ଅହମଦାବାଦ: ଚଳିତ ବର୍ଷ ଶେଷ ଆଡ଼କୁ ଗୁଜରାଟରେ ବିଧାନସଭା ନିର୍ବାଚନ ଅନୁଷ୍ଠିତ ହେବ। ଏହାକୁ ଅଖିଆଗରେ ରଖି ଆମ୍ ଆଦମୀ ପାର୍ଟି (ଆପ୍)ର ମୁଖ୍ୟ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କ୍ରମାଗତ ଭାବେ ରାଜ୍ୟକୁ ଗସ୍ତ କରୁଛନ୍ତି। ପଞ୍ଜାବ ପରେ ଗୁଜରାଟ ହାତେଇବା ପାଇଁ ଆମ୍ ଆଦମୀ ପାର୍ଟି ନୂଆ ନୂଆ ପ୍ରତିଶ୍ରୁତି ଦେଉଥିବାବେଳେ କେଜ୍ରିୱାଲ ପ୍ରମାଣ କରିବାକୁ ଚେଷ୍ଟା କରୁଛନ୍ତି ଯେ ଶାସକ ଦଳ ବିଜେପି ସହ ଆପ ଲଢ଼େଇ କରୁଛି। ଏହା ସହ କଂଗ୍ରେସ ଏହି ଲଢ଼େରେ ନାହିଁ ବୋଲି ସେ ସ୍ପଷ୍ଟ କରିଛନ୍ତି।
ମଙ୍ଗଳବାର ଦିନ ଆମ୍ ଆଦମୀ ପାର୍ଟିର ମୁଖ୍ୟ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ବିଜେପି ଉପରେ ଜୋରଦାର ଟାର୍ଗେଟ କରିଛନ୍ତି । ଗୁଜୁରାଟରେ ସିଏ ପ୍ରାର୍ଥୀ ଭାବରେ ଆମ୍ ଆଦମୀ ପାର୍ଟି ମେଧା ପାଟକରଙ୍କୁ ଘୋଷଣା ଉପରେ ବିଜେପିର ଅଭିଯୋଗ ଆଣିଥିଲା । ଏହା ଉପରେ ଅରବିନ୍ଦ କେଜ୍ରିୱାଲ କହିଛନ୍ତି ଯେ ବିଜେପି ମୋଦୀଙ୍କ ପରେ ସୋନିଆ ଗାନ୍ଧୀ ପ୍ରଧାନମନ୍ତ୍ରୀ କରିବାକୁ ଯାଉଛି । ସାମ୍ବାଦିକଙ୍କ ଏକ ପ୍ରଶ୍ନର ଉତ୍ତରରେ ସେ କହିଛନ୍ତି ଯେ ଏହା ମୋର ବିଜେପି ଉପରେ ଅଭିଯୋଗ ଓ ଯଦି ଆପଣଙ୍କର ସାହସ ଅଛି, ତେବେ ସେମାନଙ୍କୁ ଏ ବିଷୟରେ ପ୍ରଶ୍ନ କରନ୍ତୁ ।
ବିଜେପି ନେତାମାନେ କହିଛନ୍ତି ଯେ ଗୁଜୁରାଟ ଓ ନର୍ମଦା ବିରୋଧୀ ମେଧା ପାଟକରଙ୍କୁ ସିଏମ ଚେହେରା ଭବରେ ପ୍ରୋଜେକ୍ଟ କରାଯାଉଛି? ଜଣେ ସାମ୍ବାଦିକଙ୍କ ତରଫରୁ ଏହି ପ୍ରଶ୍ନ ପଚରାଯିବା ପରେ, କେଜ୍ରିୱାଲ କହିଛନ୍ତି, “ମୁଁ ଶୁଣିଛି ଯେ ମୋଦୀଜୀଙ୍କ ପରେ ବିଜେପି ସୋନିଆ ଗାନ୍ଧୀଙ୍କୁ ପ୍ରଧାନମନ୍ତ୍ରୀ ପ୍ରାର୍ଥୀ କରୁଛି । ଏ ବିଷୟରେ ତାଙ୍କୁ ପଚାରିବେ, ସେ କ’ଣ କହିବେ? ସେମାନଙ୍କୁ ମୋର ପ୍ରଶ୍ନ ହେଉଛି, ଆପଣ କିଛି ସାହସ ଦେଖାଅ, ମୁଁ ଜାଣେ ଆପଣଙ୍କୁ ଭୟ ଲାଗିବ ।
