ଟ୍ରମ୍ପଙ୍କୁ ୨ ବର୍ଷ ପାଇଁ ବହିଷ୍କାର କଲା ଫେସବୁକ୍
ୱାଶିଂଟନ : ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ୨ ବର୍ଷ ପାଇଁ ନିଲମ୍ବନ କରିଦେଇଛି ଫେସବୁକ୍। ଚଳିତ ବର୍ଷ ଜାନୁଆରୀ ୭ରୁ ଏହାକୁ ଧରାଯିବ। ସେହି ଦିନ ପ୍ରଥମ ଥର ପାଇଁ ଟ୍ରମ୍ପଙ୍କ ଆକାଉଣ୍ଟ ଉପରେ କଟକଣା ଲଗାଯାଇଥିଲା। ଫେସବୁକର ଉପାଧ୍ୟକ୍ଷ(ବୈଶ୍ବିକ ବ୍ୟାପାର) ନିକ କ୍ଲେକ ବ୍ଲଗପୋଷ୍ଟ ମାଧ୍ୟମରେ ଶୁକ୍ରବାର ଏହି ସୂଚନା ଦେଇଛନ୍ତି। ୨୦୨୩ ଜାନୁଆରୀ ୭ ପର୍ଯ୍ୟନ୍ତ ଟ୍ରମ୍ପ ନିଜ ଆକାଉଣ୍ଟରେ ଲଗ ଇନ କରିପାରିବେ ନାହିଁ।