ବାଡ଼ିରେ ଫଳିଛି କରୋନା ଭାଇରସ୍ ଆକୃତିର କାକୁଡି
ନବରଙ୍ଗପୁର: ବାଡିରେ ଫଳିଛି ସାରା ବିଶ୍ବରେ ଆତଙ୍କ ରଚିଥିବା କରୋନା ଭାଇରସ୍ ଆକୃତିର କାକୁଡି । ଏହି ଭାଇରସର ଆକୃତିର କକୁଡି ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ଡାବୁଗାଁ ବ୍ଲକ୍ ସରାଗୁଡା ଗାଁରେ। ବ୍ୟକ୍ତିଗତ କାମରେ ସରାଗୁଡା ଯାଇଥିବା ରବି ନାଗ ନାମକ ବ୍ୟକ୍ତିଙ୍କୁ ସେହି ଗ୍ରାମର ଜଣେ ବ୍ୟକ୍ତି କାକୁଡିଟି ଗଛରୁ ତୋଳି ଆଣି ଦେଇଥିଲେ । କାକୁଡିଟିକୁ ଦେଖି ରବି ମଧ୍ୟ ଆଶ୍ଚର୍ଯ୍ଯ ହୋଇଯାଇଥିଲେ । ଏହି କାକୁଡି ଦେହ ସାରା ଲମ୍ବା ଲମ୍ବା କଣ୍ଟା ଭଳି ବାହାରିଛି । କାକୁଡିଟି ଠିକ୍ କରୋନା ଭାଇରସ୍ ଆକୃତି ଭଳି ଦେଖାଯାଉଛୁ। ରବି ଏହି କାକୁଡିର ଫଟୋକୁ ସୋସିଆଲ ମିଡ଼ିଆରେ ଅପଲୋଡ଼ କରିବା ପରେ ଏହା ଭାଇରାଲ ହୋଇଥିଲା । ଏହି କରୋନା ପ୍ରତିକୃତିର କାକୁଡି ଦେଖିବାକୁ ଲୋକଙ୍କ ଗହଳି ଜମିଛି ।