ଗୌତମ ଆଦାନୀଙ୍କ ବିରୋଧରେ ଲକ୍ଷ ଲକ୍ଷ କୋଟି ଟଙ୍କା ହେରଫେର ଅଭିଯୋଗ, ହିଣ୍ଡେନ୍ବର୍ଗ ରିସର୍ଚ୍ଚ ରିପୋର୍ଟରେ ଆଦାନୀ ଗ୍ରୁପକୁ ନେଇ ସାଂଘାତିକ ତଥ୍ୟ…
ନୂଆଦିଲ୍ଲୀ : ଭାରତର ଏକ ନମ୍ବର ଧନୀ ଗୌତମ ଆଦାନୀଙ୍କ ବିରୋଧରେ ଆସିଛି ସାଂଘାତିକ ଅଭିଯୋଗ । ଅଦାନୀ ନିଜ ଷ୍ଟକ ଓ ଆକାଉଣ୍ଟରେ ବର୍ଷ ବର୍ଷ ଧରି ବ୍ୟାପକ ହେରଫେର କରିଥିବା ନେଇ ଆମେରିକାର ଆକଟିଭିଷ୍ଟ ଇନଭେଷ୍ଟର ହିଣ୍ଡେନବର୍ଗ ପକ୍ଷରୁ ଅଭିଯୋଗ ଅଣାଯାଇଛି । ଗତ ମଙ୍ଗଳବାର ହିଣ୍ଡେନବର୍ଗ ପକ୍ଷରୁ ୱେବସାଇଟରେ ଏ ନେଇ ଏକ ବିସ୍ତୁତ ରିପୋର୍ଟ ପ୍ରକାଶ ପାଇବା ପରେ, ଭାରତୀୟ ପୁଞ୍ଜିବଜାର ଦୋହଲି ଯାଇଛି । ଏହାର ପ୍ରଭାବରେ ଲଗାତାର ଭାବେ ଅଦାନୀଙ୍କ ସମ୍ପତି ମୂଲ୍ୟ ହ୍ରାସ ପାଇବାରେ ଲାଗିଛି ।
ହିଣ୍ଡେନ୍ବର୍ଗ ରିସର୍ଚ୍ଚ ରିପୋର୍ଟ ଏବେ ଆଦାନୀ ଗ୍ରୁପକୁ ବେଶ ଅଡୁଆରେ ପକାଇଛି। ଗ୍ରୁପ ବିରୋଧରେ ସେୟାର ମୂଲ୍ୟରେ ହେରଫେର, ଆକାଉଣ୍ଟିଂ ଠକେଇ ଏବଂ ମନି ଲଣ୍ଡରିଂରେ ଜଡିତ ଥିବା ଭଳି ଗୁରୁତର ଅଭିଯୋଗ ରହିଛି। ଏକ ଆମେରିକୀୟ ନିବେଶ କମ୍ପାନୀ ହିଣ୍ଡେନ୍ବର୍ଗ ରିସର୍ଚ୍ଚ ଆଦାନୀ ଗ୍ରୁପ ବିରୁଦ୍ଧରେ ତା’ର ରିପୋର୍ଟରେ ଏସବୁ ଅଭିଯୋଗ ଆଣିଛି। ବ୍ଲୁମବର୍ଗ ବିଲିୟନେୟାର ଇଣ୍ଡେକ୍ସ ଅନୁଯାୟୀ ଏହି ରିପୋର୍ଟ ପ୍ରକାଶ ପାଇବା ପରେ ଗୌତମ ଆଦାନୀ ୧.୩୨ ଲକ୍ଷ କୋଟି ଟଙ୍କାର ସମ୍ପତ୍ତି ହରାଇଛନ୍ତି। ଏହାଛଡା ସେ ଧନୀ ତାଲିକାର ୭ମ ସ୍ଥାନକୁ ଖସିଆସିଛନ୍ତି।
