ମହଙ୍ଗା ହେବ ଘରକରଣା ସାମଗ୍ରୀ: ୧୦% ବଢ଼ିବ ୱାସିଂମେସିନ୍‌, ଏସି, ରେଫ୍ରିଜରେଟର ମୂଲ୍ୟ

ନୂଆଦିଲ୍ଲୀ: ନୂଆ ବର୍ଷରେ ଏୟାର କଣ୍ଡିସନ(ଏସି), ୱାସିଂମେସିଡ଼୍‌ ଏବଂ ରେଫ୍ରିଜରେଟର ଭଳି ଉପଭୋକ୍ତା ଦୀର୍ଘସ୍ଥାୟୀ ଶ୍ରେଣୀର ଘରକରଣା ସାମଗ୍ରୀ ମୂଲ୍ୟ ବୃଦ୍ଧି ପାଇଛି। କାରଣ କମ୍ପାନୀଗୁଡିକ କଞ୍ଚାମାଲ ମୂଲ୍ୟ ବୃଦ୍ଧି ଏବଂ ଅଧିକ ମାଲ ପରିବହନ ଶୁଳ୍କ ପାଇଁ ଗ୍ରାହକମାନଙ୍କ ଉପରେ ଦର ବୃଦ୍ଧି ଘଟାଇବାରୁ ଆଗାମୀ ଦିନରେ ଏହିସବୁ ଘରୋଇ ଉପକରଣଗୁଡ଼ିକର ମୂଲ୍ୟରେ ୫-୧୦ ପ୍ରତିଶତ ମୂଲ୍ୟ ବୃଦ୍ଧି ଘଟିପାରେ। ଏହି ଦର ବୃଦ୍ଧି ଆସନ୍ତା ମାସ କିମ୍ବା ମାର୍ଚ୍ଚ ସୁଦ୍ଧା ହେବାର ଯଥେଷ୍ଟ ସମ୍ଭାବନା ରହିଛି। ପାନାସୋନିକ୍, ଏଲଜି, ହାୟର୍ ଭଳି ଇଲେକ୍‌ଟ୍ରୋନିକ୍ସ କମ୍ପାନୀଗୁଡିକ ସେମାନଙ୍କର ମୂଲ୍ୟର ସମୀକ୍ଷା କରିସାରିଥିବାବେଳେ ସୋନି, ହିଟାଚି, ଗୋଡ୍ରେଜ୍ ଆପ୍ଲାଏନ୍ସ ଭଳି ଅନ୍ୟ ନିର୍ମାତାମାନେ ଏହି ତ୍ରୈମାସର ଶେଷ ସୁଦ୍ଧା ଏ ନେଇ ବିଚାର କରିପାରନ୍ତି। କଞ୍ଜ୍ୟୁମର ଇଲେକ୍ଟ୍ରୋନିକ୍ସ ଏବଂ ଆପ୍ଲାଏନ୍ସ ମ୍ୟାନୁଫାକଚରର୍ସ ଆସୋସିଏସନ୍ (ସିଏଏମ୍ଏ) ଅନୁଯାୟୀ, ଜାନୁୟାରୀରୁ ମାର୍ଚ୍ଚ ମଧ୍ୟରେ ଶିଳ୍ପ ମୂଲ୍ୟ ୫-୭ ପ୍ରତିଶତ ମଧ୍ୟରେ ବୃଦ୍ଧି କରିଥାଏ। ମାଲ ପରିବହନ ଏବଂ କଞ୍ଚାମାଲ ମୂଲ୍ୟରେ ବୃଦ୍ଧି ସହିତ ଆମେ ରେଫ୍ରିଜରେଟର, ୱାଶିଂ ମେସିନ୍ ଏବଂ ଏୟାର କଣ୍ଡିସନର ବର୍ଗରେ ବୃଦ୍ଧି ଘଟାଇବାକୁ ଯାଉଥିବା ହାୟର ଆପ୍ଲାଏନ୍ସ ଇଣ୍ଡିଆର ସଭାପତି ସତୀଶ କହିଛନ୍ତି।

