ନୂଆଦିଲ୍ଲୀ: କରୋନା ମହାମାରୀ ବିରୋଧୀ ଲଢ଼େଇରେ ସାମିଲ ହେଲା ପ୍ରତିରକ୍ଷା ଗବେଷଣା ଉନ୍ନୟନ ପ୍ରତିଷ୍ଠାନ(ଡିଆରଡିଓ) ଦ୍ବାରା ପ୍ରସ୍ତୁତ ଔଷଧ ୨-ଡିଅକ୍ସି-ଡି-ଗ୍ଲୁକୋଜ (୨-ଡିଜି)। ଏହି ଔଷଧ ବ୍ୟବହାର ଦ୍ବାରା ରୋଗୀଙ୍କୁ କମ୍ ଅମ୍ଳଜାନ ଦରକାର ପଡ଼ିବ। କରୋନା ଆକ୍ରାନ୍ତଙ୍କ ଚିକିତ୍ସାରେ ଜରୁରୀକାଳୀନ ବ୍ୟବହାର ପାଇଁ ଡିସିଜିଆଇ ଏହି ଔଷଧକୁ ଅନୁମତି ଦେଇଛନ୍ତି । ଡିଆରଡିଓ ପ୍ରସ୍ତୁତ କରିଥିବା ଥେରାପୁଟିକ ଆପ୍ଲିକେସନ୍ ଅଫ୍ ଡ୍ରଗ୍-୨ ଡେକ୍ସି-ଡି-ଗ୍ଲୁକ୍ଲୋଜ୍ ( 2-DG)କୁ ଅନୁମତି ମିଳିଛି । ମଧ୍ୟମରୁ ଗୁରୁତର କୋଭିଡ୍ ଆକ୍ରାନ୍ତଙ୍କୁ 2-DG ଥେରାପି ଭାବେ ଦିଆଯାଇ ପାରିବ । ଏହାକୁ ପର୍ଯ୍ୟାପ୍ତ ପରିମାଣରେ ଉପଲବ୍ଧ କରାଯାଇ ପାରିବ ବୋଲି ଡିଆରଡିଓ ସୂଚନା ଦେଇଛି ।
The drug has been developed by DRDO lab Institute of Nuclear Medicine & Allied Sciences in collaboration with Dr Reddy’s Laboratories. Clinical trial have shown that this molecule helps in faster recovery of hospitalized patients & reduces supplemental oxygen dependence: DRDO
— ANI (@ANI) May 8, 2021
ଡିଆରଡିଓର ଲାବ ଇନଷ୍ଟିଚ୍ୟୁଟ୍ ଅଫ୍ ନ୍ୟୁକ୍ଲିୟର ମେଡିସିନ୍ ଏବଂ ଡକ୍ଟର ରେଡ୍ଡୀ ଲାବ୍ରୋଟୋରୀ ଏହାକୁ ମିଳିତ ଭାବେ ପ୍ରସ୍ତୁତ କରିଛନ୍ତି। 2-DGର କ୍ଲିନିକାଲ୍ ପରୀକ୍ଷଣ ବେଳେ ରୋଗୀ ଶୀଘ୍ର ସୁସ୍ଥ ହେଉଥିବା ଏବଂ ଅକ୍ସିଜେନ ଉପରେ ନିର୍ଭରତା କମିଥିବା ଜଣାପଡ଼ିଛି । ପାଉଡର ପ୍ୟାକେଟରେ ଆସୁଥିବା 2-DG ଔଷଧକୁ ପାଣିରେ ମିଶାଇ ପିଇବାକୁ ପଡ଼ିଥାଏ । ଏହା ଭୂତାଣୁ ଦ୍ୱାରା ସଂକ୍ରମିତ କୋଷ ସହ ଲଢ଼ି ଶକ୍ତି କରିଥାଏ ବୋଲି ଡିଆରଡିଓ ସୂଚନା ଦେଇଛି ।
