ଟେକ୍‌ କମ୍ପାନୀଙ୍କୁ ଘାରିଛି ମାନ୍ଦାବସ୍ଥା ଭୟ

ନୂଆଦିଲ୍ଲୀ : ସାରା ବିଶ୍ବରେ ଆର୍ଥିକ ମାନ୍ଦାବସ୍ଥାର ପଦଧ୍ବନୀ। ଏହା ମଧ୍ୟରେ ଦୁନିଆର ବୃହତ୍‌ ଟେକ୍‌ କମ୍ପାନୀଗୁଡିକୁ ଘାରିବାରେ ଲାଗିଛି ମାନ୍ଦବାସ୍ଥାର ଭୟ। କାରଣ ଗୋଟିଏ ପରେ ଗୋଟିଏ ଟେକ୍‌ କମ୍ପାନୀ କର୍ମଚାରୀ ଛଟେଇ ଘୋଷଣା କରିବାରେ ଲାଗିଛନ୍ତି। ଆଜି ବିଶ୍ବସ୍ତରରେ ପାଖାପାଖି ୧୨,୦୦୦ କର୍ମଚାରୀଙ୍କୁ ଚାକିରିରୁ ଛଟେଇ କରିବାକୁ ଘୋଷଣା କରିଛି ଗୁଗଲ୍‌ର ପାରେଣ୍ଟ କମ୍ପାନୀ ଆଲ୍‌ଫାବେଟ ଇଙ୍କ୍। କମ୍ପାନୀର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ସୁନ୍ଦର ପିଚାଇ ଏକ ସାକ୍ଷାତକାରରେ ଏହା କହିଛନ୍ତି। କମ୍ପାନୀ ଏହାର ବିଶ୍ବ କର୍ମଚାରୀ ସଂଖ୍ୟାର ୬% ଅର୍ଥାତ୍ ୧୨,୦୦୦ କର୍ମଚାରୀଙ୍କୁ ଛଟେଇ କରିବାକୁ ଯୋଜନା କରୁଥିବା କହିଛି। ନିକଟରେ ଆଲଫାବେଟର ପ୍ରତିଦ୍ୱନ୍ଦ୍ୱୀ ମାଇକ୍ରୋସଫ୍ଟ କର୍ପ ଚଳିତ ସପ୍ତାହରେ ଏହାର ୫% କର୍ମଚାରୀ (ପ୍ରାୟ ୧୧,୦୦୦) ଛଟେଇ କରିପାରେ ବୋଲି କହିଛି। ମାଇକ୍ରୋସଫ୍ଟ ଏବଂ ଆଲଫାବେଟ୍‌ରେ ବଡ଼ ଧରଣର ଛଟେଇ ହେବାର ଖବର ବିଶ୍ବ ଟେକ୍ନୋଲୋଜି କ୍ଷେତ୍ରରେ ହଇଚଇ ସୃଷ୍ଟି କରିଛି।

ତେବେ କମ୍ପାନୀ ପକ୍ଷରୁ ନିଆଯାଇଥିବା ଏଭଳି ନିଷ୍ପତ୍ତି ଟେକ୍ନୋଲୋଜି ଜଗତରେ ବିଶୃଙ୍ଖ‌ଳା ସୃଷ୍ଟି କରିବ ବୋଲି ବିଶେଷଜ୍ଞମାନେ ଆକଳନ କରୁଛନ୍ତି। ତେବେ ବିଶେଷ କରି ଆମେରିକାର ସଂଖ୍ୟାଧିକ କର୍ମଚାରୀଙ୍କୁ ଛଟେଇ କରାଯିବ ବୋଲି ଅନ୍ତରାଷ୍ଟ୍ରୀୟ ଗଣମାଧ୍ୟରେ ପ୍ରକାଶ ପାଇଛି। ଆହୁରିମଧ୍ୟ ଏତେ ବଡ଼ ଧରଣର କର୍ମଚାରୀଙ୍କୁ ଛଟେଇ କରିବା ଦ୍ବାରା କମ୍ପାନୀର ସମସ୍ତ ଟିମ୍‌ର କାର୍ଯ୍ୟ ବିଶେଷ ଭାବରେ ପ୍ରଭାବିତ ହେବାର ସମ୍ଭାବନା ରହିଛି। ଏ‌ଥିରେ ନିଯୁକ୍ତି ଓ କର୍ପୋରେଟ ବିଭାଗ ସହିତ ଇଞ୍ଜିନିୟରିଂ ଓ ଉତ୍ପାଦନ ସହିତ ଜଡ଼ିତ ଟିମ୍‌ ମଧ୍ୟ ବିଶେଷ ଭାବରେ ପ୍ରଭାବିତ ହେବ। ଗୁଗଲ୍‌ କହିଛି ଯେ, ବିଶ୍ବସ୍ତରରେ ଏହି ଛଟେଇ କରାଯାଉଥିବାବେଳେ ଏଥିରେ ଆମେରିକାର କର୍ମଚାରୀମାନେ ଅଧିକ ପ୍ରଭାବିତ ହେବେ।

