ଜାଲରେ ପଡିଲା ବିଶାଳକାୟ ମାଛ, ଯାହାର ଦାମ ୩୬ ଲକ୍ଷରୁ ଉର୍ଦ୍ଧ୍ବ ଟଙ୍କା
କଲିକତା: ଗୋଟିଏ ମାଛ ପାଇଁ ଲକ୍ଷପତି ହୋଇଗଲେ ମତ୍ସ୍ୟଜୀବୀ । ନଦୀରେ ମାଛ ଧରିବାବେଳେ ଜାଲରେ ପଡିଲା ଏକ ବିଶାଳକାୟ ମାଛ । ମାଛ ପାଇଁ ନିଲାମ ଡକାଗଲା। ଲକ୍ଷେ ନୁହେଁ କି ୨ ଲକ୍ଷ ନୁହେଁ, ପୁରା ୩୬ ଲକ୍ଷ ୫୩ ହଜାର ଟଙ୍କାରେ ବିକ୍ରି ହେଲା ଏହି ବିଶାଳକାୟ ମାଛ। ଆଂଜ୍ଞା ହଁ, ଗୋଟିଏ ମାଛର ଦାମ ନିଲାମିରେ ଡକାଯାଇଛି ୩୬ ଲକ୍ଷ ୫୩ ହଜାର ଟଙ୍କା । ଶେଷରେ ଜଣେ ବ୍ୟବସାୟୀ ମାଛଟିକୁ ଏତିକି ଟଙ୍କାରେ କିଣି ନେଇଥିଲେ। ପଶ୍ଚିମବଙ୍ଗ ସୁନ୍ଦରବନ ଅଞ୍ଚଳର ୫ଜଣ ମତ୍ସ୍ୟଜୀବୀ ମାଛ ଧରିବା ବେଳେ ଜାଲରେ ପଡିଥିଲା ୭୮.୪ କେଜି ଓଜନର ଏହି ବିଶାଳକାୟ ମାଛ।
ମାଛଟିର ନାଁ ତେଲିଆ ଭୋଲା। ଜାଲରେ ମାଛଟି ପଡ଼ିବା ପରେ ଏହାକୁ ବଜାରରେ ବିକ୍ରି ପାଇଁ ନିଆଯାଇଥିଲା। ଯାହାକୁ ଦେଖିବାକୁ ଲୋକଙ୍କ ଭିଡ ଜମିବା ସହ ନିଲାମି ଡକାଯାଇଥିଲା। ଏତେବଡ଼ ମାଛକୁ ଦେଖି ଆଶ୍ଚର୍ଯ୍ୟ ଚକିତ ହୋଇଯାଇଥିଲେ ଲୋକ।