ଭୁବନେଶ୍ବର : ତତଲା କଡେଇରେ ଭାଜି ହେଉଛି ରାଜଧାନୀ ଭୁବନେଶ୍ବର। କ୍ରମାଗତ ଭାବେ ରାଜଧାନୀର ତାପମାତ୍ର ରେକର୍ଡ ଭାଙ୍ଗୁଛି। ଗଲା ତିନି ଦିନ ଧରି ସମଗ୍ର ଦେଶର ଉତ୍ତପ୍ତ ସହର ରହି ଆସିଥିବା ଭୁବନେଶ୍ବର ଆଜି ମଧ୍ୟ ଚତୁର୍ଥ ଦିନ ପାଇଁ ରାଜଧାନୀ ଭୁବନେଶ୍ବର ଦେଶର ସବୁଠାରୁ ଉତ୍ତପ୍ତ ସହରରେ ପରିଣତ ହୋଇଛି । ଗତ ୩ ଦିନର ରେକର୍ଡକୁ ଭାଙ୍ଗି ଆଜି ଭୁବନେଶ୍ୱରରେ ୪୦.୦୬ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି । ଶୁକ୍ରବାର ଭୁବନେଶ୍ବରର ତାପମାତ୍ରା ୪୦.୦୪ ଡିଗ୍ରୀ ରେକର୍ଡ କରାଯାଇଥିଲା । କିନ୍ତୁ ଶନିବାର ପୁଣି ଥରେ ତାପମାତ୍ରା ବୃଦ୍ଧିପାଇଛି । ମୁଣ୍ଡଫଟା ଖରା ରାଜଧାନୀବାସୀଙ୍କୁ ନାକେଦମ୍ କଲାଣି ।
ଦେଶର ଉତ୍ତପ୍ତ ସହର ଥିବା ଭୁବନେଶ୍ବର କିଛି ଦିନ ହେବ ଲଗାତର ରାଜ୍ୟର ସବୁଠୁ ଉତ୍ତପ୍ତ ସହର ମଧ୍ୟ ରହିଆସୁଛି। ଏହାରି ମଧ୍ୟରେ ପାଣିପାଗ ବିଭାଗର ପୂର୍ବାନୁମାନ ଅନୁସାରେ ରାଜ୍ୟର କିଛି ଜିଲ୍ଲା ସମେତ ଭୁବନେଶ୍ୱରରେ ତାପମାତ୍ରା ଆହୁରି ବୃଦ୍ଧି ପାଇବ। ଆଗାମୀ ୫ ଦିନ ଭିତରେ ରାଜ୍ୟର ଅଧିକାଂଶ ଜିଲ୍ଲାରେ ତାପମାତ୍ରା ବଢ଼ିବ। ୫ ଡିଗ୍ରୀ ପର୍ଯ୍ୟନ୍ତ ତାପମାତ୍ରା ବୃଦ୍ଧି ହେବ। ଖୋର୍ଦ୍ଧା, କଟକ, ଯାଜପୁର, ଭଦ୍ରକ, କେନ୍ଦ୍ରାପଡ଼ା, ବାଲେଶ୍ୱର ଓ ଅନୁଗୁଳ ତାପମାତ୍ରା ବୃଦ୍ଧି ପାଇବ। ରାଜଧାନୀ ଭୁବନେଶ୍ୱରରେ ତାପମାତ୍ରା ବି ଅହେତୁକ ବୃଦ୍ଧି ପାଇବ। ୨ରୁ ୩ ଦିନ ଯାଏଁ ଭୁବନେଶ୍ୱରର ତାପମାତ୍ରା ଅଧତ୍କ ରହିବା ସମ୍ଭାବନା ରହିଛି।
