ବଡ ଖବର ଓଡ଼ିଶା ମନୋରଞ୍ଜନ ଖେଳ ଖବର ଦେଶ- ବିଦେଶ ଜୀବନଚର୍ଯ୍ୟା ରାଶିଫଳ ବାଣିଜ୍ୟ ଫଟୋ ଗ୍ୟାଲେରୀ ଅପରାଧ ଟେକ୍ନୋଲୋଜି ବିଶେଷ ରାଜନୀତି ସ୍ଵାସ୍ଥ୍ୟ

ମ୍ୟାଗସେସେ ପୁରସ୍କାର ଗ୍ରହଣ କରିବାକୁ ମନା କଲେ କେରଳର ପୂର୍ବତନ ସ୍ୱାସ୍ଥ୍ୟମନ୍ତ୍ରୀ ଶୈଳଜା

ଥିରୁଅନନ୍ତପୁରମ: କେରଳର ପୂର୍ବତନ ସ୍ୱାସ୍ଥ୍ୟମନ୍ତ୍ରୀ ତଥା ବରିଷ୍ଠ ସିପିଆଇ (ଏମ୍) ନେତ୍ରୀ କେ.କେ ଶୈଳଜା ସମ୍ମାନଜନକ ମ୍ୟାଗସେସେ ପୁରସ୍କାର ଗ୍ରହଣ କରିବାକୁ ମନା କରି ଦେଇଛନ୍ତି। ସେ କହିଛନ୍ତି ଯେ ମ୍ୟାଗସେସେ ପୁରସ୍କାର କମିଟି ତରଫରୁ ତାଙ୍କ ନିକଟକୁ ଏକ ଚିଠି ଆସିଛି। ତେବେ ଦଳର ସଦସ୍ୟ ଭାବରେ ସେ କେନ୍ଦ୍ରୀୟ କମିଟି ସହ ଆଲୋଚନା କରିଥିଲେ ଏବଂ ପୁରସ୍କାର ଗ୍ରହଣ ନକରିବାକୁ ନିଷ୍ପତ୍ତି ନିଆଯାଇଛି । ଦଳ ତାଙ୍କୁ ମ୍ୟାଗସେସେ ଭଳି ସମ୍ମାନଜନକ ପୁରସ୍କାର ଗ୍ରହଣ କରିବାକୁ କାହିଁକି ବାରଣ କଲା ସେ ତାହା ସ୍ପଷ୍ଟ କରି ନାହାଁନ୍ତି।

ଉଲ୍ଲେଖଯୋଗ୍ୟ ଯେ ସ୍ୱାସ୍ଥ୍ୟମନ୍ତ୍ରୀ ଥିବାବେଳେ କେ.କେ ଶୈଳଜା ରାଜ୍ୟରେ ନିପା ଭାଇରସ୍ ଏବଂ କରୋନା ମହାମାରୀ ମୁକାବିଲାରେ ପ୍ରମୁଖ ଭୂମିକା ଗ୍ରହଣ କରିଥିଲେ। ନିପା ହେଉ କି କରୋନା, ଏହି ଦୁଇ ଘାତକ ରୋଗ ପ୍ରଥମେ କେରଳରୁ ବ୍ୟାପିଥିଲା ​​। କିନ୍ତୁ କେ.କେ ଶୈଳଜାଙ୍କ ନେତୃତ୍ୱରେ କେରଳ ଏହି ଦୁଇ ଭାଇରସ୍ ବିରୋଧରେ ସଫଳତାର ସହ ଲଢିଥିଲା। ସୂଚନାନୁସାରେ, ପୁରସ୍କାର କମିଟି ଇମେଲ ମାଧ୍ୟମରେ ଶୈଳଜାଙ୍କୁ ସୂଚନା ଦେଇଥିଲା ଯେ ପୁରସ୍କାର ପାଇଁ ତାଙ୍କ ନାମ ଚୟନ କରାଯାଇଛି। କମିଟି ଏଥିପାଇଁ ତାଙ୍କ ଅନୁମୋଦନ ଲୋଡିଥିଲା।

ସୂତ୍ରରୁ ପ୍ରକାଶ ଯେ ସିପିଆଇ (ଏମ୍)ର ମତ ହେଉଛି କେ.କେ ଶୈଳଜା ସରକାରଙ୍କ ତରଫରୁ ଦିଆଯାଇଥିବା ଦାୟିତ୍ୱ ତୁଲାଉଥିଲେ। ତେଣୁ ସେ ବ୍ୟକ୍ତିଗତ ଭାବେ ଏଥିପାଇଁ ଶ୍ରେୟ ନେବା ଉଚିତ୍ ନୁହେଁ । ଦଳର ବିଶ୍ୱାସ ଯେ ଏହା ଏକ ସାମୂହିକ ପ୍ରୟାସ ଥିଲା । ତେବେ ଶୈଳଜାଙ୍କୁ ମ୍ୟାଗସେସେ ପୁରସ୍କାର ଗ୍ରହଣ କରିବାକୁ ବାରଣ କରାଯିବା ନିଷ୍ପତ୍ତି ଉପରେ କିଛି ନେତା ମଧ୍ୟ ଅସନ୍ତୁଷ୍ଟ ଅଛନ୍ତି । ସଞ୍ଜୀବ ଥୋମାସ୍ କହିଛନ୍ତି ଯେ ବିଜୟନ୍ ନିଜ ବ୍ୟତୀତ ଅନ୍ୟ କାହାକୁ ହାଇଲାଇଟ୍ ହେବା ଦେଖିବାକୁ ଚାହାଁନ୍ତି ନାହିଁ। ଦଳ ନେଇଥିବା ନିଷ୍ପତ୍ତି ପାଇଁ ତାଙ୍କୁ ଅନୁତାପ କରିବାକୁ ପଡ଼ିବ।

ମ୍ୟାଗସେସେ ପୁରସ୍କାର ସେହି ଲୋକଙ୍କୁ ଦିଆଯାଏ ଯେଉଁମାନେ ଏସିଆର ଲୋକମାନଙ୍କୁ ନିଃସ୍ୱାର୍ଥପର ସେବା ଯୋଗାଇଥାନ୍ତି । ପୁରସ୍କାର ଫାଉଣ୍ଡେସନର ସଭାପତି ଆରେଲିଓ ମୋଣ୍ଟିନୋଲା ତୃତୀୟ କହିଛନ୍ତି, ବିଜେତାମାନେ ଅନେକ ଆହ୍ବାନର ସମ୍ମୁଖୀନ ହୋଇଛନ୍ତି ଏବଂ ପ୍ରେରଣାଦାୟକ କାର୍ଯ୍ୟ କରିଛନ୍ତି। ଏହାକୁ ଏସିଆର ନୋବେଲ ପୁରସ୍କାର କୁହାଯାଏ । ଏହି ପୁରସ୍କାର ଫିଲିପାଇନ୍ସର ପୂର୍ବତନ ରାଷ୍ଟ୍ରପତି ରେମନ୍ ମ୍ୟାଗସେସେଙ୍କ ସ୍ମୃତିରେ ପ୍ରଦାନ କରାଯାଏ । ୧୯୫୭ରେ ତାଙ୍କ ସମ୍ମାନାର୍ଥେ ଏହି ପୁରସ୍କାର ପ୍ରତିଷ୍ଠା କରାଯାଇଥିଲା।

Leave A Reply

Your email address will not be published.