ହାର୍ଡକୋର ମାଓବାଦୀ ସୁର୍ଜନର ଆତ୍ମ ସମର୍ପଣ: ୧୩ ବର୍ଷ ବୟସରେ ମାଓବାଦୀଙ୍କ ସଂସ୍ପର୍ଶରେ ଆସିଥିଲେ, ‘ମାଓ ସଂଗଠନ ଆଦିବାସୀ ଲୋକଙ୍କ ବିକାଶ ପାଇଁ କିଛି କରୁନାହାନ୍ତି କେବଳ ନିଜ ସ୍ୱାର୍ଥ ପାଇଁ କାମ କରୁଛନ୍ତି’

ବଲାଙ୍ଗୀର: ମାଓ ଦମନରେ ବଲାଙ୍ଗୀର ପୋଲିସକୁ ବଡ଼ ଧରଣର ସଫଳତା ମିଳିଛି । ମାଓବାଦୀମାନଙ୍କୁ ମୁଖ୍ୟ ସ୍ରୋତରେ ସାମିଲ ହେବାପାଇଁ ରାଜ୍ୟ ସରକାର ଗ୍ରହଣ କରିଥିବା ପଦକ୍ଷେପରେ ପ୍ରଭାବିତ ହୋଇ ଆଜି ଜଣେ କୋରାପୁଟ-କଳାହାଣ୍ଡି-ବଲାଙ୍ଗୀର-ନୂଆପଡା(କେକେବିଏନ) ଡିଭିଜନର ହାର୍ଡକୋର ମାଓବାଦୀ ସୁର୍ଜନ ଓରଫ ଅମିତ ଆଇତୁ କୋରସା ନାମକ ସିପିଆଇ ମାଓବାଦୀ ବଲାଙ୍ଗୀର ଏସପିଙ୍କ ଠାରେ ଆତ୍ମ ସମର୍ପଣ କରିଛନ୍ତି । ଏ ନେଇ ସାମ୍ବାଦିକ ସମ୍ମିଳନୀରେ ଉତ୍ତରାଞ୍ଚଳ ଡିଆଇଜି ଡ଼ ଦୀପକ କୁମାର ସୂଚନା ଦେଇଛନ୍ତି ।

