ନୂଆପଡ଼ା: ନୂଆପଡ଼ାରେ ଦାଦାବଟି ନଦେବାରୁ ଫୁଟିଲା ଗୁଳି। କୋମନା ଥାନା ଠୁଟି ବର ଗାଁରେ ଗୁଳି କରି ଜଣେ ମହିଳାଙ୍କୁ ହତ୍ୟା କରିଛନ୍ତି ଯୁବକ । ମୃତ ମହିଳା ହେଲେ କୁମୁଦିନୀ ଶବର। ହତ୍ୟାକାଣ୍ଡ ପରେ ଅଭିଯୁକ୍ତ ନୀଳାମ୍ବର ସୁନା ଫେରାର ହୋଇଯାଇଛି।
ସୂଚନା ଅନୁଯାୟୀ, ଗାଁର ନୀଳାମ୍ବର ସୁନା ବିଭିନ୍ନ ସମୟରେ ଦାଦା ବଟି ଆଦାୟ କରୁଥିଲା । ଗତକାଲି ରାତି ୧୧ଟାରେ ସୁବାସ ଚନ୍ଦ୍ର ସାହୁଙ୍କ ଘରକୁ ଯାଇ ୧୦ ହଜାର ଟଙ୍କା ମାଗିଥିଲେ। ଏହି ସମୟରେ ସୁବାସଙ୍କ ସ୍ତ୍ରୀ କୁମୁଦିନୀ ଶବର ମନା କରିବାରୁ ନୀଳାମ୍ବର ନିଜ ବନ୍ଧୁକରୁ ମହିଳାଙ୍କୁ ଗୁଳି କରିଥିଲା। ଘଟଣାସ୍ଥଳରେ ହିଁ ମହିଳାଙ୍କର ମୃତ୍ୟୁ ହୋଇଥିବା ବେଳେ ଅଭିଯୁକ୍ତ ନୀଳାମ୍ବର ସୁନା ଫେରାର ହୋଇଯାଇଛି। ଘଟଣାସ୍ଥଳରେ କୋମନା ପୁଲିସ୍ ପହଞ୍ଚି ତଦନ୍ତ ଆରମ୍ଭ କରିଛି।
