ନୂଆଦିଲ୍ଲୀ: ବାଂଲାଦେଶର ଜାତିର ପିତା ଭାବେ ପରିଚିତ ଶେଖ ମୁଜିବୁର ରେହମାନ ଏବଂ ଓମାନର ଶାସନ କ୍ଷମତାରେ ଦୀର୍ଘଦିନ ଧରି ରହିଥିବା ସୁଲତାନ କ୍ବାବୁସଙ୍କୁ ମରଣୋତ୍ତର ଗାନ୍ଧୀ ଶାନ୍ତି ପୁରସ୍କାର ପ୍ରଦାନ କରାଯିବ ବୋଲି କେନ୍ଦ୍ର ସରକାରଙ୍କ ପକ୍ଷରୁ ଘୋଷଣା କରାଯାଇଛି। ୨୦୧୯ ପାଇଁ ସୁଲତାନ କ୍ବାବୁସ ଏବଂ ୨୦୨୦ ପାଇଁ ମୁଜିବର ରେହମାନଙ୍କୁ ଏହି ସମ୍ମାନରେ ସମ୍ମାନିତ କରାଯିବ। ତେବେ ପ୍ରଥମ ଥର ପାଇଁ ମରଣୋତ୍ତର ଭାବେ ଏହି ପୁରସ୍କାର ଦିଆଯିବ। ଏଥିରେ ଏକ କୋଟି ଟଙ୍କାର ପୁରସ୍କାର ସହିତ ମାନପତ୍ର ପ୍ରଦାନ କରାଯିବ।
