Latest Odisha News, Breaking News Today | Top Updates on Corona

ପରୀକୁ ନ୍ୟାୟ ଦେବା ବଦଳରେ ବିଜେପି ଅଭିଯୁକ୍ତ ସପକ୍ଷରେ ଓକିଲାତି କରି ହୀନ ରାଜନୀତି କରୁଛି : ବିଜେଡି

ଭୁବନେଶ୍ୱର : ପରୀ ଦୁଷ୍କର୍ମ ଏବଂ ହତ୍ୟା ମାମଲାରେ ବିଜେପି ମୁଖପାତ୍ରଲେଖାଶ୍ରୀଙ୍କ ଅଭିଯୋଗର କଡ଼ା ଜବାବ ଦେଇଛି ବିଜେଡି। ବିଜେଡି ପ୍ରବକ୍ତା ଇପ୍ସିତା ସାହୁ କହିଛନ୍ତି ଯେ  ଲେଖାଶ୍ରୀ ସାମନ୍ତସିଂହାରଙ୍କ ବକ୍ତବ୍ୟ ଯେତିକି ଆଶ୍ଚର୍ୟ୍ୟଜନକ ତାହାଠାରୁ ଅଧିକ ଯନ୍ତ୍ରଣାଦାୟକ । ସେ ଭୁଲି ଯାଉଛନ୍ତି ଯେ ପରୀ ଘଟଣା ଅତ୍ୟନ୍ତ ସ୍ପର୍ଶକାତର ଓ ଏକ ଜଘନ୍ୟ ଅପରାଧ । ଏହି ଘଟଣାର ତଦନ୍ତ ତାଙ୍କ ଇଚ୍ଛା ଅନୁଯାୟୀ ନୁହେଁ, ବରଂ ବିଭିନ୍ନ ତଥ୍ୟ ପ୍ରମାଣକୁ ନେଇ କରାଯାଇଛି ବୋଲି କହିଛନ୍ତି ବିଜେଡି ପ୍ରବକ୍ତା ଇପ୍ସିତା ସାହୁ ।

ସୁଶ୍ରୀ ସାହୁ କହିଛନ୍ତି ଯେ ପ୍ରଥମ ଦିନରୁ ଲକ୍ଷ୍ୟ କରାଯାଉଛି ଯେ ବିଜେପି ବିଶେଷକରି ଶ୍ରୀମତୀ ସାମନ୍ତସିଂହାର ତଦନ୍ତକୁ ବାଟବଣା ଲାଗି ଉଦ୍ୟମ କରିବା ସହିତ ଅଭିଯୁକ୍ତକୁ ବଞ୍ଚାଇବା ପାଇଁ ବ୍ୟକ୍ତିଗତ ସ୍ତରରେ ଅତ୍ୟନ୍ତ ଅଶାଳୀନ ଓ ଅପମାନଜନକ ଶବ୍ଦ ପ୍ରୟୋଗ କରୁଛନ୍ତି । ଏଭଳି ଆଚରଣ ଓ ଉଚ୍ଚାରଣ ପାଇଁ ତାଙ୍କୁ ଲଜ୍ଜା ଲାଗିବା କଥା । ଅତୀତରେ ରାଜ୍ୟ ରାଜନୀତିରେ କେବେ ହେଲେ ଏଭଳି ଶବ୍ଦ ବ୍ୟବହାର ଦେଖାଯାଇନଥିଲା, ଯାହାକି ଓଡିଆ ସଂସ୍କୃତି ଓ ନୀତିର ପରିପନ୍ଥୀ ।

