ସାରସକଣା: ରାତିରେ ଜନୈକ ପୁଅ ରଶି ଲାଗଇ ଆତ୍ମହତ୍ୟା କରିବା ଏବଂ ଏହାକୁ ସହ୍ୟ କରିନପାରି ବାପ ଆରପାରିକୁ ଚାଲିଯିବା ଘଟଣା ଝାରପଖରିଆ ଥାନା ଅଂଚଳରେ ଚର୍ଚ୍ଚାର ବିଷୟ ପାଲଟିଛି। ଝାରପଖରିଆ ଥାନା ବମ୍ବେଛକ ବଜାର ନିକଟସ୍ଥ ସୀମାନ୍ତ ନୂଆସହିର ଯୁବକ ରାଜୁ ମହାନ୍ତ (୩୦)ଙ୍କ ମୃତଦେହ ତାଙ୍କ ନିଜ ଘରେ ବେକେରେ ରଶି ଲଗାଇ ଝୁଲନ୍ତା ଅବସ୍ଥାରେ ଉଦ୍ଧାର କରାଯାଇଥିଲା। ତାଙ୍କର ମୃତ୍ୟୁର ସଠିକ କାରଣ ଜଣାପଡ଼ି ନ ଥିବା ବେଳେ ପରଦିନ ସକାଳେ ତାଙ୍କ ପିତା ଲଲମୋହନ ମହାନ୍ତ (୭୦)ଙ୍କ ମୃତଦେହ ଘରୁ ଉଦ୍ଧାର କରାଯାଇଛି। ବହୁଦିନ ହେଲା ସେ ଶାରୀରିକ ଅସୁସ୍ଥ ଥିବା ଜଣାପଡିଛି।
ପ୍ରକାଶ ଥାଉକି, କିଛିମାସ ପୂର୍ବରୁ ଏହି ଘରର ସାନପୁଅ ବିଜୁ ମହାନ୍ତ ମଧ୍ୟ ବେକରେ ରଶି ଲଗାଇ ଆତ୍ମହତ୍ୟା କରିଥିଲେ ଏବେ ଏହି ଦୁଃଖଦ ଘଟଣା ଘଟିବା ପରେ ଏହି ପରିବାର ମୁରବି ବିହୀନ ହୋଇପଡିଛି। ତେବେ ଉଭୟ ବାପପୁଅଙ୍କ ମୃତ୍ୟୁର କାରଣ ଜଣାପଡିନଥିବା ବେଳ ଝାରପଖରିଆ ପୁଲିସ ଏହି ସମ୍ବେଦନଶୀଳ ଘଟଣାକୁ ଗୁରୁତ୍ୱର ସହିତ ନେଇ ତଦନ୍ତ ଜାରି ରଖିଛି । ଏ ସଂକ୍ରାନ୍ତରେ ଥାନାରେ ଅପମୃତ୍ୟୁ ମାମଲା ରୁଜ୍ଜୁ ହୋଇଛି।
