ଆଧାର କାର୍ଡ ସହିତ ପାନ୍ କାର୍ଡକୁ ସଂଯୋଗ କରିବାର ଶେଷ ତାରିଖ ହେଉଛି ୩୧ ମାର୍ଚ୍ଚ ୨୦୨୨। ଯଦି ଆପଣ ଏହା ପୂର୍ବରୁ ଲିଙ୍କ୍ କରନ୍ତି ନାହିଁ, ତେବେ ଆପଣଙ୍କୁ ମଧ୍ୟ ଜରିମାନା କରାଯାଇପାରେ । ଆଧାର କାର୍ଡ ପରି ପାନ୍ କାର୍ଡ ମଧ୍ୟ ଏକ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ୍ । ଏହା ଅନେକ ଗୁରୁତ୍ୱପୂର୍ଣ୍ଣ ସ୍ଥାନରେ ବ୍ୟବହୃତ ହୁଏ । ଯେତେବେଳେ ଆପଣ କୌଣସି ବଡ ଅନୁଷ୍ଠାନରେ ଚାକିରି ପାଇଁ ଯିବେ ସେଠାରେ ପାନ୍ କାର୍ଡ ନିହାତି ଦରକାର। କାରଣ ଆପଣଙ୍କ PF ଆକାଉଣ୍ଟ୍ କରିବାବେଳେ ପାନ୍ କାର୍ଡ ଦରକାର । ଏହା ବ୍ୟତୀତ ପାନ୍ କାର୍ଡକୁ ଏକ ID କାର୍ଡ ଭାବରେ ମଧ୍ୟ ବ୍ୟବହାର କରାଯାଏ । ଏହା ବ୍ୟତିତ ବ୍ୟାଙ୍କ ଆକାଉଣ୍ଟ ଖୋଲିବା ଠାରୁ ଆରମ୍ଭ କରି ଆୟକର ରିଟର୍ଣ୍ଣ ଦାଖଲ କରିବା ପର୍ଯ୍ୟନ୍ତ ପାନ୍ କାର୍ଡ ପ୍ରାୟ ସବୁ ସ୍ଥାନରେ ଆବଶ୍ୟକ। କୌଣସି ଆର୍ଥିକ କାରବାର ପାନ୍ କାର୍ଡ ବିନା ସମ୍ଭବ ନୁହେଁ।
ତେଣୁ ବର୍ତ୍ତମାନ ସମୟରେ ଆପଣଙ୍କ ପାଖରେ ପାନ୍ କାର୍ଡ ରହିବା ଅତ୍ୟନ୍ତ ଗୁରୁତ୍ବପୂର୍ଣ୍ଣ। ଆଉ ଆପଣଙ୍କ ପାନ୍ କାର୍ଡରେ ସମ୍ପୁର୍ଣ୍ଣ ସୂଚନା ମଧ୍ୟ ଠିକ୍ ରହିବା ଆବଶ୍ୟକ। ଏଥିରେ କୌଣସି ଭୁଲ ରହିବା ଉଚିତ ନୁହେଁ। ଯେପରିକି ପାନ୍ କାର୍ଡରେ ଆପଣଙ୍କ ନାଁ, ଜନ୍ମ ତାରିଖ ,ପିତାଙ୍କ ନାଁ ଠିକ୍ ରହିବା ଆବଶ୍ୟକ। କାରଣ ବହୁ ସମୟରେ ଆମପାଖକୁ ପାନ୍ କାର୍ଡ ଆସିବା ପରେ ସେଥିରେ ଥିବା ଭୁଲ୍ ଆମ ନଜରକୁ ଆସିଥାଏ। ଆଉ ପାନ୍ କାର୍ଡରେ ଭୁଲ ଦେଖିବା ପରେ ଆପଣଙ୍କୁ କଷ୍ଟ ବି ଲାଗିପାରେ। ପୁଣିଥରେ ପାନ୍ କାର୍ଡ ବନାଇବାକୁ ସାଇବର କାଫେ କିମ୍ବା ଜନସେବା କେନ୍ଦ୍ରକୁ ଯିବାକୁ ଆପଣ କୁଣ୍ଠାବୋଧ କରିପାରନ୍ତି। ତେବେ ଏପରି ସ୍ଥିତିରେ ଚିନ୍ତା କରିବାର କୌଣସି ଆବଶ୍ୟକ ନାହିଁ। କାରଣ ଆପଣ ଘରେ ବସି ଅନ୍ଲାଇନରେ ଯେକୌଣସି ଭୁଲ୍କୁ ସଂଶୋଧନ କରିପାରିବେ।