ଦେଖନ୍ତୁ ନଟିଆ କମେଡି

ଏହି ଘଟଣାରେ ଆମେ ପ୍ରଥମରୁ କହି ଆସୁଛୁ ଯେ ବିଜେପି ହାତରେ ଯଦି ସେଭଳି କିଛି ତଥ୍ୟ ପ୍ରମାଣ ରହିଛି ତେବେ ସେମାନେ ତାହାକୁ ଏସ୍ଆ ଇଟି କିମ୍ବା ଅଦାଲତ ନିକଟରେ ଦାଖଲ କରନ୍ତୁ । ପ୍ରଥମେ ସେମାନେ ଏସ୍‌ଆଇଟିକୁ କୌଣସି ତଥ୍ୟ ପ୍ରମାଣ ଦେଲେ ନାହିଁ ବରଂ ଘଟଣାକୁ ରାଜନୀତି ରଙ୍ଗ ଦେଲେ । ଏବେ ଏହାର ଚାର୍ଜସିଟ୍ ହୋଇସାରିଛି । ଯଦି କିଛି ତଥ୍ୟ ପ୍ରମାଣ ଥାଏ ତେବେ ବିଜେପି ତାହା ଅଦାଲତରେ ମଧ୍ୟ ଦାଖଲ କରିପାରିବ । ମାତ୍ର ବିଜେପି ତାହା କରିବା ବଦଳରେ ଡାହା ମିଛ ଓ ମନଗଢା କଥା କହି କେବଳ ରାଜ୍ୟବାସୀଙ୍କୁ ଭ୍ରମିତ କରିବାରେ ଲାଗିଛି । ଆମେ ତାଙ୍କୁ ପଚାରିବାକୁ ଚାହୁଁଛୁ ଯେ ଜଣେ ମହିଳା ହିସାବରେ ସେ କିଭଳି ପରୀ କ୍ଷେତ୍ରରେ ସାଂଘାତିକ ଅନ୍ୟାୟ କରୁଛନ୍ତି ଏବଂ ଏଭଳି ସ୍ପର୍ଶକାତର ଘଟଣାରେ ହୀନ ରାଜନୀତି କରୁଛନ୍ତି । ସେ ଏବଂ ବିଜେପିର ଅନ୍ୟ ନେତାମାନେ ଅତୀତର କୁନ୍ଦୁଲି ଓ ଟିକିରି ଭଳି ଏହି ଘଟଣାକୁ ମଧ୍ୟ ରାଜନୀତି ରଙ୍ଗ ଦେବାପାଇଁ ଉଦ୍ୟମ କରିଥିଲେ ।

ଆମେ ସମସ୍ତେ ଦେଖିଛେ ଯେ ଟିକିରି ଘଟଣାରେ କିଭଳି ସେମାନଙ୍କର ମିଥ୍ୟା ପ୍ରଚାର ଏବଂ ଦୋମୁହାଁ ନୀତି ଧରାପଡିଥିଲା ଏବଂ ଯେଉଁବ୍ୟକ୍ତିଙ୍କ ବିରୁଦ୍ଧରେ ସେମାନେ ଅଭିଯୋଗ କରୁଥିଲେ, ପରବର୍ତ୍ତୀ ସମୟରେ ତାଙ୍କୁ ଦଳୀୟ ଟିକେଟ ଦେଇ ନିର୍ବାଚନ ଲଢାଇଥିଲେ । ଅନୁରୂପ ଭାବେ କୁନ୍ଦୁଲି ଘଟଣାରେ ମଧ୍ୟ ମିଛର ପର୍ଦ୍ଦାଫାସ ହୋଇଥିଲା । ବିଭିନ୍ନ ସ୍ପର୍ଶକାତର ଓ ଜଘନ୍ୟ ଅପରାଧ ଘଟଣାରେ ବିଜେପି କିଭଳି ତଳ ସ୍ତରକୁ ଖସି ରାଜନୀତି କରେ ତାହା ଓଡିଶାବାସୀ ଦେଖିଆସୁଛନ୍ତି ଓ ଏଭଳି ଘୃଣ୍ୟ ରାଜନୀତି ପାଇଁ ରାଜ୍ୟବାସୀ ମଧ୍ୟ ସେମାନଙ୍କୁ ଉଚିତ୍‍ ଜବାବ ଦେଉଛନ୍ତି ବୋଲି ସୁଶ୍ରୀ ସାହୁ କହିଛନ୍ତି ।

0Shares
0