ବିଜେପି କର୍ମୀଙ୍କ ଖଣ୍ଡଯୁଦ୍ଧ ଘଟଣା: ଇରାସିସ ଆଚାର୍ଯ୍ୟଙ୍କ ସମେତ ୩୦ ଯୁବମୋର୍ଚ୍ଚା ସଦସ୍ୟ ଅଟକ
ଭୁବନେଶ୍ବର: ଲୋୟର ପିଏମଜିରେ ବିଜେପି କର୍ମୀଙ୍କ ଖଣ୍ଡଯୁଦ୍ଧ ଘଟଣା। ରାଜ୍ୟ ବିଜେପି ଯୁବମୋର୍ଚ୍ଚା ସଭାପତି ଇରାସିସ ଆଚାର୍ଯ୍ୟ ଅଟକ। ଇରାସିସ ଆଚାର୍ଯ୍ୟଙ୍କ ସହ ୩୦ ଯୁବମୋର୍ଚ୍ଚା ସଦସ୍ୟ ଅଟକ ଥିବା ସୂଚନା। ଇରାସିସ ହତ୍ୟା ମାମଲାରେ ଜେଲ ମଧ୍ୟ ଯାଇଛନ୍ତି। କ୍ୟାପିଟାଲ ଥାନା ଓ ଖାରବେଳନଗର ଥାନା ପୋଲିସ ଦ୍ୱାରା ୩୦ ଅଟକ। ପୋଲିସକୁ ଲହୁଲୁହାଣ କରିଥିବା ଅଭିଯୁକ୍ତଙ୍କୁ ଧରିବାକୁ ଚଢ଼ାଉ ଜାରି। ଏସିପିଙ୍କ ନେତୃତ୍ୱରେ ୪ ଥାନାଧିକାରୀଙ୍କୁ ନେଇ ଗଠିତ ହେଲା ଟିମ। ଅଭ୍ୟାସଗତ ଅପରାଧିଙ୍କୁ ଧରିବାକୁ ସ୍ପେଶାଲ ସ୍କ୍ବାର୍ଡ ର ଛାପା। ମାଷ୍ଟରକ୍ୟାଣ୍ଟିନ, ଲୋୟର ପିଏମଜି ଛକର ସିସିଟିଭି ଚାଲିଛି ଯାଞ୍ଚ।
ଅଭିଯୁକ୍ତଙ୍କ ବିରୋଧରେ ଲାଗିପାରେ ସଙ୍ଗୀନ ଦଫା। ୧୪୭, ୧୪୮, ୧୪୯, ୩୫୩, ୩୩୨, ୩୨୩, ୩୦୭ ଭଳି ଦଫା ଲାଗିବା ନେଇ ସୂଚନା। ପବ୍ଲିକ ପ୍ରପର୍ଟି ଡ୍ୟାମେଜ ଓ ଆର୍ମସ ଆକ୍ଟରେ ହୋଇପାରେ ମାମଲା। କର୍ମୀଙ୍କୁ ପ୍ରବର୍ତ୍ତାଇବା ଅଭିଯୋଗରେ ତଦନ୍ତ ପରିସରକୁ ଆସିବେ ନେତା। ଆଜି ଲୋୟର ପିଏମଜିରେ ରକ୍ତମୁଖା ହୋଇଥିଲେ ବିଜେପି କର୍ମୀ। ଢେଲା ପଥର ମାଡ଼ କରି ୨୧ ପୁଲିସ ଅଧିକାରୀଙ୍କୁ ରକ୍ତାକ୍ତ କରିଥିଲେ। ଗୁରୁତର ଅବସ୍ଥାରେ ୪ ପୁଲିସ ଅଧିକାରୀଙ୍କୁ କଟକ ବଡ଼ ମେଡ଼ିକାଲ ସ୍ଥାନାନ୍ତର କରାଯାଇଛି। ଆହତ ପୋଲିସଙ୍କୁ ଭେଟିଛନ୍ତି ଗୃହ ରାଷ୍ଟ୍ରମନ୍ତ୍ରୀ ତୁଷାରକାନ୍ତି ବେହେରା। ଡିଜିପି ମଧ୍ୟ କ୍ୟାପିଟାଲ ହସ୍ପିଟାଲ ଯାଇ ସ୍ୱାସ୍ଥ୍ୟବସ୍ଥା ବୁଝିଛନ୍ତି। ଡିଜିପିଙ୍କ ସହ ସିପି, ଟୁଇନସିଟିର ଦୁଇ ଡିସିପି କ୍ୟାପିଟାଲ ହସ୍ପିଟାଲ ଯାଇଥିଲେ।