ୟୁପି ନିର୍ବାଚନ ପୂର୍ବରୁ ଆପ୍ ର ବଡ ଘୋଷଣା: ସରକାର ଗଠନକଲେ ରାଜ୍ଯବାସୀଙ୍କୁ ମିଳିବ ୩୦୦ ୟୁନିଟର ମାଗଣା ବିଦ୍ଯୁତ

କୃଷକଙ୍କ ବକେୟା ବିଦ୍ୟୁତ୍ ବିଲ୍ ହେବ ଛାଡ

ଲକ୍ଷ୍ନୌ: ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ ଲକ୍ଷ୍ନୌରେ ଏକ ସାମ୍ବାଦିକ ସମ୍ମିଳନୀରେ ବଡ଼ ଘୋଷଣା କରିଛନ୍ତି। ସିସୋଦିଆ କହିଛନ୍ତି ଯେ, ଯଦି ୟୁପିରେ ଆମ୍ ଆଦମୀ ପାର୍ଟି ସରକାର ଗଠନ ହୁଏ ତେବେ ରାଜ୍ୟବାସୀଙ୍କୁ ୩୦୦ ୟୁନିଟ୍ ମାଗଣା ବିଦ୍ୟୁତ୍ ପ୍ରଦାନ କରାଯିବ। ଏନେଇ ମନୀଷ ସିସୋଦିଆ ମଧ୍ୟ ଟ୍ୱିଟରେ ଉଲ୍ଲେଖ କରିଛନ୍ତି। ଆପ ସରକାର ଗଠନ କରିବାର ୨୪ ଘଣ୍ଟା ମଧ୍ଯରେ ୟୁପିରେ ବିଦ୍ୟୁତ୍ ମାଗଣାରେ ଉପଲବ୍ଧ ହେବ।


ଏ ସମ୍ପର୍କରେ ୟୁପି ଦାୟିତ୍ୱରେ ଥିବା ସଞ୍ଜୟ ସିଂ କହିଛନ୍ତି ଯେ ସମଗ୍ର ରାଜ୍ୟରେ ଆମ୍ ଆଦମୀ ପାର୍ଟିକୁ ଯେଉଁ ପ୍ରକାରର ଜନସାଧାରଣ ସମର୍ଥନ କରୁଛନ୍ତି ତାହା ଉତ୍ସାହଜନକ। ଆମେ ଦିଲ୍ଲୀ ସରକାରଙ୍କ ବିକାଶର ମଡେଲ ସହିତ ରାଜ୍ୟବାସୀଙ୍କ ପାଖକୁ ଯିବୁ ଏବଂ ଆମେ ନିଶ୍ଚିତ ଯେ ଲୋକମାନେ ଆମକୁ ସମର୍ଥନ କରିବେ।

ଗଣମାଧ୍ୟମକୁ ସମ୍ବୋଧିତ କରିବାବେଳେ ମନୀଷ ସିସୋଦିଆ କହିଛନ୍ତି ଯେ, ଜନସାଧାରଣଙ୍କ ଭୋଟ୍ ଶକ୍ତି ଦ୍ୱାରା ବିଦ୍ୟୁତ୍ ବିଲ୍ ହ୍ରାସ ହୋଇପାରିବ। ସେ ଆହୁରି ମଧ୍ଯ କହିଛନ୍ତି ଯେ, ରାଜ୍ୟର କୃଷକଙ୍କ ବକେୟା ବିଦ୍ୟୁତ୍ ବିଲ୍ ଛାଡ କରାଯିବ।

Leave a comment