କୋଭିଶିଲ୍ଡ ଟିକାକୁ ୟୁରୋପୀୟ ଦେଶରେ ମିଳିଲା ମଞ୍ଜୁରୀ
ନୂଆଦିଲ୍ଲୀ: ଭାରତରେ ପ୍ରସ୍ତୁତ ଟିକାକୁ ୟୁରୋପୀୟ ଦେଶରେ ମିଳିଲା ମଞ୍ଜୁରୀ। ଗୁରୁବାର ୟୁରୋପିଆନ ୟୁନିୟନର ୭ଟି ଦେଶ ଭାରତର କୋଭିଶିଲ୍ଡ ଟିକା ନେଇଥିବା ବ୍ୟକ୍ତିଙ୍କୁ ଗ୍ରୀନ ପାସ ଦେବେ ବୋଲି ନିଷ୍ପତି ନେଇଛନ୍ତି । ଏହି ଦେଶଗୁଡିକ ହେଲେ ଅଷ୍ଟ୍ରିଆ, ଜର୍ମାନୀ, ସ୍ଲୋଭେନିଆ, ଗ୍ରୀସ, ଆଇସଳ୍ୟାଣ୍ଡ, ଆୟର୍ଲାଣ୍ଡ ଏବଂ ସ୍ପେନ।
So far, Austria, Germany, Slovenia, Greece, Iceland, Ireland, and Spain have confirmed accepting Covishield. Switzerland also allows Covishield for Schengen state: Sources
— ANI (@ANI) July 1, 2021
ଯେଉଁମାନେ କୋଭିଶିଲ୍ଡ ଟିକା ନେଇଥିବେ ସେମାନେ କୋୱିନ ଆପ ମାଧ୍ୟମରେ ପ୍ରମାଣପତ୍ର ଦେଖାଇଲେ ଭିସା ମିଳିବ । ସୂଚନାଯୋଗ୍ୟ, ବିଦେଶ ଯିବାକୁ ହେଲେ ଗ୍ରୀନ ପାସର ଆବଶ୍ୟକତା ରହିଛି । ଏହା ମାଧ୍ୟମରେ ସମ୍ପୃକ ଦେଶ କେଉଁ ଟିକା ବ୍ୟକ୍ତିଜଣକ ନେଇଛି ଜାଣିପାରିବ ।
ହେଲେ ଆଷ୍ଟ୍ରାଜେନିକା ଟିକା ଭାରତରେ କୋଭିସିଲଡ ନାମରେ ବିକ୍ରି ହେଉଥିଲେ ବି ଏହି ଟିକାକୁ ଅନୁମତି ଦିଆଯାଇ ନଥିଲା। ତେବେ ଭାରତୀୟ ଟିକାକୁ ଗ୍ରହଣ କରା ନଯିବା ନେଇ ୟୁରୋପୀୟ ରାଷ୍ଟ୍ରସଂଘକୁ ଧମକ ଦେଇଥିଲା ଭାରତ । କୋଭିସିଲ୍ଡ ଓ କୋଭାକ୍ସିନକୁ ଗ୍ରହଣ ନକଲେ ଭାରତ ଆସୁଥିବା ନାଗରିକଙ୍କୁ କ୍ୱାରେଣ୍ଟାଇନରେ ରହିବାକୁ ପଡିବ ବୋଲି ବୈଦେଶିକ ମନ୍ତ୍ରଣାଳୟ ପକ୍ଷରୁ କୁହାଯାଇଥିଲା । ଏହାପରେ ଭାରତୀୟ ଟିକା କୋଭିସିଲଡକୁ ଗ୍ରୀନ ପାସପୋର୍ଟରେ ସାମିଲ କରିବାକୁ ୟୁରୋପୀୟ ମହାସଙ୍ଘ ନିଷ୍ପତ୍ତି ନେଇଛି ।