ନାଳରେ ଭାସୁଛି ନର କଙ୍କାଳ

ବନ୍ତଳା: ବନ୍ତଳା ଥାନା ଅନ୍ତର୍ଗତ ପୋକତୁଙ୍ଗା ପଂଚାୟତର ଭୋକିଲା ପାଳ ନିକଟ ଦେଇ ଯାଇଥିବା ବଉଳି ନାଳରେ ଏକ ନର କଙ୍କାଳ ଦେଖିବାକୁ ମିଳିଛି । ମିଳିଥିବ ସୂଚନା ଅନୁସାରେ ଆଜି ଅପରାହ୍ନ ସମୟରେ ଭୋକିଲା ପାଳର କିଛି ଲୋକ କୌଣସି କାମ ପାଇଁ ଗ୍ରାମ ନିକଟରେ ଥିବା ବଉଳି ନାଳକୁ ଯାଇଥିଲେ । ନାଳରେ ଥିବା ବାଉଁଶ ବୁଦାରେ ଏକ ନର କଙ୍କାଳ ଦେଖିବା ସହିତ ସେଠାରୁ ଆସି ଅନ୍ୟ ଗ୍ରାମ ବାସୀଙ୍କୁ ଜଣାଇଥିଲେ । ଖବର ପାଇ ଘଟଣା ସ୍ତଳକୁ ବନ୍ତଳା ପୋଲିସ ପହଁଚି ତଦନ୍ତ କରୁଥିବା ଜଣା ପଡ଼ିଛି ।

ସୂଚନା ଥାଉକି ଗତ ୧୩ ତାରିଖ ଦିନ ମଇଂସି ଚରାଇବାକୁ ଯାଇଥିବା ବେଳେ ବଉଳି ନାଳରେ ନନ୍ଧପୁର ପଂଚାୟତ ମଧୁପୁର ଗ୍ରାମର ନରେଶ ଗୋଛାୟାତ (୪୫) ଭାସି ଯାଇ ନିଖୋଜ ଥିଲେ । ଏ ନେଇ ବନ୍ତଳା ଥାନାରେ ଲିଖିତ ଅଭିଯୋଗ ମଧ୍ୟ ହେଇଥିଲା । ପରେ ପୋଲିସ ଓ ଅଗ୍ନିଶମ ବିଭାଗ ର କର୍ମଚାରି ଦୁଇ ଦିନ ଧରି ବଉଳି ନାଳରେ ବହୁ ଖୋଜାଖୋଜି କରିଥିଲେ କିନ୍ତୁ ନରେଶଙ୍କ କୌଣସି ସନ୍ଧାନ ପାଇ ନଥିଲେ ଶେଷରେ ନିରାଶ ହୋଇ ପୋଲିସ ଓ ଅଗ୍ନିଶମ କର୍ମଚାରୀ ଫେରିଥିଲେ । ଆଜି ବଉଳି ନାଳରୁ ଏହି ନରକଙ୍କାଳ ଉଦ୍ଧାର ହୋଇଥିବା ବେଳେ ଏହାର DNA ଟେଷ୍ଟ କରାଗଲେ ଏହା ନରେଶଙ୍କର କି ଅନ୍ୟ କାହାର ତାହା ଜଣା ପଡିବ । ଅନ୍ୟପଟେ ଏ ସମ୍ପର୍କରେ ବନ୍ତଳା ପୋଲିସ ପାଖରେ ପାଖରେ କୌଣସି ଲିଖିତ ଅଭିଯୋଗ ହୋଇ ନଥିବା ଥାନା ଅଧିକରିଣୀ ସୁମିତ୍ରା ପାତ୍ର କହିଛନ୍ତି ।

Leave a comment