ଭୁବନେଶ୍ୱର: କରୋନା ସଂକ୍ରମଣର ନିଆଁ ହୁତ୍ ହୁତ୍ ହୋଇ ଜଳୁଛି । ରାଜ୍ୟରେ ଟେଷ୍ଟିଂ ବଢ଼ିବା ସହ ବୃଦ୍ଧି ପାଉଛି ସଂକ୍ରମିତଙ୍କ ସଂଖ୍ୟା । ବିଗତ ୨୪ ଘଣ୍ଟାରେ ରାଜ୍ୟରୁ ୮ ହଜାର ୬୮୧ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ କରୋନାରେ ଆଉ ୧୪ ଜଣଙ୍କ ମୃତ୍ୟୁ ହୋଇଛି । ଏଥିସହ ରାଜ୍ୟରେ ମୋଟ କୋଭିଡ୍ ମୃତ୍ୟୁ ସଂଖ୍ୟା ୨ ହଜାର ୪୩କୁ ବୃଦ୍ଧି ପାଇଛି ।
ଗଞ୍ଜାମରୁ ଜଣେ, କଳାହାଣ୍ଡିରୁ ଜଣେ, ଖୋର୍ଦ୍ଧାରୁ ୨ ଜଣ, କୋରାପୁଟରୁ ୩ ଜଣ, ନବରଙ୍ଗପୁରରୁ ଜଣେ, ରାୟଗଡ଼ାରୁ ୨ ଜଣ, ସମ୍ବଲପୁରରୁ ଜଣେ, ସୁନ୍ଦରଗଡ଼ରୁ ୩ ଜଣ କୋଭିଡ୍ ଆକ୍ରାନ୍ତ ଆଖି ବୁଜିଛନ୍ତି ।
ଏଯାବତ୍ ରାଜ୍ୟରେ ୪ ଲକ୍ଷ ୪୪ ହଜାର ୧୯୪ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ୩ ଲକ୍ଷ ୮୦ ହଜାର ୪୦୦ ଜଣ କରୋନାକୁ ମାତ୍ ଦେଇ ସୁସ୍ଥ ହୋଇଛନ୍ତି । ଏବେ ରାଜ୍ୟରେ ୬୧ ହଜାର ୬୯୮ଟି ସକ୍ରିୟ ସଂକ୍ରମଣ ମାମଲା ରହିଛି ।
ଅନ୍ୟପଟେ ଗତ ୧୧ ଦିନ ମଧ୍ୟରେ ୭୧ ହଜାର ୪୯୧ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ୧୯ ତାରିଖରେ ୪ ହଜାର ୭୬୧ଟି ସଂକ୍ରମିତ ଚିହ୍ନଟ ହୋଇଥିବା ବେଳେ ୨୦ ତାରିଖରେ ୪ ହଜାର ୮୫୧ ଜଣ, ୨୧ରେ ୬ ହଜାର ୧୬୪ ଜଣ, ୨୨ରେ ୬ ହଜାର ୨୧୫ ଜଣ, ୨୩ରେ ୬, ୬୪୭ ଜଣ, ୨୪ରେ ୬ ହଜାର ୧୧୬, ୨୫ରେ ୬ ହଜାର ୫୯୯ ଜଣ, ୨୬ରେ ୬ ହଜାର ୭୩ ଜଣ, ୨୭ରେ ୮ ହଜାର ୩୮୬ ଜଣ, ୨୮ରେ ୬ ହଜାର ୯୯୮ ଜଣ ଏବଂ ୨୯ ତାରିଖରେ ୮ ହଜାର ୬୮୧ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।
