ଚାଷ ଜମିରୁ ମା’ ଓ ପୁଅଙ୍କ ମୃତଦେହ ଠାବ
ହାଟଡ଼ିହି: କେନ୍ଦୁଝର ଜିଲ୍ଲା ହାଟଡ଼ିହି ବ୍ଲକ ନନ୍ଦିପଦା ଥାନା ଆନ୍ତର୍ଗତ ଜାବିନପୁର ଗାଁରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ଏକ ଚାଷଜମିରେ ମାଆ ଓ ପୁଅଙ୍କ ମୃତଦେହ ଠାବ କରାଯାଇଛି। ଉଭୟେ ଶାଳଣିଆ ପଞ୍ଚାୟତ ମନୋହରପୁର ଗ୍ରାମର ବୋଲି ଜଣାପଡ଼ିଛି। ମୃତ ପୁଅର ନାଁ ସନ୍ତା ଦାସ ଓ ମାଆର ନାଁ ଜେମା ଦାସ ।
ସୂଚନା ଅୁଯାୟୀ, ମାଆ ଓ ପୁଅ ଅତ୍ୟନ୍ତ ଗରିବ ଶ୍ରେଣୀର ହୋଇଥିବା ବେଳେ ଅନେକ ଦିନ ଧରି ଏହି ଅଞ୍ଚଳରେ ଭିକ ମାଗି ଗୁଜୁରାଣ ମେଣ୍ଟାଉଥିଲେ। ସ୍ଥାନୀୟ ଲୋକେ ଉଭୟଙ୍କ ମୃତଦେହ ଦେଖିବା ପରେ ପୁଲିସକୁ ଖବର ଦେଇଥିଲେ। ଖବର ପାଇ ଘଟଣା ସ୍ଥାନରେ ପୁଳିସ ପହଞ୍ଚି ତଦନ୍ତ ଆରମ୍ଭ କରିଛି।