ପୁଣି ବ୍ରାଉନସୁଗର ଜବତ, ୨ ଗିରଫ

କଟକ: ଚାରିଆଡେ ଧଳାଜହର କାରବାର। ବଢୁଛି ଅସାମାଜିକ କାର୍ଯ୍ଯ । ବଜାରରେ ମାଳମାଳ ଧଳାଜହର ବେପାରୀ । ଖୁଲମ ଖୁଲା ବିକ୍ରି ହେଇଛି ବ୍ରାଉନସୁଗର । ପ୍ରତିଦିନ ଗିରଫ ହେଉଛନ୍ତି ବେପାରୀ ଓ ଜବତ ହେଉଛି ପୁଳାପୁଳା ବ୍ରାଉନସୁଗର । ଆଜି ପୁଣି କଟକରୁ ଜବତ ହୋଇଛି ବ୍ରାଉନସୁଗର। କଟକର ଲାଲାବାଗ ପୁଲିସ ବ୍ରାଉନସୁଗର ଜବତ କରିବା ସହ ଦୁଇ ଜଣ ବେପାରୀଙ୍କୁ ଗିରଫ କରିଛି । ଗିରଫ ହୋଇଥିବା ବେପାରୀ ହେଲେ ଅଭିମନ୍ୟୁ ପଣ୍ଡା ଓ ଜାକେଶ୍ୱର ବେହେରା । ଏ ନେଇ କଟକ ଡିସିପି  ସୂଚନା ଦେଇଛନ୍ତି ।

ସୂଚନା ଅନୁଯାୟୀ, ଜବତ ହୋଇଥିବା ବ୍ରାଉନଗୁଗରର ଆନୁମାନିକ ମୂଲ୍ୟ ୧୦ ଲକ୍ଷ ଟଙ୍କା ହେବ। ଏହା ସହ ବେପାରୀଙ୍କ ଠାରୁ ୨ ଲକ୍ଷ ୮୦ ହଜାର ଟଙ୍କା ଓ ଗୋଟିଏ ବାଇକ ଜବତ କରିଛି ପୁଲିସ । ଏହି ବ୍ରାଉନଗୁଗର କରାବାରର ମାଷ୍ଟର ମାଇଣ୍ଡ କିଏ ସେ ନେଇ ଖୋଲତାଡ଼ କରୁଥିବା କଟକ ଡିସିପି କହିଛନ୍ତି।

Leave a comment