ମାଓ ପ୍ରଭାବିତ ଅଞ୍ଚଳରେ ଭିତ୍ତିଭୂମିର ବିକାଶ ଉପରେ ମୁଖ୍ୟମନ୍ତ୍ରୀଙ୍କ ଗୁରୁତ୍ୱାରୋପ, କେନ୍ଦ୍ର ଗୃହମନ୍ତ୍ରୀଙ୍କ ନିକଟରେ ରଖିଲେ ୫ ସୂତ୍ରୀ ପ୍ରସ୍ତାବ
ନୂଆଦିଲ୍ଲୀ : ନୂଆଦିଲ୍ଲୀରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ଅଧ୍ୟକ୍ଷତାରେ ଅନୁଷ୍ଠିତ ମାଓ ପ୍ରଭାବିତ ରାଜ୍ୟର ବୈଠକରେ ଯୋଗଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ୧୦ଟି ମାଓ ପ୍ରଭାବିତ ରାଜ୍ୟକୁ ନେଇ ଅନୁଷ୍ଠିତ ହୋଇଥିବା ଏହି ବୈଠକରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦବୋଧନ ଦେଇ ମାଓବାଦୀ ପ୍ରଭାବିତ ଅଂଚଳଗୁଡିକରେ ଭିତ୍ତିଭୂମିର ବିକାଶ ପାଇଁ କେନ୍ଦ୍ର ସରକାରଙ୍କୁ କହିଛନ୍ତି।
Thank Union Home Min @amitshah ji for convening this meeting on left-wing extremism which remains a critical internal security challenge for the nation. Even while fighting #Covid for last two years, #Odisha sustained its efforts to curb LWE activities with substantial success. pic.twitter.com/KX0AtPmGlI
— Naveen Patnaik (@Naveen_Odisha) September 26, 2021
ଏଥି ସହିତ ଏହି ବୈଠକରେ ନବୀନ ମାଓ ପ୍ରଭାବିତ ଅଞ୍ଚଳରେ ଭିତ୍ତିଭୂମିର ବିକାଶକୁ ନେଇ କେନ୍ଦ୍ର ଗୃହମନ୍ତ୍ରୀଙ୍କ ଆଗରେ ୫ ସୂତ୍ରୀ ପ୍ରସ୍ତାବ ରଖିଛନ୍ତି। ରାଜ୍ୟରେ ମାଲକାନଗିରି ଦେଇ ଜୟପୁର –ମୋଟୁ ଜାତୀୟ ରାଜପଥ-୩୨୬ର ଚାରି ଲେନିଂ ପାଇଁ ପ୍ରସ୍ତାବ ଦେଇଛନ୍ତି ନବୀନ । ଏହା ହେଲେ ପୂର୍ବ ଭାରତର ଛତିଶଗଡ, ଝାଡଖଣ୍ଡରୁ ଦକ୍ଷିଣ ଭାରତୀୟ ରାଜ୍ୟଗୁଡିକୁ ଏକ ସମାନ୍ତରାଳ ଯାତାୟତ ପଥ ବାହାରିବ । ଏହି କରିଡର ଦ୍ୱାରା ଯାତ୍ରା ସମୟ ହ୍ରାସ ହେବା ସହ ସଂପୃକ୍ତ ଅଂଚଳରେ ଅର୍ଥନୈତିକ ବିକାଶ ହୋଇପାରିବ ବୋଲି ମୁଖ୍ୟମନ୍ତ୍ରୀ କହିଛନ୍ତି ।
Four-laning of NH 326 from Jeypore to Motu via Malkangiri upto Bhadrachalam will decongest incoming traffic from Eastern India to places like Bangalore & Hyderabad. In addition to reducing traveling time, it will also provide huge economic impetus to this region.
— Naveen Patnaik (@Naveen_Odisha) September 26, 2021
ଏଥିସହିତ ଦକ୍ଷିଣ ଓ ପଶ୍ଚିମ ଓଡିଶାର ଅନେକ ଅଂଚଳରେ ମୋବାଇଲ୍ ଫୋନ ସେବା ବ୍ୟବସ୍ଥା ଉପରେ ଗୁରୁତ୍ୱାରୋପ କରିଛନ୍ତି ମୁଖ୍ୟମନ୍ତ୍ରୀ । ଓଡିଶାର ୬ ହଜାର ୨୭୮ଟି ଗାଁରେ ମୋବାଇଲ୍ ଯୋଗାଯୋଗ ନାହିଁ । ଓଡିଶା ପାଇଁ ୪୮୮ଟି ମୋବାଇଲ ଟାୱାର ଅନୁମୋଦନ କରିଥିବାରୁ କେନ୍ଦ୍ର ଗୃହ ମନ୍ତ୍ରାଳୟକୁ ଧନ୍ୟବାଦ ଦେଇଛନ୍ତି ନବୀନ । କିନ୍ତୁ ମୋବାଇଲ କଭର ହୋଇ ନ ଥିବା ଗାଁଗୁଡିକ ପାଇଁ ଆନୁମାନିକ ୨ ହଜାର ଅଧିକ ମୋବାଇଲ୍ ବେସ୍ ଷ୍ଟେସନ ଦରକାର ବୋଲି ମୁଖ୍ୟମନ୍ତ୍ରୀ କହିଥିଲେ ।
6,278 villages in Odisha are still without any mobile access or connectivity, the largest number in the country; an estimated 2,000 more mobile base stations will be required. 4G mobile base station at all places required for access to basic services like banking.