ପାନାସୋନିକ୍ ଇଣ୍ଡିଆ ଡିଭିଜନାଲ ଡାଇରେକ୍ଟର (ଗ୍ରାହକ ଇଲେକ୍ଟ୍ରୋନିକ୍ସ) ଫୁମିୟାସୁ ଫୁଜିମୋରୀ କହିଛନ୍ତି ଯେ, ନିକଟ ଭବିଷ୍ୟତରେ ଘରୋଇ ଉପକରଣ ପାଇଁ ମୂଲ୍ୟ ବୃଦ୍ଧିର ପ୍ରତିଫଳନ ଆମେ ଆଗକୁ ଦେଖÒବାକୁ ପାଇବୁ। ଦକ୍ଷିଣ କୋରିଆ ଉପଭୋକ୍ତା ଇଲେକ୍ଟ୍ରୋନିକ୍ସ ପ୍ରମୁଖ ଏଲଜି, ଯାହା ଘରୋଇ ଉପକରଣ ବର୍ଗରେ ମଧ୍ୟ ମୂଲ୍ୟ ବୃଦ୍ଧି କରିଛି, ଇନପୁଟ୍ କଞ୍ଚାମାଲ ମୂଲ୍ୟ ଏବଂ ଲଜିଷ୍ଟିକ୍ ମୂଲ୍ୟରେ କ୍ରମାଗତ ବୃଦ୍ଧି ଏକ ଚିନ୍ତାର କାରଣ ହୋଇଛି। ବ୍ୟବସାୟ ସ୍ଥିରତା ପାଇଁ ମୂଲ୍ୟ ବୃଦ୍ଧି ହେବା ଆବଶ୍ୟକ ବୋଲି ଏଲଜି ଇଲେକ୍ଟ୍ରୋନିକ୍ସ ଇଣ୍ଡିଆର ଉପାଧ୍ୟକ୍ଷ, ଗୃହ ଉପକରଣ ଏବଂ ଏୟାର କଣ୍ଡିସନର ବ୍ୟବସାୟ ଦୀପକ ବନ୍‌ସଲ କହିଛନ୍ତି। ଜନସନ କଣ୍ଟ୍ରୋଲ୍ସ-ହିଟାଚି ଏୟାର କଣ୍ଡିସନିଂ ଇଣ୍ଡିଆର ଚେୟାରମ୍ୟାନ୍ ତଥା ପରିଚାଳନା ନିର୍ଦ୍ଦେଶକ ଗୁରୁମିତ ସିଂ କହିଛନ୍ତି ଯେ, କଞ୍ଚାମାଲ, ଟିକସ ଏବଂ ଉତ୍ପାଦନ ମୂଲ୍ୟ ବୃଦ୍ଧି ହେତୁ ଏପ୍ରିଲ ସୁଦ୍ଧା ବ୍ରାଣ୍ଡଗୁଡ଼ିକ ପର୍ଯ୍ୟାୟକ୍ରମେ ୧୦ ପ୍ରତିଶତ ପର୍ଯ୍ୟନ୍ତ ମୂଲ୍ୟ ବୃଦ୍ଧି କରିବେ। ଗତ ବର୍ଷ ଡିସେମ୍ବରୁ ଚଳିତ ବର୍ଷ ପ୍ରାୟ ସମାନ ସମୟରେ ମୂଲ୍ୟରେ ପ୍ରାୟ ୬-୭ ପ୍ରତିଶତ ବୃଦ୍ଧି ପାଇଥିବା ସେ କହିଛନ୍ତି । ବର୍ତ୍ତମାନ ମୂଲ୍ୟରେ କମ୍ପାନୀ ବୃଦ୍ଧି କରିବାକୁ ନିଷ୍ପତ୍ତି ନେଇଥିବା ସୋନି ଇଣ୍ଡିଆର ପରିଚାଳନା ନିର୍ଦ୍ଦେଶକ ସୁନୀଲ ନାୟାର କହିଛନ୍ତି।ଗୋଡ୍ରେଜ୍ ଆପ୍ଲାଏନ୍ସ ବିଜନେସ୍ ହେଡ୍ ଏବଂ କାର୍ଯ୍ୟନିର୍ବାହୀ ଉପାଧ୍ୟକ୍ଷ କମଲ ନନ୍ଦୀ କହିଛନ୍ତି ଯେ କରୋନାଭାଇରସ୍ ସଂକ୍ରମଣ ହାର ବୃଦ୍ଧି ହେତୁ ବର୍ତ୍ତମାନର ଚାହିଦା ହ୍ରାସକୁ ଦୃଷ୍ଟିରେ ରଖି କମ୍ପାନୀ ଆଗକୁ ମୂଲ୍ୟ ବଢ଼ାଇବାକୁ ବିଚାର କରିବ।

Leave a comment