ବଲିଉଡର ଭାଇଜାନ ସଲମାନ ଖାନଙ୍କୁ ଡେଙ୍ଗୁ, ଜାଣନ୍ତୁ କିଏ ‌ହେବେ ‘ବିଗ୍ ବସ୍-୧୬’ର ହୋଷ୍ଟ୍

ମୁମ୍ଵାଇ: ଡେଙ୍ଗୁରେ ଆକ୍ରାନ୍ତ ହେଲେ ବଲିଉଡର ଭାଇଜାନ ସଲମାନ ଖାନ । ଡେଙ୍ଗୁରେ ଆକ୍ରାନ୍ତ ଥିବାରୁ ଆସନ୍ତା କିଛି ସପ୍ତାହ ଯାଏଁ ବିଗ୍ ବସ୍-୧୬ ହୋଷ୍ଟ କରିବେ ନାହିଁ । କିନ୍ତୁ ସଲମାନଙ୍କ ଅନୁପସ୍ଥିତିରେ କରଣ ଜୋହର ବର୍ତ୍ତମାନ ଏହି ସୋ ହୋଷ୍ଟ କରିବେ ବୋଲି ମଧ୍ୟ ଖବର ରହିଛି। ସୂଚନା ଅନୁଯାୟୀ, ସଲମାନ ନିଜେ କରନଙ୍କୁ ଏହି ସୋ’ ହୋଷ୍ଟ କରିବାକୁ ଅନୁରୋଧ କରିଥିଲେ । ଯାହାକୁ ସେ ମନା କରିପାରି ନାହାନ୍ତି । ବର୍ତ୍ତମାନ କରନଙ୍କୁ ବିଗବସର କିଛି ଏପିସୋଡରେ ହୋଷ୍ଟ ଭାବରେ ଦେଖିବାକୁ ମିଳିବ ।

ଅଧିକ ପଢନ୍ତୁ

ବର୍ତ୍ତମାନ ସଲମାନ ତାଙ୍କ ଆଗାମୀ ଚଳଚ୍ଚିତ୍ର ‘କିସି କା ଭାଇ କିସି କି ଜାନ’ର ସୁଟିଂ କରୁଥିଲେ, କିନ୍ତୁ ଅସୁସ୍ଥତା ହେତୁ ସେ ଫିଲ୍ମର ସୁଟିଂକୁ ବନ୍ଦ କରି ଦିଆଯାଇଛି । ଡେଙ୍ଗୁ ହେବା ପରେ ଡାକ୍ତରମାନେ ସଲମାନଙ୍କୁ ବିଶ୍ରାମ ନେବାକୁ ପରାମର୍ଶ ଦେଇଛନ୍ତି । ଅଭିନେତା ସଲମାନ ଖାନ ସୁସ୍ଥ ନହେବା ପର୍ଯ୍ୟନ୍ତ କରଣ ଜୋହର ଆୟୋଜନ କରିବେ ବୋଲି ଜଣାପଡିଛି ।

Leave a comment