ଉଲ୍ଲେଖଯୋଗ୍ୟ ଯେ, ବିଶ୍ବ ଅର୍ଥ ନୀତିରେ ମାନ୍ଦାବସ୍ଥା ଆଶଙ୍କା ବୃଦ୍ଧି ପାଇବା ଯୋଗୁ ବଡ଼ ବଡ଼ ଟେକ୍‌ କମ୍ପାନୀଗୁଡ଼ିକ ବହୁ ମାତ୍ରାରେ କର୍ମଚାରୀଙ୍କୁ ଛଟେଇ କରୁଛନ୍ତି। ସେପଟେ ମାଇକ୍ରୋସଫ୍ଟ କର୍ପ ୧୦ ହଜାର କର୍ମଚାରୀଙ୍କୁ ଛଟେଇ କରିବାକୁ ଘୋଷଣା କରିଥିବାବେଳେ ଆମାଜନ୍‌ ମଧ୍ୟ ବିଶ୍ବସ୍ତରରେ ୧୮ ହଜାର କର୍ମଚାରୀଙ୍କୁ ଛଟେଇ କରିବ ବୋଲି ଘୋଷଣା କରିଛି। ଯଦିଓ ଏହା ପୂର୍ବରୁ ଗୁଗୁଲ କର୍ମଚାରୀଙ୍କୁ ଛଟେଇ କରିବାକୁ କେବେ ବି ଘୋଷଣା କରି ନ ଥିଲା ବା ଏ ନେଇ କିଛି ଚିନ୍ତା ବି କରି ନ ଥିଲା, କିନ୍ତୁ ଡିଜିଟାଲ ମାର୍କେଟିଂ କ୍ଷେତ୍ରରେ ମାନ୍ଦାବସ୍ଥାକୁ ସାମ୍ନା କରିବା ପରେ ଏପରି ଛଟେଇ ନିଷ୍ପତ୍ତି ନେବାକୁ କମ୍ପାନୀ ବାଧ୍ୟ ହୋଇଛି।

ପୂର୍ବରୁ ପ୍ରକାଶିତ ରିପୋର୍ଟରେ କୁହାଯାଇଛି ଯେ କାର୍ଯ୍ୟକର୍ତ୍ତା ହେଜ୍ ପାଣ୍ଠିର ଚାପ, ବଜାର ସ୍ଥିତି ଏବଂ ଖର୍ଚ୍ଚ କାଟ୍‌ କମ୍ପାନୀ କରୁଥିବା ଛଟେଇର ମୁଖ୍ୟ କାରଣ। କମ୍ପାନୀର ଯୋଜନା ହେଉଛି 6% କର୍ମଚାରୀ ହ୍ରାସ କରିବା। ସର୍ବନିମ୍ନ ମାନ୍ୟତା ପ୍ରାପ୍ତ କର୍ମଚାରୀଙ୍କୁ କମ୍ପାନୀରୁ ବରଖାସ୍ତ କରାଯିବ। ସିକ୍ୟୁରିଟି ଆଣ୍ଡ ଏକ୍ସଚେଞ୍ଜ କମିଶନଙ୍କ ଦାଖଲ ଅନୁଯାୟୀ ଗତ ବର୍ଷ ଆଲଫାବେଟ କର୍ମଚାରୀଙ୍କ ହାରାହାରି ଦରମା ପ୍ରାୟ ୨୯୫,୮୮୪ ଡଲାର ଥିଲା। ହନ୍ ତାଙ୍କ ଚିଠିରେ କହିଛନ୍ତି ଯେ ମାଇକ୍ରୋସଫ୍ଟ ଏହାର କର୍ମଚାରୀମାନଙ୍କୁ ଦେଉଥିବା ତୁଳନାରେ ଏହି ଦରମା ପ୍ରାୟ ୭୦% ଅଧିକ। ଆମେରିକାର ୨୦ ଟି ବଡ ବଡ଼ ଟେକ୍‌ କମ୍ପାନୀ ତୁଳନାରେ, ଆଲଫାବେଟ ଏହାର କର୍ମଚାରୀମାନଙ୍କୁ ପ୍ରତିଯୋଗୀମାନଙ୍କ ତୁଳନାରେ ୧୫୩% ଅଧିକ ବେତନ ଦେଇଛି।

Leave a comment