— Naveen Patnaik (@Naveen_Odisha) September 26, 2021
ଅନ୍ୟପଟେ ବାମପନ୍ଥୀ ଉଗ୍ରବାଦ ପ୍ରଭାବିତ ଅଞ୍ଚଳ ଅନ୍ତର୍ଗତ ଜିଲ୍ଲା ଗୁଡ଼ିକ ବର୍ତ୍ତମାନ ରେଳବାଇ ନେଟୱର୍କରେ ଆସୁନାହାନ୍ତି । ରେଲୱେ ମନ୍ତ୍ରାଳୟ ଓ ଓଡ଼ିଶା ସରକାରଙ୍କ ସହଭାଗିତାରେ ଜୟପୁରରୁ ନବରଙ୍ଗପୁର ଓ ଜୟପୁରରୁ ମାଲକାନଗିରି ପ୍ରକଳ୍ପ ଲାଗି କାର୍ୟ୍ୟ କରୁଛନ୍ତି । ପ୍ରକଳ୍ପରେ ସ୍ଥାନିତ ହୋଇ ନଥିବା ୧୫୩ କିଲୋମିଟର ଦୀର୍ଘ ମାଲକାନଗିରରୁ ଭଦ୍ରାଚଳମ ଓ ୧୧୮ କିଲୋମିଟର ଦୀର୍ଘ ନବରଙ୍ଗପୁରରୁ ଜୁନାଗଡ଼ ଗୁରୁତ୍ୱପୂର୍ଣ୍ଣ ରୁଟ୍ । ଏହି ପଥର ବିକାଶ ହେଲେ ଏହି ଅଞ୍ଚଳର ଅର୍ଥନୈତିକ ବିକାଶ ସମ୍ଭବ ହେବ ବୋଲି ମୁଖ୍ୟମନ୍ତ୍ରୀ କହିଛନ୍ତି ।
ମାଓବାଦୀ ପ୍ରଭାବିତ ଅଞ୍ଚଳରେ ବ୍ୟାଙ୍କିଙ୍ଗ ସୁବିଧା ସୃଷ୍ଟି କରିବାରେ ଆମେ ସଫଳ ହୋଇ ନାହୁଁ। ବିନା ମୂଲ୍ୟରେ ବ୍ୟାଙ୍କ ଶାଖା ସ୍ଥାପନ ପାଇଁ ରାଜ୍ୟ ସରକାର ଜମି, ନିର୍ମାଣ ଇତ୍ୟାଦି ଯୋଗାଇ ଦେବେ। ଏକ ବର୍ଷ କିମ୍ବା ତା’ଠାରୁ ଅଧିକ ସମୟ ମଧ୍ୟରେ ବ୍ୟାଙ୍କ ଗଠନ ପାଇଁ ତ୍ୱରିତ ପଦକ୍ଷେପ ନେବାକୁ ମୁଖ୍ୟମନ୍ତ୍ରୀ କେନ୍ଦ୍ର ସରକାରଙ୍କୁ ଅନୁରୋଧ କରିଛନ୍ତି।
MHA should do a study on how many children from these LWE affected areas across the country are getting into national level exams like NEET, IIT JEE etc. If our systems continue to bypass these areas, it is not going to help the cause of people of LWE affected areas.
— Naveen Patnaik (@Naveen_Odisha) September 26, 2021
ଦେଶର ଏହି ମାଓ ପ୍ରଭାବିତ ଅଞ୍ଚଳରୁ କେତେ ପିଲା ନିଟ୍, ଆଇଆଇଟି ଓ ଜେଇଇ ଇତ୍ୟାଦି ଜାତୀୟ ସ୍ତରର ପରୀକ୍ଷାରେ ସଫଳ ହୋଇଛନ୍ତି ସେନେଇ କେନ୍ଦ୍ର ସରକାର ଏକ ଅଧ୍ୟୟନ କରିବା ସହ ଅଧିକ ଛାତ୍ରଛାତ୍ରୀମାନେ ଯେପରି ଅଧିକ ସଫଳ ହୋଇପାରିବେ ସେଥିଲାଗି କେନ୍ଦ୍ର ଗୃହ ବ୍ୟାପାର ମନ୍ତ୍ରାଳୟ ଏକ ସର୍ବେକ୍ଷଣ କରିବା ଲାଗି ପ୍ରସ୍ତାବ ଦେଇଛନ୍ତି ମୁଖ୍ୟମନ୍ତ୍ରୀ ।