ଜାନୁଆରୀ ୬ରୁ ବିଇଡି ସ୍ପଟ୍ ନାମ ଲେଖା

ଭୁବନେଶ୍ବର : ଜାନୁଆରୀ ୬ରୁ ରାଜ୍ୟର ବିଭିନ୍ନ ବିଇଡି କଲେଜର ଖାଲିଥିବା ସିଟ୍‌ଗୁଡ଼ିକରେ ସ୍ପଟ୍ ନାମଲେଖା ହେବ | ସ୍ପଟ୍ ନାମଲେଖା ୬ରୁ ଆରମ୍ଭ ହୋଇ ୧୨ ତାରିଖ ମଧ୍ୟରେ ସରିବ। ତେବେ ନାମଲେଖା ପାଇଁ ଛାତ୍ରଛାତ୍ରୀଙ୍କ ଆବେଦନ ପୂର୍ବରୁ କଲେଜଗୁଡ଼ିକ ସାମ୍ ପୋର୍ଟାଲରେ ବିଭାଗ ଅନୁଯାୟୀ ଖାଲି ଥିବା ସିଟ୍, କଟଅଫ୍ ମାର୍କ ଆଦି ସମସ୍ତ ତଥ୍ୟ ଅପଲୋଡ କରିବେ । ଉଚ୍ଚଶିକ୍ଷା ବିଭାଗ ପକ୍ଷରୁ ବିଇଡି ଓ ସ୍ଵୟଂଶାସିତ କଲେଜଗୁଡ଼ିକୁ ଏନେଇ ଅବଗତ କରାଯାଇଛି।

ସେହିପରି କଲେଜଗୁଡ଼ିକର ପୋର୍ଟାଲରେ ନାମଲେଖା ପାଇଁ ମେଧା ତାଲିକା ପ୍ରକାଶ ପାଇବ। ସ୍ପଟ୍ ନାମଲେଖା ପାଇଁ ଆବେଦନ ପରେ ଛାତ୍ରଛାତ୍ରୀ ମେଧାତାଲିକା ଓ ନିର୍ଦ୍ଧାରିତ ତାରିଖ ଅନୁଯାୟୀ ଶିକ୍ଷାନୁଷ୍ଠାନରେ ନାମ ଲେଖାଇବେ । ସେହିପରି ବିଇଡି ନାମଲେଖା ପାଇଁ ପ୍ରବେଶିକା ପରୀକ୍ଷାରେ ଉତ୍ତୀର୍ଣ୍ଣ ହୋଇଥିବା ଛାତ୍ରଛାତ୍ରୀଙ୍କୁ ସ୍ପଟ୍ ନାମଲେଖାରେ ସୁଯୋଗ ଦିଆଯିବ ବୋଲି ଉଚ୍ଚଶିକ୍ଷା ବିଭାଗ ଚିଠିରେ ଉଲ୍ଲେଖ କରିଛି।

Leave a comment