କ୍ରିପ୍ଟୋକରେନ୍ସିକୁ ନେଇ ବଡ ଖବର : ରିଜର୍ଭ ବ୍ୟାଙ୍କ ଆରମ୍ଭ କରିବ ଡିଜିଟାଲ ଟଙ୍କା
ନୂଆଦିଲ୍ଲୀ : ସଂସଦରେ ଉପସ୍ଥାପିତ ହୋଇଛି କେନ୍ଦ୍ର ବଜେଟ ୨୦୨୨-୨୩। କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ବଜେଟ ନେଇ ସର୍ବେଶେଷ ତଥ୍ୟ ପ୍ରଦାନ କରିଛନ୍ତି। ତେବେ ଚଳିତ ବଜେଟରେ କ୍ରିପ୍ଟୋକରେନ୍ସିକୁ ନେଇ ଏକ ବଡ ଘୋଷଣା କରାଯାଇଛି। ଭାରତୀୟ ରିଜର୍ଭ ବ୍ୟାଙ୍କ ପକ୍ଷରୁ ଦେଶରେ ଡିଜିଟାଲ ଟଙ୍କା ପ୍ରଚଳନ କରାଯିବ । ବ୍ଲକଚେନ ଓ ଅନ୍ୟ ପ୍ରକାରର ଟେକନଲୋଜୀ ବ୍ୟବହାର କରି ଏହା କରାଯିବ । ଆଜି ଲୋକସଭାରେ ନିଜର ବଜେଟ୍ ଅଭିଭାଷଣରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଏ ସମ୍ପର୍କରେ ଘୋଷଣା କରିଛନ୍ତି। ସରକାରୀ ବିଭାଗ ସ୍ତରରେ ଅର୍ଥ ନେଣଦେଣରେ ହେଉଥିବା ବିଳମ୍ବକୁ କମ କରିବାକୁ ଏକ ଅନଲାଇନ ବିଲ ପେମେଣ୍ଟ ସିଷ୍ଟମ ଆରମ୍ଭ କରାଯିବ । ଏହାକୁ ସବୁ କେନ୍ଦ୍ର ସରକାରୀ ବିଭାଗ ବ୍ୟବହାର କରିପାରିବେ ।