ସର୍ବପ୍ରଥମେ ପାନ୍ କାର୍ଡକୁ ଅନ୍ଲାଇନ୍ରେ ସଂଶୋଧନ କରିବାକୁ, ପ୍ରଥମେ ଆପଣଙ୍କୁ https://www.onlineservices.nsdl.com/paam/endUserRegisterContact.html ଟାଇପ୍ କରି NSDL ୱେବସାଇଟକୁ ଯିବାକୁ ପଡିବ । ପେଜ୍ ଖୋଲିବା ପରେ ସେଠାରେ ପଚରାଯାଇଥିବା ସମସ୍ତ ତଥ୍ୟ ପୁରଣ କରିବାକୁ ପଡିବ। ଯେପରି ଆପଣଙ୍କ ପାନ୍ ନମ୍ବର, ଆପଣଙ୍କ ନାଁ, ଜନ୍ମ ତାରିଖ। ଏହାପରେ ସଠିକ୍ କ୍ୟାପଚା କୋଡ୍ ଦେବାସହ ଏବଂ ଦାଖଲ ବଟନ୍ ଉପରେ କ୍ଲିକ୍ କରନ୍ତୁ। ଏହା ପରେ ଆପଣଙ୍କୁ ଆଧାର, ପାସପୋର୍ଟ କିମ୍ବା ଅନ୍ୟାନ୍ୟ ଡକ୍ୟୁମେଣ୍ଟ୍ ଅପଲୋଡ୍ କରିବାକୁ ପଡିବ।
ଯଦି ଆପଣ ଅନଲାଇନ୍ ପାନ୍ କାର୍ଡରେ ସଂଶୋଧନ କରିବା ପରେ ହାର୍ଡ କପି ଘରକୁ ପାଇବାକୁ ଚାହୁଁଛନ୍ତି, ତେବେ ଏଥିପାଇଁ ଆପଣଙ୍କଠାରୁ ଏକ ଶୁଳ୍କ ଆଦାୟ କରାଯିବ । ଦେୟ ଦେବା ପରେ, ଆପଣ ବ୍ୟାଙ୍କ ରେଫରେନ୍ସ ନମ୍ବର ଏବଂ କାରବାର ନମ୍ବର ପାଇବେ। ଏଗୁଡିକ ସେଭ୍ କରନ୍ତୁ ଏବଂ ତାପରେ ଜାରି ରଖନ୍ତୁ ଉପରେ କ୍ଲିକ୍ କରନ୍ତୁ । ତା’ପରେ ଆପଣଙ୍କୁ ଏକ ଫର୍ମ ପୂରଣ କରିବାକୁ ପଡିବ, ଯେଉଁଥିରେ ଆପଣଙ୍କୁ ପାନ୍ କାର୍ଡରେ ଥିବା ଭୁଲ ବିଷୟରେ ଲେଖିବାକୁ ପଡିବ, ଯାହାକୁ ଆପଣ ସଂଶୋଧନ କରିବାକୁ ଚାହୁଁଛନ୍ତି । କେବଳ ଏହି ସମସ୍ତ ଆବଶ୍ୟକୀୟ ତଥ୍ୟ ପୁରଣ କରନ୍ତୁ ଏବଂ ଏହାକୁ ଦାଖଲ କରନ୍ତୁ । ଆପଣ କିଛି ଦିନ ମଧ୍ୟରେ ସଂଶୋଧନ ସହିତ ଆପଣଙ୍କର ପାନ୍ କାର୍ଡ ଡାକ ମାଧ୍ୟମରେ ଆପଣଙ୍କ ଘରେ ପହଞ୍ଚିଯିବ।