ଆତ୍ମ ସମର୍ପଣ କରିଥିବା ମାଓବାଦୀ ସୁର୍ଜନର ଛତିଶଗଡ଼ର ବିଜାପୁର ଜିଲାର ମନକେଳି ଗାଁରେ । ୧୩ବର୍ଷ ବୟସରୁ ସେ ମାଓ ନେତା ଦିନେଶ ଦ୍ୱାରା ପ୍ରଭାବିତ ହୋଇ ୨୦୧୨ ମସିହାରେ ଯୋଗ ଦେଇଥିଲେ । ତା’ ପୂର୍ବରୁ ସୁର୍ଜନ ଗାଁରେ ବାଳ ସଂଗଠନ ସଦସ୍ୟ ଭାବେ କାର୍ଯ୍ଯ କରୁଥିଲେ । ପିଲା ଦିନରୁ ଦିନେଶ ତାଙ୍କୁ କ୍ରାନ୍ତିକାରୀ ମାଓ ଆଦର୍ଶ ବିଷୟରେ ଶିକ୍ଷା ଦେଇଥିଲା । ମାଓ ନେତା ଦିନେଶ ନିଜେ ୧୦ଦିନ ଧରି ମାଓ ତାଲିମ ଦେଇଥିଲା । ୨୦୧୩ ମସିହାରେ ସୁର୍ଜନକୁ କ୍ୟାଡର ମାଓବାଦୀ ଭାବେ ସୁନାବେଡା ଡିଭିଜନକୁ ପଠାଯାଇଥିଲା ସେଠାରେ ଦୁଇ ମାସ ଯାଏ ରହିଥିଲେ । ସୁର୍ଜନର ସାହାସିକତା ଦେଖି ସେହି ବର୍ଷ ତାକୁ ବିବିଏମ ଡିଭିଜନକୁ ପାଟି ମେମ୍ବର ପଦବୀ ସହ ୧୨ବୋର ରାଇଫଲ ଦେଇ ପଠାଯାଇଥିଲା । ପୁଣି ୨୦୧୬ରେ କେକେବିଏନ ଡିଭିଜନକୁ ସ୍ଥାନାନ୍ତରିତ କରାଯାଇ ହାର୍ଡକୋର ମାଓନେତା ଦାସରୁ ନେତୃତ୍ୱରେ କାର୍ୟ୍ୟ ଆରମ୍ଭ କରିଥିଲା । ୨୦୧୮ରେ ସୁର୍ଜନକୁ କୋଡ଼ଙ୍ଗା ମହାନଦୀ ଏରିଆ କମିଟିରେ ଏ.ସି.ଏମ୍. ପଦବୀ ପାଇଥିଲା । ୧୦ ବର୍ଷ ମାଓ ସଂଗଠନରେ କାର୍ଯ୍ଯ ସମୟରେ ସୁରକ୍ଷା ବାହିନୀ ଉପରେ ଏମ୍. ବୁସ ଆକ୍ରମଣ ସହ ବିଭିନ୍ନ ମାଓ ହିଂସାରେ ସାମିଲ ରହିଛି, ୨୦୧୭ ଗୋଛାପଡ଼ା ଆଇ ଇଡି ବିସ୍ଫୋରଣ ଓ ୨୦୧୯ରେ ଗୁଳି ବିନିମୟରେ ଜଡିତ, ୨୦୧୯ ଫିରିଗିଆ ଥାନା ଅଂଚଳରେ ପୋଲିସ ଇଂନଫର୍ମର ସନ୍ଦେହରେ କୈଳାସ ନାମକ ଜଣେ ବ୍ୟକ୍ତିକୁ ହତ୍ୟା କରିଥିଲା । ୨୦୧୯ ନିର୍ବାଚନ ସମୟରେ ଯାନବାହନ ପୋଡ଼ାଜଳାରେ ସମ୍ପୃକ୍ତି । ୨୦୨୦ ଖାମନଖୋଲରେ ଆଇଇଡି ବିସ୍ଫୋରଣ ଘଟାଇଥିଲା । ୨୦୨୧ ଏପ୍ରିଲ ମାସରେ ଫିରିଙ୍ଗିଆ ଥାନା କୋଡ଼ଙ୍ଗା ଅଂଚଳରେ ସୁରକ୍ଷା ବାହିନୀ ଉପରେ ଗୁଳି ବିନିମୟ କରିଥିଲା ଏବଂ ୭ରୁ ଉର୍ଦ୍ଧ୍ୱ ମାଓହିଂସାରେ ସମ୍ପୃକ୍ତି ରହିଥିଲା ସୁର୍ଜନ । ତେବେ ହିଂସା ଛାଡି ମୁଖ୍ୟ ସ୍ରୋତରେ ସାମିଲ ହେବାକୁ ଚେଷ୍ଟା କରୁଥିଲା କିନ୍ତୁ ହାର୍ଡକୋର ମାଓ ନେତା ମାନେ ତାକୁ ଦଳ ଛାଡିବାକୁ ଅନୁମତି ଦେଉନଥିଲେ ଅନିଚ୍ଛା ସତ୍ତ୍ୱେ ହିଂସା ଘଟାଉଥିଲା ବୋଲି କହିଛି ସୁର୍ଜନ । ରାଜ୍ୟ ସରକାରଙ୍କ ଆହ୍ୱାନରେ ମୁଖ୍ୟ ସ୍ରୋତରେ ସାମିଲ ହେବାପାଇଁ ଅନେକ ମାଓବାଦୀ ଇଛା ପ୍ରକାଶ କରୁଛନ୍ତି ହେଲେ ଭୟରେ ଛାଡିପାରୁନାହାନ୍ତି ବୋଲି କହିଛି । ମହିଳା ମାଓବାଦୀ ମାନେ କ୍ୟାମ୍ପରେ ଅତ୍ୟାଚାରର ଶିକାର ହେଉଛନ୍ତି ସେ ମଧ୍ୟ ଅନେକ ଥର ନିର୍ଯ୍ଯାତନା ପାଇଛି । ମାଓ ସଂଗଠନ ଆଦିବାସୀ ଲୋକଙ୍କ ବିକାଶ ପାଇଁ କିଛି କରୁନାହାନ୍ତି କେବଳ ନିଜ ସ୍ୱାର୍ଥ ପାଇଁ କାମ କରୁଥିବାରୁ ସେ ନିରାଶ ହୋଇ ସେନିଜ ଇଚ୍ଛାରେ ଦଳ ଛାଡିଥିବା ନେଇ ମିଡ଼ିଆକୁ ସୂଚନା ଦେଇଛି । ଅତୀତରେ ଅନେକ କ୍ୟାଡର ମାଓବାଦୀ ଦଳ ଛାଡି ଆତ୍ମ ସମର୍ପଣ କରି ଓଡ଼ିଶା ସରକାରଙ୍କ ଦ୍ୱାରା ଅନେକ ସୁବିଧା ସୁଯୋଗ ଯୋଗାଇ ଦିଆଯାଇଛି ତେବେ ସେ ଓଡ଼ିଶାରେ ହିଁ ଆତ୍ମ ସମର୍ପଣ କରିବା ପାଇଁ ଇଚ୍ଛା କରିଥିଲା ଓ ବଲାଙ୍ଗୀର ଏସପିଙ୍କ ନିକଟରେ ଆତ୍ମସମର୍ପଣ କରିଥିଲା ବୋଲି ଆଜି ସାମ୍ବାଦିକ ସମ୍ମିଳନୀରେ ଉତ୍ତରାଞ୍ଚଳ ଡିଆଇଜି ଡ଼ ଦୀପକ କୁମାର ସୂଚନା ଦେଇଛନ୍ତି ।

Leave a comment