ହଟିଲା ସସପେନ୍ସ , ବାତିଲ ହେଲା ସିବିଏସଇ ଦ୍ବାଦଶ ପରୀକ୍ଷା
ନୂଆଦିଲ୍ଲୀ: ଶେଷରେ ସିବିଏସଇ ଦ୍ବାଦଶ ପରୀକ୍ଷାକୁ ନେଇ ଲାଗିଥିବା ସସପେନ୍ସର ଅନ୍ତଘଟିଛି। ସିବିଏସଇ ଦ୍ବାଦଶ ପରୀକ୍ଷାକୁ ବାତିଲ କରିଦିଆଯାଇଛି। ପ୍ରାଧାନମନ୍ତ୍ରୀଙ୍କ ଅଧ୍ଯକ୍ଷତାରେ ବସିଥିବା ବୈଠକରେ ଏହି ବଡ ନିଷ୍ପତ୍ତି ନିଆଯାଇଛି। ମହାମାରୀରେ ଛାତ୍ରଛାତ୍ରୀଙ୍କ ସୁରକ୍ଷାକୁ ପ୍ରାଥମିକତା ଦିଆଯାଇଛି। ଛାତ୍ରଙ୍କ ସୁରକ୍ଷା ଓ ସ୍ବାସ୍ଥ୍ଯକୁ ନେଇ ବୁଝାମଣା ହୋଇ ପାରିବ ନାହିଁ । ଏଭଳି ସ୍ଥିତରେ ସେମାନଙ୍କୁ ହଇରାଣ କରିବା ଠିକ୍ ନୁହେଁ। କରୋନା ସଙ୍କଟ ସମୟରେ ଛାତ୍ରଛତ୍ରୀଙ୍କୁ ଚାପ ଦେବା ଠିକ ନୁହିଁ ବୋଲି ପ୍ରାଧନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି।
ଅନ୍ୟପଟେ ଆଗ୍ରହୀ ଛାତ୍ରଛାତ୍ରୀଙ୍କ ପାଇଁ ବିକଳ୍ପ ବ୍ୟବସ୍ଥା ମଧ୍ୟ ରଖିଛନ୍ତି ସରକାର। ରେଜଲ୍ଟ ପ୍ରକାଶ ପାଇଁ ବ୍ୟବସ୍ଥା କରିବ ସିବିଏସ୍ଇ। ନିର୍ଦ୍ଧାରିତ ସମୟ ମଧ୍ୟରେ ଉଚିତ ବ୍ୟବସ୍ଥା କରି ରେଜଲ୍ଟ ପ୍ରକାଶ କରିବ। ଯେଉଁ ଛାତ୍ରଛାତ୍ରୀ ଚାହିଁବେ, ପରୀକ୍ଷା ଦେଇ ପାରିବେ। ସ୍ଥିତି ସ୍ବାଭାବିକ ହେଲେ ପରୀକ୍ଷା ଦେଇପାରିବେ ଆଗ୍ରହୀ ଛାତ୍ରଛାତ୍ରୀ ।
ସୂଚନା ଅନୁଯାୟୀ, ପୂର୍ବରୁ ବାତିଲ ହୋଇ ସାରିଛି ଦଶମ ପରୀକ୍ଷା ।