ରିପୋର୍ଟରେ କୁହାଯାଇଛି ଯେ ଆଦାନୀ ଗ୍ରୁପର ଅନେକ କମ୍ପାନୀ ଋଣ ଭାରରେ ବୁଡ଼ି ରହିଛନ୍ତି, ଯେଉଁଥିପାଇଁ ସେସବୁ କମ୍ପାନୀ ଉପରେ ସନ୍ଦେହ ସୃଷ୍ଟି ହେଉଛି। ଏଥିସହ ଏକ ଅଭିଯୋଗ ରହିଛି ଯେ ଆଦାନୀ ଗ୍ରୁପ ଟିକସ ଠକେଇର ଆଶ୍ରୟସ୍ଥଳ କୁହାଯାଉଥିବା ଦେଶଗୁଡିକର ଅପବ୍ୟବହାର କରି ନିଜର ସେୟାର ମୂଲ୍ୟକୁ ନିୟନ୍ତ୍ରଣ କରିଛି। ହିଣ୍ଡେନ୍ବର୍ଗ ରିସର୍ଚ୍ଚର ଏହି ନକାରାତ୍ମକ ରିପୋର୍ଟ ଯୋଗୁଁ ଆଦାନୀ ଗ୍ରୁପ୍ର ସେୟାରଗୁଡ଼ିକରେ ତୀବ୍ର ହ୍ରାସ ଘଟିଛି।
ବୁଧବାର ଭାରତର ସବୁଠାରୁ ଧନୀ ବ୍ୟକ୍ତି ତଥା ବିଶ୍ୱର ତୃତୀୟ ଧନୀ ବ୍ୟକ୍ତି ଗୌତମ ଆଦାନୀଙ୍କ ପାଇଁ ସବୁଠାରୁ ଖରାପ ଦିନ ଥିଲା। ଶୁକ୍ରବାର ବଜାର କାରବାର ଆରମ୍ଭ ହେବା ମାତ୍ରେ ପୁଣି ଥରେ ଆଦାନୀଙ୍କ କମ୍ପାନୀର ସେୟାର ମୂଲ୍ୟରେ ବହୁତ ହ୍ରାସ ଘଟିଛି। କେବଳ ବୁଧବାର ଆଦାନୀଙ୍କୁ ପ୍ରାୟ ୭ ବିଲିୟନ ଡଲାରର ସମ୍ପତ୍ତି ହରାଇବାକୁ ପଡିଥିଲା। ଆଦାନୀ ଟୋଟାଲ ଗ୍ୟାସ ଏବଂ ଆଦାନୀ ଟ୍ରାନ୍ସମିସନର ସେୟାର ମୂଲ୍ୟରେ ୨୦-୨୦% ହ୍ରାସ ପାଇଛି। ଆଦାନୀ ଗ୍ରୁପ ଉପରେ ଏହାର ନକାରାତ୍ମକ ପ୍ରଭାବ ପଡିଛି। ବୁଧବାରଠାରୁ ୩ ଦିନ ମଧ୍ୟରେ ଆଦାନୀଙ୍କ ନେଟ୍ ସମ୍ପତ୍ତି ମୂଲ୍ୟରେ ୧୦%ରୁ ଅଧିକ ହ୍ରାସ ଘଟିଛି। ଆଦାନୀ ଏଣ୍ଟରପ୍ରାଇଜେସ୍ର ଏଫ୍ପିଓ ବଜାରକୁ ଆସିବାର ୨ ଦିନ ପୂର୍ବରୁ ହିଣ୍ଡେନ୍ବର୍ଗ ରିସର୍ଚ୍ଚ ରିପୋର୍ଟ ପ୍ରକାଶ ପାଇଛି। ଏହି କାରଣରୁ ଗ୍ରୁପର ପ୍ରାୟ ୨୦,୦୦୦ କୋଟି ଟଙ୍କା ମୂଲ୍ୟର ଏଫ୍ପିଓ ସଙ୍କଟର ସମ୍ମୁଖୀନ ହୋଇଛି। ହିଣ୍ଡେନ୍ବର୍ଗ ରିସର୍ଚ୍ଚ ତା’ର ରିପୋର୍ଟରେ ଆଦାନୀ ଗ୍ରୁପକୁ ୮୮ ଟି ପ୍ରଶ୍ନ ପଚାରିଛି।
