ପାଣାଜି : ସରିଛି ୫ ରାଜ୍ୟର ନିର୍ବାଚନ । ୧୦ ତାରିଖରେ ହେବ ଭୋଟ୍ ଗଣତି । ୧୦ ତାରିଖରେ ଉତ୍ତର ପ୍ରଦେଶ ସହ ଗୋଆ, ପଞ୍ଜାବ, ଉତ୍ତରାଖଣ୍ଡ ଓ ମଣିପୁର ବିଧାନସଭା ନିର୍ବାଚନ ଫଳାଫଳ ପ୍ରକାଶ ପାଇବ। ତେବେ ଗଣତି ପୂର୍ବରୁ ସାମ୍ନାକୁ ଆସିଛି ଏକଜିଟ ପୋଲ (ବୁଥ ବାହୁଡ଼ା ମତାମତ) ରିପୋର୍ଟ । ଫେବୃଆରୀ ୧୪ ରେ ଗୋଆ ବିଧାନସଭାରର ୪୦ ଟି ଆସନ ପାଇଁ ଭୋଟ୍ ଗ୍ରହଣ କରାଯାଇଥିଲା। ତେବେ ଆଜି ଆସିଥିବା ଏକଜିଟ ପୋଲ ରିପୋର୍ଟ ଅନୁସାରେ ଏଥର ଗୋଆରେ ସରକାର ଗଠନ କୌଣସି ଦଳ ମ୍ୟାଜିକ ନମ୍ବର ଛୁଇଁ ପାରୁନାହାନ୍ତି। ୪୦ ବିଧାନସଭା ଆସନରୁ ସରକାର ଗଠନ ପାଇଁ ମ୍ୟାଜିକ ନମ୍ବର ହେଉଛି ୨୧। ହେଲେ କୌଣସି ଦଳ ମ୍ୟାଜିକ ନମ୍ବର ହାସଲ ନ କରିପାରନ୍ତି।
ଇଣ୍ଡିଆ ଟିଭି-ସିଏନଏକ୍ସର ଏକଜିଟ୍ ପୋଲର ଆକଳନ କହୁଛି, ଗୋଆରେ ଏଥର ବିଜେପିକୁ ମିଳିପାରେ ୧୬-୨୨ ଆସନ । ସେହିପରି କଂଗ୍ରେସ ୧୧-୧୭ଟି ଆସନ ଅକ୍ତିଆର କରିପାରେ ।ଇଣ୍ଡିଆ ଟିଭି ଗ୍ରାଉଣ୍ଡ ଜିରୋ ଏକଜିଟ୍ ପୋଲ ଅନୁଯାୟୀ, ବିଜେପି ୧୦ରୁ ୧୪, କଂଗ୍ରେସ ୨୦ରୁ ୨୫, ଟିଏମସି ୩ରୁ ୫ଟି ଆସନ ପାଇବେ। ଇଣ୍ଡିଆ ଟିଭି-ସିଏନକ୍ସ ଅନୁଯାୟୀ, ବିଜେପି ୧୬ରୁ ୨୨, କଂଗ୍ରେସ ୧୧-୧୭, ଟିଏମସି ୧ରୁ୨ଟି ଆସନ ପାଇବ।
ନ୍ୟୁଜଏକ୍ସ-ପୋଲଷ୍ଟାରର ଏକଜିଟ ପୋଲରେ ବିଜେପି ୧୭ରୁ ୧୯, କଂଗ୍ରେସ ୧୧ରୁ ୧୩ ଓ ଟିଏମସି ଖାତା ଖୋଲିପାରିବ ନାହିଁ ବୋଲି କୁହାଯାଇଛି। ରିପବ୍ଲିକ ଟିଭର ରିପୋର୍ଟ ଅନୁଯାୟୀ ବିଜେପି ୧୩ରୁ ୧୭, କଂଗ୍ରେସ ୧୩ରୁ ୧୭ ଓ ଟିଏମସି ୨ରୁ ୪ଟି ଆସନ ପାଇବ। ଜୀ ନ୍ୟୁଜ କହିଛି ଯେ ବିଜେପି ୧୩ରୁ ୧୮, କଂଗ୍ରେସ ୧୪ରୁ ୧୯ ଓ ଟିଏମସି ୨ରୁ ୫ଟି ଆସନ ପାଇବ। ଟାଇମ୍ସ ନାଓ-ସି ଭୋଟର ଅନୁଯାୟୀ ବିଜେପି ୧୪ଟି ଓ କଂଗ୍ରେସ ୧୬ଟି ଆସନ ଜିତିବ। ଏବିପି-ସି ଭୋଟର କହିଛି, ବିଜେପି ୧୩ରୁ ୧୭, କଂଗ୍ରେସ ୧୨ରୁ ୧୬ ଓ ଟିଏମସି ୪ରୁ ୯ଟି ଆସନ ଜିତିବ। ଇଣ୍ଡିଆ ନ୍ୟୁଜର ଏକଜିଟ ପୋଲରେ କୁହାଯାଇଛି ଯେ ବିଜେପି ୧୩ରୁ ୧୯, କଂଗ୍ରେସ ୧୪ରୁ ୧୯, ଟିଏମସି ୩ରୁ ୫ ଓ ଅନ୍ୟାନ୍ୟ ଦଳ କୌଣସି ଆସନ ଜିତିପାରିବେ ନାହିଁ।
ଭୋଟ୍ ପ୍ରତିଶତ ବିଷୟରେ କହିବାକୁ ଗଲେ ବିଜେପିର ଭୋଟ୍ ପ୍ରତିଶତ ୩୧ ପାଖାପାଖି ହେବ ବୋଲି ଆକଳନ କରାଯାଇଛି। ଅନ୍ୟପକ୍ଷରେ କଂଗ୍ରେସ ୩୩ ପ୍ରତିଶତ ଭୋଟ୍ ପାଇପାରେ। MGP ଏବଂ AAP ୧୨-୧୨ ପ୍ରତିଶତ ଭୋଟ୍ ପାଇବ ବୋଲି ଆଶା କରାଯାଉଛି । ଏହା ବ୍ୟତୀତ ୧୨ ପ୍ରତିଶତ ଭୋଟ୍ ଅନ୍ୟମାନଙ୍କ ଖାତାକୁ ଯାଇପାରେ।
ଗତ ଥର ଫଳାଫଳ
ଗୋଆରେ ୨୦୧୭ ବିଧାନସଭା ନିର୍ବାଚନରେ କଂଗ୍ରେସ ୪୦ ଟି ସିଟ୍ ମଧ୍ୟରୁ ୧୭ ଟି ଏବଂ ସହଯୋଗୀ ଗୋଆ ଫରୱାର୍ଡ ପାର୍ଟି୩ ଟି ସିଟ୍ ପାଇଛି। କିନ୍ତୁ ୧୩ ଟି ସିଟ୍ ଜିତିଥିବା ବିଜେପି ପରେ ସରକାର ଗଠନ କରିବାରେ ସଫଳ ହୋଇଥିଲା। ଏଥର ମଧ୍ୟ କୌଣସି ଦଳ ସଂଖ୍ୟାଗରିଷ୍ଠତା ହାସଲ କରୁଥିବା ପରି ମନେ ହେଉନାହିଁ ଏବଂ ଏପରି ପରିସ୍ଥିତିରେ ଫଳାଫଳ ପରେ ସମୀକରଣ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହେବ । ବିଜେପି ଏବଂ କଂଗ୍ରେସ ବ୍ୟତୀତ ଗୋଆ ବିଧାନସଭା ମଧ୍ୟ ମହାରାଷ୍ଟ୍ରୱାଡି ଗୋମାଣ୍ଟକ ପାର୍ଟି (MGP), ଗୋଆ ଫରୱାର୍ଡ ପାର୍ଟି (ଜିଏଫପି) ର ସମର୍ଥନ ଆଧାର ଅଟେ। ଏହା ବ୍ୟତୀତ ଆମ୍ ଆଦମୀ ପାର୍ଟି ମଧ୍ୟ ଗୋଆରେ ନିର୍ବାଚନ ଲଢିଛି । ବର୍ତ୍ତମାନ ଗୋଆରେ କଂଗ୍ରେସ ବିଧାୟକଙ୍କ ସଂଖ୍ୟା ଏବଂ ବିଜେପି ମଧ୍ୟରେ ପାର୍ଥକ୍ୟ ବହୁତ କମ୍ ଏବଂ ଏଭଳି ପରିସ୍ଥିତିରେ ଭାରସାମ୍ୟ ରକ୍ଷା କରାଯାଇପାରେ।
