ବଲାଙ୍ଗୀର ସହରରେ ଚାଞ୍ଚଲ୍ୟ: ଘରେ ପସିଛି ବନ୍ଧୁକ ଧାରି ଯୁବକ, ଅନ୍ୟ ଏକ କୋଠରୀରେ ବନ୍ଦୀ ପରିବାରର ୩ ସଦସ୍ୟ

ଉଦ୍ଧାର ପାଇଁ ୨ ଘଣ୍ଟା ହେଲା ଘେରା ବନ୍ଦିକରି ଉଦ୍ୟମ ଚଳାଇଛି ପୁଲିସ

ବଲାଙ୍ଗୀର : ଘରେ ପସିଛି ବନ୍ଧୁକଧାରି ଯୁବକ । ଯାହାକୁ ନେଇ ବଲାଙ୍ଗୀର ସହରରେ ଚାଞ୍ଚଲ୍ୟ ଖେଳିଯାଇଛି । ବଲାଙ୍ଗୀର ସହର ଶାନ୍ତିପଡାରେ ମଦନ ମୋହନ ହୋତାଙ୍କ ଘରେ ଜଣେ ବନ୍ଧୁଙ୍କ ଧାରି ଯୁବକ ପସିଛି । ଅନ୍ୟ ଏକ କୋଠରୀରେ ପରିବାରର ସ୍ବାମୀ, ସ୍ତ୍ରୀ ଓ ୧୫ ବର୍ଷର ପୁଅ ବନ୍ଦୀ ହୋଇ ଅଛନ୍ତି । ଘର ବାହାରେ ପୁଲିସ ଘେରି ଉଦ୍ଧାର ପାଇଁ ୨ ଘଣ୍ଟା ହେଲା ଉଦ୍ୟମ ଚଳାଇଛି ।

ସଚନା ଅନୁଯାୟୀ, ଜଣେ ଯବକ ଏକ ବାଇକରେ ଆସି ଶାନ୍ତିପଡାର ଉକ୍ତ ପରିବାରକୁ ବନ୍ଧୁକ ଦେଖାଇ ଧମକଚମକ ଦେଉଥିବା ବେଳେ କୌଶଳ କ୍ରମେ ପରିବାର ଲୋକେ କବାଟ ଦେଇ ଏକ କୋଠରୀରେ ବନ୍ଦ ହୋଇଯାଇଥିଲେ । ଏହି ସମୟରେ ପରିବାରର ଅନ୍ୟଜଣେ ବାହାରୁ ଆସି ବାହାରପଟୁ କବାଟ ଦେଇ ଦେଇଥିଲେ । ଫଳରେ ଘର ବନ୍ଧୁକଧାରି ଯୁବକ ଜଣକ ବନ୍ଦ ହୋଇ ରହିଛନ୍ତି । ଯୁବକଙ୍କୁ କାବୁ କରିବା ସହ ପରିବାରକୁ ଉଦ୍ଧାର ପାଇଁ ପୁଲିସ ଘରକୁ ଘେରାବନ୍ଦି କରି ଉଦ୍ୟମ ଚଳାଇଛି । ଯୁବକଙ୍କ ସମ୍ପର୍କରେ ପୁଲିସ କିଛି କହୁନଥିବା ବେଳେ ତାଙ୍କ ଭାଇ ଓ ମାଆଙ୍କୁ ଡକାଇ ବୁଝାସୁଝା ଚଳାଇଛି । ହେଲେ ତାହା ସଫଳ ହେଉନଥିବାରୁ ପୁଲିସ ବୁଲେଟ ପ୍ରୁଫ ଜାକେଟ ସହ ଅପରେସନ ପାଇଁ ପ୍ରସ୍ତୁତି ଆରମ୍ଭ କରିଛି। ତେବେ କେଉଁ କାରଣରୁ ସେ ବନ୍ଧୁକ ଧରି ଆସିଥିଲେ ତାହା କିଛି ଜଣାପଡିନାହିଁ।

Leave a comment