ପୂର୍ବତନ କ୍ରିକେଟର ତଥା ବିଜେପି ପ୍ରାର୍ଥୀ ଅଶୋକ ଡିଣ୍ଡାଙ୍କୁ ପଥର ମାଡ, ଟିଏମ୍‌ସି ସମର୍ଥକଙ୍କ ସଂପୃକ୍ତି ଅଭିଯୋଗ

କୋଲକାତା: ପଶ୍ଚିମବଙ୍ଗ ବିଧାନସଭା ନିର୍ବାଚନର ଦ୍ବିତୀୟ ପର୍ଯ୍ୟାୟ ମତଦାନ ପାଇଁ ପ୍ରଚାରର ଶେଷ ଦିନରେ ବିଜେପି ପ୍ରାର୍ଥୀ ଅଶୋକ ଡିଣ୍ଡାଙ୍କୁ ଆକ୍ରମଣ । ଭାରତୀୟ କ୍ରିକେଟ ଟିମର ପୂର୍ବତନ କ୍ରିକେଟର ଅଶୋକ ଡିଣ୍ଡା ପୂର୍ବ ମେଦିନାପୁରର ମୋୟନା ଆସନକୁ ବିଜେପିର ପ୍ରାର୍ଥୀ ଅଛନ୍ତି ।


ଅଶୋକ ଡିଣ୍ଡାଙ୍କ ପିଠିରେ ଆଘାତ ଲାଗିଥିବା ନେଇ ମିଳିଛି ସୂଚନା । ୫୦ରୁ ଉର୍ଦ୍ଧ୍ବ ଟିଏମସି କର୍ମୀ ଅଶୋକ ଡିଣ୍ଡାଙ୍କ ଗାଡିକୁ ମୋୟନା ବଜାରରେ ଘେରି ଏହା ଉପରକୁ ପଥର ମାଡ କରିଥିଲେ ବୋଲି ଅଭିଯୋଗ ହୋଇଛି । ଏହି ଘଟଣାରେ ଗାଡିର କାଚ ଭାଙ୍ଗି ଯାଇଥିବା ଜଣାପଡିଛି । ୨୪ ଫେବୃଆରୀରେ ବିଜେପିରେ ସାମିଲ ହୋଇଥିଲେ ଡିଣ୍ଡା ।ପଶ୍ଚିମବଙ୍ଗ ବିଧାନସଭା ନିର୍ବାଚନର ଦ୍ବିତୀୟ ପର୍ୟ୍ୟାୟ ମତଦାନ ପାଇଁ ମଙ୍ଗଳବାର ଥିଲା ପ୍ରଚାରର ଶେଷ ଦିନ।

Leave a comment