ଜାତୀୟସ୍ତରରେ ମୁକ୍ତିଲାଭ କଲା ଓଡ଼ିଆ ଚଳଚ୍ଚିତ୍ର ‘ଏଡିୟୁ ଗୋଦାର’

ମୁମ୍ବାଇ: ଅମର୍ତ୍ତ୍ୟ ଭଟ୍ଟାଚାର୍ଯ୍ୟ ନିର୍ଦ୍ଦେଶିତ ଓଡ଼ିଆ ଚଳଚ୍ଚିତ୍ର ‘ଏଡିୟୁ ଗୋଦାର’ ପ୍ରଥମଥର ପାଇଁ ଜାତୀୟସ୍ତରରେ ମୁକ୍ତିଲାଭ କରିଛି। ଚଳିତ ବର୍ଷ ୨୭ତମ କୋଲକାତା ଆନ୍ତର୍ଜାତିକ ଫିଲ୍ମ ଉତ୍ସବରେ ଭାରତୀୟ ଭାଷା ପ୍ରତିଯୋଗିତାରେ ଏହି ଚଳଚ୍ଚିତ୍ର ସର୍ବଶ୍ରେଷ୍ଠ ଫିଲ୍ମ ଆୱାର୍ଡରେ ସମ୍ମାନିତ ହେବା ସହିତ ପରେ ପରେ ୨୪ତମ ୟୁକେ ଏସିଆନ ଫିଲ୍ମ ଫେଷ୍ଟିଭାଲରେ ମଧ୍ୟ ‘ ଡେୟାର ଟୁ ଡ୍ରିମ୍‌’ ଆୱାର୍ଡରେ ସମ୍ମାନିତ ହୋଇଥିଲା। ସେହିପରି ମସ୍କୋ ଫିଲ୍ମ ଫେଷ୍ଟିଭାଲରେ ମଧ୍ୟ ଏହାର ପ୍ରଦର୍ଶନ ସହିତ ଜର୍ମାନୀ, କ୍ରୋଏସିଆ, ଏବଂ କାନାଡାରେ ଅନୁଷ୍ଠିତ ଦକ୍ଷିଣ ଏସିଆ ଫିଲ୍ମ ଫେଷ୍ଟିଭାଲରେ ପ୍ରଶଂସିତ ହୋଇଥିଲା। ପରେ ପରେ ଏହା ସର୍ବଭାରତୀୟ ସ୍ତରରେ ମୁକ୍ତିଲାଭ କରିଥିବାରୁ ବଲିଉଡ ଜଗତର ବହୁ ପ୍ରମୁଖ ଫିଲ୍ମ ନିର୍ଦ୍ଦେଶକ ଖୁସି ବ୍ୟକ୍ତ କରିଛନ୍ତି। ପ୍ରଥମ ଓଡ଼ିଆ ଚଳଚ୍ଚିତ୍ର ଭାବେ ‘ଏଡିୟୁ ଗୋଦାର’ ସର୍ବଭାରତୀୟ ସ୍ତରରେ ମୁକ୍ତିଲାଭ କରିବା ଓଡ଼ିଆ ସିନେ ଜଗତ ପାଇଁ ଗର୍ବର ବିଷୟ ବୋଲି ବଲିଉଡ ନିର୍ଦ୍ଦେଶକ ଅନୁରାଗ କାଶ୍ୟପ କହିଛନ୍ତି। ଏହାବ୍ୟତୀତ ଅଧÒକାଂଶ ସ୍ଥାନରେ ଏହି ଫିଲ୍ମଟିକୁ ଦେଖିବାକୁ ଲୋକଙ୍କ ମଧ୍ୟରେ ଆଗ୍ରହ ବଢିଥÒବା ଦେଖାଯାଇଛି।

ଓଡ଼ିଶାରେ ମଧ୍ୟ ଏହି ଚଳଚ୍ଚିତ୍ରକୁ ନେଇ ଦର୍ଶକଙ୍କ ମଧ୍ୟରେ ଯଥେଷ୍ଟ ଆଗ୍ରହ ଦେଖାଯାଇଛି। ତେବେ ଜାତୀୟସ୍ତରରେ ଲୋକଙ୍କ ଆଗ୍ରହ ଓଡ଼ିଆ ସିନେ ଶିଳ୍ପଜଗତ ପାଇଁ ଏକ ନୂତନ ଦିଗ ସୃଷ୍ଟି କରିଛି ବୋଲି ବହୁ ପ୍ରତିଷ୍ଠିତ ଫିଲ୍ମ ନିର୍ମାତା କହିଛନ୍ତି। ଏହାଯୋଗୁ ବିଗତ କିଛି ବର୍ଷ ହେଲା ମାନ୍ଦା ରହି ଆସିଥÒବା ଓଡ଼ିଆ ଫିଲ୍ମ ଜଗତକୁ ଆହୁରି ଖେରାକ୍‌ ମିଳିପାରିବ ବୋଲି କିଛି ବଲିଉଡ କଳାକାର ଆଶା ପ୍ରକଟ କରିଛନ୍ତି।

Leave a comment