ଶୈବପୀଠରେ ଅଘଟଣ: ପ୍ରେମିକକୁ ମାଡ଼ମାରି ପ୍ରେମିକାକୁ ଜଙ୍ଗଲକୁ ଟେକିନେଇ ଦୁଷ୍କର୍ମ ଉଦ୍ୟମ ଅଭିଯୋଗ

ନୀଳଗିରି: ବାଲେଶ୍ଵର ଜିଲ୍ଲା ନୀଳଗିରିର ପ୍ରସିଦ୍ଧ ଶୈବପୀଠ ପଞ୍ଚଲିଙ୍ଗେଶ୍ୱରରେ ପ୍ରେମିକକୁ ମାଡ଼ମାରି ପ୍ରେମିକାକୁ ଜଙ୍ଗଲ ଭିତରକୁ ଟେକିନେଲେ ଦୁର୍ବୃତ୍ତ ମାନେ ଦୁଷ୍କର୍ମ ଉଦ୍ୟମ କରିଥିବା ଅଭିଯୋଗ ହୋଇଛି। ସ୍ଥାନୀୟ ସୁରକ୍ଷା କମିଟି ସହାୟତାରେ ନାବାଳିକାକୁ ଉଦ୍ଧାର କରାଯାଇଥିବା ଜଣାପଡିଛି।

ସୂଚନଯୋଗ୍ୟ, ନୀଳଗିରି ଥାନା ଅଧିନ ପଞ୍ଚଲିଙ୍ଗେଶ୍ଵର ଶୈବପୀଠକୁ ମୟୁରଭଞ୍ଜ ଜିଲ୍ଲାରୁ ଜଣେ ଯୁବକ ଜଣେ ଯୁବତୀଙ୍କୁ ଧରି ବୁଲିବାକୁ ଆସିଥିଲେ। ହେଲେ କିଛି ଯୁବକ ତାଙ୍କୁ ମାଡ଼ ମାରି ଯୁବତୀ ଜଣଙ୍କୁ ଜଙ୍ଗଲକୁ ଟେକି ନେଇଥିଲେ। ଦୁଷ୍କର୍ମ ଉଦ୍ୟମ କରିଥିବା ବେଳେ ସୁରକ୍ଷା କମିଟି ତରଫରୁ ଯୁବତୀଙ୍କୁ ଉଦ୍ଧାର କରାଯାଇଛି। ପଞ୍ଚଲିଙ୍ଗେଶ୍ୱର ବିଟ ହାଉସର ପୁଲିସ ତଦନ୍ତ କରି ୨ଜଣ ଯୁବକଙ୍କୁ ଅଟକ ରଖିଥିବା ଜଣାପଡିଛି। ଆହୁରି ଅନେକ ଯୁବକ ଏଥିରେ ସାମିଲ ଥିବାରୁ ପୁଲିସ ତଦନ୍ତ କରି ତାଙ୍କୁ ଖୋଜୁଥିବା ଜଣାପଡିଛି। ଦିନକୁ ଦିନ ଶୈବପୀଠରେ ଅସାମାଜିକ ଯୁବକଙ୍କ ଆଡ୍ଡା ପାଲଟିଥିବା ବେଳେ ପର୍ଯ୍ଯଟକ ମାନଙ୍କୁ ଦୁର୍ବ୍ୟବହାର, ଛିନତାଇ ବଢୁଥିବାରୁ ପୁଲିସ ପାଇଁ ମୁଣ୍ଡ ବିନ୍ଧାର କାରଣ ପାଲଟିଛି।

Leave a comment