ବିଜୁ ପଟ୍ଟନାୟକ ଦକ୍ଷତା ପ୍ରୋତ୍ସାହନ ରାଶି ବୃଦ୍ଧି ନେଇ ଘୋଷଣା କଲେ ମୁଖ୍ୟମନ୍ତ୍ରୀ, ସ୍ବର୍ଣ୍ଣ ବିଜେତାଙ୍କୁ ମିଳିବ ୧ କୋଟି
ଭୁବନେଶ୍ବର : ଭାରତ ଦକ୍ଷତା ପ୍ରତିଯୋଗୀତାରେ ଓଡିଶାକୁ ମିଳିଛି ୫୯ ଟି ପଦକ । ଜାନୁଆରୀ ୨୦୨୨ ରେ ନୂଆଦିଲ୍ଲୀରେ ଅନୁଷ୍ଠିତ ହୋଇଥିବା ଇଣ୍ଡିଆ ସ୍କିଲସ୍ ପ୍ରତିଯୋଗୀତା-୨୦୨୧ ରେ ଓଡିଶାକୁ ମିଳିଛି ୫୯ଟି ପଦକ । ଏ ନେଇ ଲୋକ ସେବା ଭବନରେ ଆୟୋଜିତ କାର୍ଯ୍ୟକ୍ରମରେ ଯୋଗଦେଇ ମୁଖ୍ୟମନ୍ତ୍ରୀ ସେମାନଙ୍କୁ ସମ୍ବର୍ଦ୍ଧନା କରିବା ସହ ନଗଦ ପ୍ରୋତ୍ସାହନ ରାଶି ବୃଦ୍ଧି କରିବାକୁ ଘୋଷଣା କରିଛନ୍ତି । ଚଳିତ ବର୍ଷ ଅକ୍ଟୋବର ୨୦୨୨ ରେ ସାଂଘାଇ ରେ ହେବାକୁ ଥିବା ବିଶ୍ୱ ଦକ୍ଷତା ପ୍ରତିଯୋଗୀତା ପାଇଁ ଓଡିଶାର ବିଜେତା ମାନଙ୍କୁ ତାଲିମ ଦେବା ପାଇଁ ସମସ୍ତ ପ୍ରରକାର ବନ୍ଦୋବସ୍ତ କରିବାକୁ ମୁଖ୍ୟମନ୍ତ୍ରୀ କହିଛନ୍ତି ।
CM @Naveen_Odisha felicitated the India Skills Competition winners from #Odisha who won 59 medals & wished them for the upcoming World Skills Competition. CM said that winning is a habit and Odisha’s children have now formed the habit to excel, to compete with the best and win. pic.twitter.com/kW9ip6YgTI
— CMO Odisha (@CMO_Odisha) May 7, 2022
ମୁଖ୍ୟମନ୍ତ୍ରୀ ଆହୁରି ମଧ୍ୟ ଘୋଷଣା କରିଛନ୍ତି ଯେ ବିଶ୍ୱ ଦକ୍ଷତା ପ୍ରତିଯୋଗୀତାରେ ସ୍ୱର୍ଣ୍ଣ ପଦକ ବିଜେତାଙ୍କୁ ୧ କୋଟି , ରୈାପ୍ୟ ପଦକ ବିଜେତାଙ୍କୁ ୫୦ ଲକ୍ଷ ଏବଂ ବ୍ରୋଞ୍ଜ ପଦକ ବିଜେତାଙ୍କୁ ୨୫ ଲକ୍ଷ ଟଙ୍କା ପ୍ରଦାନ କରାଯିବ । ଏହା ସହ ଯେଉଁ ଅନୁଷ୍ଠାନ ରୁ ଯାଇଥିବା ପ୍ରତିଯୋଗୀ ସ୍ୱର୍ଣ୍ଣପଦକ ହାସଲ କରନ୍ତି ସେହି ଅନୁଷ୍ଠାନକୁ ମଧ୍ୟ ୧ କୋଟି ଟଙ୍କା ପ୍ରଦାନ କରାଯିବ । ପ୍ରତିଯୋଗୀ ମାନଙ୍କୁ ଅଭିନନ୍ଦନ ଜଣାଇ ମ୍ରୁଖ୍ୟମନ୍ତ୍ରୀ କହଛନ୍ତି ଯେ ଇଣ୍ଡିଆ ସ୍କିଲ ପ୍ରତିଯୋଗୀତାରେ ଓଡିଶା ମୋଟ ୫୯ ଟି ପଦକ ହାସଲ କରି ପ୍ରଥମ ସ୍ଥାନରେ ରହିଛି । ଏହା ଓଡିଶା ପାଇଁ ଗର୍ବ ଅଟେ । ଏହି ମହାନ ସଫଳତା ପାଇଁ ସମସ୍ତ ବିଜେତା ସେମାନଙ୍କ ମାତାପିତା , ପ୍ରଶିକ୍ଷକ, ଅନୁଷ୍ଠାନକୁ ଅଭିନନ୍ଦନ ଜଣାଉଛି । ୨୦୧୮ ରେ କାଜାନ ରେ ଆୟୋଜିତ ହୋଇଥିବା ବିଶ୍ୱ ଦକ୍ଷତା ପ୍ରତିଯୋଗୀତାରେ ଓଡିଶାର ଆସୱାଥ ନାରାୟଣ ଜଳ ପ୍ରଯୁକ୍ତି ବିଦ୍ୟା କ୍ଷେତ୍ରରେ ଭାରତକୁ ପ୍ରଥମ ସ୍ୱର୍ଣ୍ଣ ପଦକ ଆଣିଥିଲେ ।
CM also said that the institution which nurtures the Gold medal winner will get ₹5 Crore for setting up the Biju Patnaik Centre of Excellence. CM added that target has been set for youth of #Odisha to bring 2 Golds, 3 Silvers & 4 Bronzes for the country at WSC. #SkilledInOdisha pic.twitter.com/e5v2FrFEiU
— CMO Odisha (@CMO_Odisha) May 7, 2022
ଓଡିଶା ଦକ୍ଷତା ବିକାଶ ପ୍ରାଧିକରଣର ଚେୟାରମ୍ୟାନ ସୁବ୍ରତ ବାଗଚୀ କହିଛନ୍ତି ଯେ ଇଣ୍ଡିଆ ସ୍କିଲସ ବିଜେତା ମାନେ ସମାଜର ନିମ୍ନ ଭାଗରୁ ଆସି ଓଡିଶାର ନାଁ ରଖିଛନ୍ତି । ତେବେ ଏହି କାର୍ଯ୍ୟକ୍ରମରେ ମୁଖ୍ୟଶାସନ ସଚିବ ହେମନ୍ତ ଶର୍ମା ସ୍ୱାଗତ ଭାଷଣ ଦେଇଥିବା ବେଳେ ସିଇଓ, ଓଏସଡିଏ ଜି. ରେଗୁ ଧନ୍ୟବାଦ ଅର୍ପଣ କରିଥିଲେ । ସମସ୍ତ ବିଜେତା ମାନଙ୍କୁ ମୁଖ୍ୟମନ୍ତ୍ରୀ ସମ୍ମାନିତ କରିବା ସହ ପ୍ରମାଣପତ୍ର ଓ ନଗଦ ରାଶି ପ୍ରଦାନ କରିଥିଲେ ।