କାର୍ତ୍ତିକେଶ୍ୱର ଭସାଣରେ ଅଘଟଣ: ବାଣ ଫୁଟି ୩୦ରୁ ଉର୍ଦ୍ଧ୍ବ ଆହତ, ୪ ଜଣଙ୍କ ଅବସ୍ଥା ସଂକଟାପନ୍ନ
କେନ୍ଦ୍ରାପଡ଼ା: କେନ୍ଦ୍ରାପଡ଼ା ସଦର ଥାନା ବାଲିଆ ବଜାରରେ କାର୍ତ୍ତିକେଶ୍ୱର ଭସାଣ ବେଳେ ଅଘଟଣ ଘଟିଛି। ବାଣ ଫୁଟି ୩୦ରୁ ଉର୍ଦ୍ଧ୍ବ ଆହତ ହୋଇଛନ୍ତି । ୪ ଜଣଙ୍କ ଅବସ୍ଥା ସଂକଟାପନ୍ନ ରହିଛି। ସମସ୍ତ ଗୁରୁତରଙ୍କୁ ଉଦ୍ଧାର କରାଯାଇ କେନ୍ଦ୍ରାପଡ଼ା ମେଡିକାଲ୍ରେ ଭର୍ତ୍ତି କରାଯାଇଛି। ଭସାଣରେ ବାଣ ପ୍ରତିଯୋଗିତା ଚାଲିଥିଲା ବେଳେ ବିସ୍ଫୋରଣ ଘଟିିଛି । ବାଣୁଆ ଷ୍ଟକ୍ ରଖିଥିବା ବାଣ ଏକାଥରେ ଫୁଟିଯିବାରୁ ଏଭଳି ଅଘଟଣ ଘଟିଥିବା ଜଣାପଡ଼ିଛି।