ମାଲକାନଗିରି: ଭିଜିଲାନ୍ସ ଜାଲରେ ଆଉ ଜଣେ ବଡ ବାବୁ । ମାଲକାନଗିରି ଜିଲ୍ଲା ମୁଖ୍ୟ କୃଷି ଅଧିକାରୀ ଏମ୍ . ଆନନ୍ଦ ରାଓଙ୍କ ଘରେ ଭିଜିଲାନ୍ସ ଚଢ଼ାଉ ହୋଇଛି । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ୬ଟି ସ୍ଥାନରେ ଚଢ଼ାଉ କରିଛି ଭିଜିଲାନ୍ସ । ମାଲକାନଗିରି, ନବରଙ୍ଗପୁର, ବିଶାଖାପାଟଣାର ୬ଟି ସ୍ଥାନରେ ଏକକାଳୀନ ଚଢ଼ାଉ କରିଛି ଭିଜିଲାନ୍ସ । ଭିଜିଲାନ୍ସ ବିଭାଗର ୯ ଜଣିଆ ଟିମ ଚଢ଼ାଉରେ ସାମିଲ ହୋଇଥିବା ନେଇ ସୂଚନା ମିଳିଛି ।
ସ୍ୱତନ୍ତ୍ର ଜଜ କୋର୍ଟ ଦ୍ୱାରା ଜାରି କରାଯାଇଥିବା ସର୍ଚ୍ଚ ୱାରେଣ୍ଟ୍ ପରେ ଏହି ଚଢଉ କରାଯାଉଛି ବୋଲି ଜଣାପଡିଛି । ବର୍ତ୍ତମାନ ବି ଚଢ଼ାଉ ଜାରି ରହିଥିବା ବେଳେ ଚଢ଼ାଉ ଶେଷ ପରେ ପ୍ରକୃତ ସମ୍ପତ୍ତି ର ପରିମାଣ କେତେ ତାହା ସ୍ପଷ୍ଟ ହେବ । ଏହି ଚଢ଼ାଉ ରେ ମାଲକାନଗିରି ଓ ଜୟପୁର ଦୁଇଟି ଭିଜିଲାନ୍ସ ଟିମ ମିଳିତ ଭାବେ ସାମିଲ ଅଛନ୍ତି ।