ରିପୋର୍ଟ ଅନୁଯାୟୀ, ଆଦାନୀ ଗ୍ରୁପ ବିଦେଶରେ ଅନେକ କମ୍ପାନୀ ଗଠନ କରି ଟିକସ ସଞ୍ଚୟ କରିବା କ୍ଷେତ୍ରରେ କାର୍ଯ୍ୟ କରିଛି। ମରିସସ୍ ଏବଂ କାରିବିଆନ୍ ଦ୍ୱୀପପୁଞ୍ଜ ଭଳି ଟିକସ ଠକେଇର ଆଶ୍ରୟସ୍ଥଳୀଗୁଡିକ ଅନେକ ବେନାମୀ କମ୍ପାନୀ ରହିଛି, ଯେଉଁଗୁଡିକ ଆଦାନୀ ଗ୍ରୁପ୍ କମ୍ପାନୀରେ ଅଂଶଧନ ରହିଛି। ଆହୁରି ମଧ୍ୟ ଏକ ଅଭିଯୋଗ ରହିଛି ଯେ ଆଦାନୀଙ୍କ ତାଲିକାଭୁକ୍ତ କମ୍ପାନୀଗୁଡିକ ବହୁତ ଋଣଗ୍ରସ୍ତ। ପ୍ରାୟ ୨ ବର୍ଷ ଧରି କଠୋର ଅନୁସନ୍ଧାନ କରିବା ପରେ ଏହି ରିପୋର୍ଟ ପ୍ରସ୍ତୁତ କରିଥିବା ଅନୁସନ୍ଧାନକାରୀ ସଂସ୍ଥା ଦାବି କରିଛି।
ଏହାକୁ ପ୍ରସ୍ତୁତ କରିବା ପାଇଁ କମ୍ପାନୀ ଆଦାନୀ ଗ୍ରୁପର ପୂର୍ବତନ ଅଧିକାରୀ ଏବଂ ଅନ୍ୟ କେତେକଙ୍କ ସହ କଥା ହୋଇଥିଲା ଏବଂ ଅନେକ ଡକ୍ୟୁମେଣ୍ଟ ମଧ୍ୟ ଖୋଜିଥିଲା। ଆଦାନୀ ଗ୍ରୁପର ଆଇନ ବିଭାଗ ମୁଖ୍ୟ ଜତିନ୍ ଜାଲୁନ୍ଧୱାଲା କହିଛନ୍ତି ଯେ କମ୍ପାନୀ ବିରୋଧରେ ଆସିଥିବା ସମସ୍ତ ଅଭିଯୋଗ ଭିତ୍ତିହୀନ। ଏହା ମଧ୍ୟ ଯେ ଅନୁସନ୍ଧାନକାରୀ ସଂସ୍ଥା ଆଦାନୀ ଏଣ୍ଟରପ୍ରାଇଜେସ୍ର ଏଫ୍ପିଓ ସମୟରେ ଏହି ରିପୋର୍ଟ ପ୍ରକାଶ କରାଯାଇଛି ଯାହା ଦ୍ବାରା କମ୍ପାନୀର ଅଂଶଧନ କ୍ଷତିଗ୍ରସ୍ତ ହୋଇପାରିବ। ବର୍ତ୍ତମାନ ଆଦାନୀ ଗ୍ରୁପ ନିଷ୍ପତ୍ତି ନେଇଛି ଯେ ଏହା ହିଣ୍ଡେନ୍ବର୍ଗ ରିସର୍ଚ୍ଚ ବିରୋରେ ଏକ ମାମଲା ଦାୟର