ଚାଇଲ୍ଡ ପର୍ଣ୍ଣୋଗ୍ରାଫି ବିରୋଧରେ ସିବିଆଇର ‘ଅପରେସନ ମେଘଦୂତ’; ୨୦ଟି ରାଜ୍ୟର ୫୬ଟି ସ୍ଥାନରେ ଚଢ଼ାଉ ଜାରି
ନୂଆଦିଲ୍ଲୀ: ଅନଲାଇନ୍ ଚାଇଲ୍ଡ ପର୍ଣ୍ଣୋଗ୍ରାଫି ସହ ଜଡ଼ିତ ମାମଲାରେ ସିବିଆଇର ବଡ଼ ଆକ୍ସନ୍ । ଅପରେସନ ମେଘଦୂତ ଜରିଆରେ ୨୦ ରାଜ୍ୟର ୫୬ଟି ସ୍ଥାନରେ ଚଢାଉ ଜାରି ରଖିଛି କେନ୍ଦ୍ରୀୟ ଯାଞ୍ଚ ଏଜେନ୍ସି ସିବିଆଇ । ଇଣ୍ଟରପୋଲର ସିଙ୍ଗାପୁର ଏବଂ ନ୍ୟୁଜିଲ୍ୟାଣ୍ଡ ଶାଖାର ଇନପୁଟ୍ ଆଧାରରେ ସିବିଆଇ ‘ଅପରେସନ ମେଘଦୂତ’ ନାମରେ ଏହି ରେଡ୍ କରିଛି ।
ସିବିଆଇର ସୂଚନା ଅନୁଯାୟୀ ଏଭଳି ଅନେକ ଗ୍ୟାଙ୍ଗ୍ ଚିହ୍ନଟ ହୋଇଛନ୍ତି, ଯେଉଁମାନେ କେବଳ ଚାଇଲ୍ଡ ସେକ୍ସୁଆଲ ପର୍ଣ୍ଣୋଗ୍ରାଫି କରିନଥାନ୍ତି, ଶିଶୁଙ୍କୁ ଏହା ଦ୍ୱାରା ଶାରିରୀକ ଭାବେ ନିର୍ଯ୍ୟାତନା ମଧ୍ୟ ଦେଇଥାନ୍ତି । ଏହି ସବୁ ଗ୍ୟାଙ୍ଗ୍ ଗ୍ରୁପ୍ ହୋଇ ଏବଂ ବ୍ୟକ୍ତିଗତ ଭାବେ ଏଭଳି କାରବାର କରୁଛନ୍ତି | ଉଲ୍ଲେଖଯୋଗ୍ୟ ଯେ ଗତ ବର୍ଷ ନଭେମ୍ବର ୨୦୨୧ରେ ସିବିଆଇ ଦ୍ବାରା ଏଭଳି ଏକ ଅପରେସନ କରାଯାଇଥିଲା । ଯାହାର ନାଁ ‘ଅପରେସନ୍ କାର୍ବନ୍’ ରଖାଯାଇଥିଲା । ଏଥିରେ ସାରା ଦେଶରେ ୭୬ ଟି ସ୍ଥାନରେ ୮୩ ଜଣଙ୍କ ଉପରେ ଚଢାଉ କରାଯାଇଥିଲା ଏବଂ ଅନେକ ଲୋକ ଗିରଫ ହୋଇଥିଲେ ।
ଗତ ସପ୍ତାହରେ ଶିଶୁ ଯୌନ ଶୋଷଣ ମାମଲା ନେଇ ସୁପ୍ରିମକୋର୍ଟ ଉଦ୍ବେଗ ପ୍ରକାଶ କରିଥିଲେ। ଏଥିପାଇଁ କେନ୍ଦ୍ରକୁ ରିପୋର୍ଟ ତଲବ କରଥିଲେ କୋର୍ଟ। ମୁଖ୍ୟତଃ ଚାଇଲଡ୍ ପର୍ଣ୍ଣୋଗ୍ରାଫିକ୍କୁ ନେଇ କୋର୍ଟ ଚିନ୍ତାପ୍ରକଟ କରିଥିଲେ। ଏହା ପରେ ସିବିଆଇ ପକ୍ଷରୁ ରେଡ୍ ହୋଇଥିବା ଜଣାପଡ଼ିଛି।