ମେଧା ପାଟକରଙ୍କୁ ବେକଡୋରରୁ ସିଏମ ପ୍ରାର୍ଥୀ କରାଯିବା ନେଇ ଏକ ପ୍ରଶ୍ନର ଉତ୍ତରରେ କେଜ୍ରିୱାଲ କହିଛନ୍ତି, “ମୁଁ ମଧ୍ୟ ସମାନ କଥା କହୁଛି ଯେ ବିଜେପି ବେକଡୋରରୁ ସୋନିଆ ଗାନ୍ଧୀ ସିଏମ କରିବାକୁ ଯାଉଛି । ମୋର କଥା ହେଉଛି ଏହି ପ୍ରକାର ଯୁକ୍ତି ଜନସାଧାରଣଙ୍କ ପାଇଁ ଲାଭଦାୟକ ହେବ ନାହିଁ । ବିଜେପି ହାରିବାକୁ ଯାଉଛି, ବେଳେବେଳେ ସେମାନେ ମେଧା ପାଟକର ଆଣିବେ ଓ ଅନ୍ୟ ସମୟରେ ଆଉ କାହାକୁ । ବିଜେପି ୨୭ ବର୍ଷ ମଧ୍ୟରେ କିଛି କରିନାହିଁ ।” କେଜ୍ରିୱାଲ ଏହା ମଧ୍ୟ କହିଛନ୍ତି ଯେ ତାଙ୍କ ଦଳ ଗୁଜରାଟର ସମସ୍ତ ଆସନରେ ଲଢ଼ିବାକୁ ଯାଉଛି ।
ସାମ୍ୱାଦିକ ପ୍ରଶ୍ନ କରିଥିଲେ ଯେ ଯଦି ଆମ୍ ଆଦମୀ ପାର୍ଟି ସରକାର ଗଠନ କରେ ତେବେ କେଜ୍ରିୱାଲ ଗୁଜରାଟର ମୁଖ୍ୟମନ୍ତ୍ରୀ ହେବେ କି? ଏବଂ ଯଦି ନୁହେଁ, ସରକାର ରିମୋଟରେ ଚାଲିବେ କି? ଏହି ପ୍ରଶ୍ନର ଉତ୍ତରରେ କେଜ୍ରିୱାଲ କହିଛନ୍ତି ଯେ ରିମୋଟରେ କେହି କାମ କରିବେ ନାହିଁ । ଗୁଜୁରାଟର ଛଅ କୋଟି ଲୋକ କଣ ଚାହୁଁଛନ୍ତି ତାହା ସ୍ଥିର କରିବେ । ଆଜିର ସରକାର ଦିଲ୍ଲୀରୁ ଚାଲିଆସୁଛି, ପ୍ରତ୍ୟେକ ଦିନ ମୁଖ୍ୟମନ୍ତ୍ରୀ ପରିବର୍ତ୍ତନ କରନ୍ତି, ସେମାନଙ୍କର ମୁଖ୍ୟମନ୍ତ୍ରୀ କରିବା ପାଇଁ ତାଙ୍କ ପାଖରେ ଲୋକ ନାହିଁ । ମୋତେ କୁହନ୍ତୁ ବିଜୟ ରୂପାନୀଙ୍କୁ କିଏ ମୁଖ୍ୟମନ୍ତ୍ରୀ କରିଛନ୍ତି, ଭୁପେନ୍ଦ୍ର ପଟେଲକୁ କିଏ କରିଛନ୍ତି, ଲୋକମାନେ ତାହା କରିନାହାଁନ୍ତି । ଦିଲ୍ଲୀଲୋକ ଏହାକୁ ତିଆରି କରିଥିଲେ । ଏଭଳି ଦିଲ୍ଲୀରୁ ସରକାର ଚାଲିବ ନାହିଁ ।” ଗୁଜରାଟର କେଜ୍ରିୱାଲ କିଏ ହେବ ବୋଲି ପଚରାଯିବାରୁ ଦିଲ୍ଲୀ ସିଏମ ହସି ହସି କହିଥିଲେ ଯେ ଏହା ଠିକ ସମୟରେ କୁହାଯିବ, ଜନସାଧାରଣ ନିଷ୍ପତ୍ତି ନେବେ ।”