କରିବ। ଏଥିସହିତ ହିଣ୍ଡେନ୍ବର୍ଗ ରିସର୍ଚ୍ଚ ମଧ୍ୟ ଆଦାନୀ ଗ୍ରୁପକୁ ଏହି ପ୍ରସଙ୍ଗରେ ଚ୍ୟାଲେଞ୍ଜ କରିଛି। ହିଣ୍ଡେନବର୍ଗ ରିସର୍ଚ୍ଚ ପକ୍ଷରୁ କୁହାଯାଇଛି, ସେମାନଙ୍କ ରିପୋର୍ଟ ଗବେଷଣାମୂଳକ ତଥ୍ୟ ଉପରେ ଆଧାରିତ । ତେଣୁ ପଛଘୁଂଚା ଦେବାର ପ୍ରଶ୍ନ ଉଠୁନି । ସେପଟେ ଅଦାନୀଙ୍କ କମ୍ପାନୀକୁ ନେଇ ତନାଘନା ଆରମ୍ଭ କରିଛି ଭାରତୀୟ ପ୍ରତିଭୂତି ବିନିମୟ ବୋର୍ଡ ବା ସେବି
ଏଲ୍ଆଇସିକୁ ବଡ଼ ଝଟକା
ହିଣ୍ଡେନବର୍ଗ ରିପୋର୍ଟ ଯୋଗୁଁ ଆଦାନୀ ଗ୍ରୁପ୍ର ବଜାର ପୁଞ୍ଜି ଶୁକ୍ରବାର ଦିନକରେ ୩.୩୭ ଲକ୍ଷ କୋଟି ଟଙ୍କା ହ୍ରାସ ପାଇଛି। ତେବେ ଏହି ରିପୋର୍ଟ ଯୋଗୁଁ ଭାରତୀୟ ଜୀବନ ବୀମା ନିଗମ ଅର୍ଥାତ୍ ଏଲ୍ଆଇସିକୁ ବହୁତ କ୍ଷତି ସହିବାକୁ ପଡ଼ିଛି । ଦେଶର ସବୁଠୁ ବଡ଼ ବୀମା କମ୍ପାନୀ ଏଲ୍ଆଇସି ଏହି କାରଣରୁ ୧୬,୬୨୭ କୋଟି ଟଙ୍କା ହରାଇଛି । ଆଦାନୀ ଗ୍ରୁପ୍ର ବଡ଼ ପାଞ୍ଚ କମ୍ପାନୀରେ ଏଲ୍ଆଇସି ହେଉଛି ସର୍ବ ବୃହତ ଘରୋଇ (ନନ୍ ପ୍ରମୋଟର) ନିବେଶକ ।
ମାତ୍ର ଦୁଇ ଦିନ ମଧ୍ୟରେ ଆଦାନୀ ଗ୍ରୁପ୍ କମ୍ପାନୀଗୁଡିକରେ ଏଲ୍ଆଇସିର ନିବେଶ ମୂଲ୍ୟ ୨୨% ହ୍ରାସ ପାଇଛି ଜ୍ଝ ଶୁକ୍ରବାର ଏହାର ମୂଲ୍ୟ ୭୨,୧୯୩ କୋଟି ଥିଲା କିନ୍ତୁ ମଙ୍ଗଳବାର (ଷ୍ଟକ୍ ମାର୍କେଟ ଶନିବାର ଏବଂ ରବିବାର ଦିନ ବନ୍ଦ) ଏହା ୫୫,୫୬୫ କୋଟି ଟଙ୍କାକୁ ଖସି ଆସିଛି। ଏହା ସହିତ ଶୁକ୍ରବାର ଦିନ ଏଲଆଇସି ସେୟାର ଗୁଡ଼ିକରେ ମଧ୍ୟ ୩.୫ ପ୍ରତିଶତ ହ୍ରାସ ରେକର୍ଡ କରାଯାଇଛି। ଦୁଇ ଦିନ ମଧ୍ୟରେ ଏହାର ସେୟାର ୫.୩ ପ୍ରତିଶତ ହ୍ରାସ ପାଇଛି ।
କ’ଣ ରହିଛି ହିଣ୍ଡେନ୍ବର୍ଗ ରିସର୍ଚ୍ଚର ୮୮ଟି ପ୍ରଶ୍ନ
ହିନ୍ଦେନବର୍ଗ ରିସର୍ଚ୍ଚ ଏହାର ରିପୋର୍ଟରେ ଆଦାନୀ ଗ୍ରୁପକୁ ୮୮ଟି ପ୍ରଶ୍ନ ପଚାରିଛି। ଏହି ରିପୋର୍ଟରେ ଆଦାନୀ ଗ୍ରୁପକୁ ପଚରାଯାଇଛି ଯେ ଗୌତମ ଆଦାନୀଙ୍କ ସାନଭାଇ ରାଜେଶ ଆଦାନୀଙ୍କୁ ଏହି ଦଳର ଏମ୍ଡି କାହିଁକି କରାଯାଇଛି, ଯେତେବେଳେ ସେ ସମୀ ଶୁଳ୍କ ଫାଙ୍କିବା, ନକଲି ଆମଦାନୀ ଡକ୍ୟୁମେଣ୍ଟେସନ୍ ଏବଂ ବେଆଇନ କୋଇଲା ଆମଦାନୀ କରୁଥିବା ଅଭିଯୋଗ ହୋଇଛି। ଅନ୍ୟ ଏକ ପ୍ରଶ୍ନରେ, ହିଣ୍ଡେନ୍ବର୍ଗ ପଚାରିଛି ଯେ, ଗୌତମ ଆଦାନୀଙ୍କ ଭାଉଜ ସମିରୋ ଭୋରାଙ୍କୁ ହୀରା କାରବାର ସ୍କାମ୍ରେ ନାମିତ ହେବା ପରେ ମଧ୍ୟ ଆଦାନୀଙ୍କୁ ଅଷ୍ଟ୍ରେଲିଆ ବିଭାଗର କାର୍ଯ୍ୟନିର୍ବାହୀ ନିର୍ଦ୍ଦେଶକ କରାଯାଇଛି।
ହିଣ୍ଡେନ୍ବର୍ଗ କ’ଣ
ହିଣ୍ଡେନ୍ବର୍ଗ ରିସର୍ଚ୍ଚ ହେଉଛି ଏକ ଆମେରିକୀୟ ନିବେଶ କମ୍ପାନୀ, ଯାହା ନାଥାନ୍ ଆଣ୍ଡରସନ ନାମକ ଜଣେ ବ୍ୟବସାୟୀଙ୍କ ଦ୍ୱାରା ୨୦୧୭ରେ ଆରମ୍ଭ ହୋଇଥିଲା। ହିଣ୍ଡେନ୍ବର୍ଗ ରିସର୍ଚ୍ଚ କୌଣସି କମ୍ପାନୀରେ ଘଟୁଥିବା ବିଶୃଙ୍ଖଳାକୁ ଚିହ୍ନଟ କରିବା ପରେ ତାହା ବିଷୟରେ ରିପୋର୍ଟ ପ୍ରକାଶ କରିଥାଏ। ଏହା ଏକ ଫରେନସିକ୍ ଆର୍ଥିକ ଅନୁସନ୍ଧାନକାରୀ ସଂସ୍ଥା ଯାହା ଇକ୍ୱିଟି, କ୍ରେଡିଟ୍ ଏବଂ ଡେରିଭେଟିକ୍ସକୁ ବିଶ୍ଳେଷଣ କରେ। କମ୍ପାନୀ ପ୍ରଥମେ ପୋଞ୍ଜି ସ୍କିମ୍କୁ ସମ୍ପର୍କରେ ତଥ୍ୟ ଉନ୍ମୋଚନ କରିଥିଲା।
